Lukaas 5:1 - Kuumeet Sinɔ Tɔɔnuk Ad Majaŋeeroŋk

¹ Ɓeny omalte saaɓa Yeese ɛtɛtɛrɗi goroo sinɔɔnɛ obiiŋɔŋk Genseretik kɛntɛɛk, nɛɓa kurak joop a ɓɔɔkaaŋ son lak sɛɛnik, nɛɓa diri Sɛɛne tookɛɛta kɛnɔ tiyɛr pɛɛni Waakoyotoŋk.

Lukaas 5:1 Iomraidhean Croise

Maatiyoos 11:12

Ŋuujɛɛ burɛ dariyoŋk jɛt aɓa tukiɗi eme Yowanis sinɛ A'aadiik nɔ mɛlɛɛɗa sisɔwa. Paarir joop boŋiɗa ɓaŋkawukaat.

Maatiyoos 14:34

Ekaŋɛrɓa gɔrɔ sinɛ obiiŋɔŋk, nɛ mɛlɛr ɗooka Genseereetik.

Markoos 3:9

Tonuɓa nomtaanaka gɛɛna kɛnɔ ragadirgeeɗ emɗ sinɔ tɛmŋɔŋk, kɛnɔ mo enya joop sigɛɓa tolɛr ɛɛkik.

Markoos 4:1

Tukeɓa Yeese rɔɔriyɔn kɛkar goroo sinaanɛ obiiŋɔŋk jɔk. Agut sinɔɓa kurakiɗ joop a ɓɔɔkaaŋɔŋk, son lak sɛɛnik nɛ tookɛr sɛɛnŋɔŋk, nɛɓa Yeese teeŋɛ emɗa raŋana nɛ dokuɗe. Maɓa joop sigɛ ɓɔɔkaak baŋɛ atu goroo sinaanɛ obiiŋɔŋk jɔk.

Markoos 5:24

Nɛɓa Yeesee kaar a sɛɛn agut omoŋ, nɛɓa nomɛrɗi joop a ɓɔɔkaaŋ a diri sɛɛne tookɛɛta.

Markoos 6:53

Ekaŋɛrɓa gɔrɔ sinɛ obiiŋɔŋk, nɛ mɛlɛr ɗooka sinɔɔna riyɛ kɛ Gensereetik, nɛ widetar emɗ nɛɛk nɛ tuserŋ.

Lukaas 12:1

Saaɓak tolɗiiɓa joop a ɓɔɔkaaŋ sigɔ ikomɛɛ sɛɛg kumɛɛkɛk, ɓɔɔkaaɓa a diri a torookar ɛkan gɛŋk. Nɛɓa Yeese tuki nɛɛkɛ tonu nomtaanaka gɛɛna kɛ, "In koorɛɛ ɛɛk irsoke joop Paarisik sɛɛn tagay a joop sigɔ mentaanaŋɔŋkuk.

Lukaas 5:2

Nɛɓa dɛnɛɛr emɗakɔ a pɛɛy a ɛtɛtɛɗar goroo sinaanɛ obiiŋɔŋk kɛntɛɛ, maɓa joop sigɛ kondidiyar oltiirk orurku ɛɛk, emɗakɔkɛ gɛɛnɛ nɛ a'aadar ola gɛŋk kondiyeetoŋk.

Lukaas 8:22

Teeŋɛrɓa ɓeny omalte Yeese a nomtaanak gɛɛŋk emɗa nɛɓa tonu sɛɛga kɛ, "Koy ekaŋii ɗɛɛgasɔ gɔrɔɔ sinɔ obiiŋɔŋk." Nɛɓa ŋaararŋ.

Lukaas 8:23

Aɓa atu ɛnyɛk nɛɛkɛk tak, nɛɓa Yeese lak ɗoŋ nɛ ɗeegarŋ. Nɛɓa sisa ŋaarki yoŋgoy sinɔ ɓaŋkawuŋɔŋk goroo sinaanɛ obiiŋɔŋk tak, nɛɓa mɛlɛr soona gunɔ badɛrɗiŋɔŋk, agut sinɔɓa kaarɗi maawu emɗa nɛɛkaakik.

Lukaas 8:33

Nɛɓa wɛɛŋa sigɛ somkaanakik ŋaararki ete sinaanɛ nɛ guugunyar kuturɛɛka gɛɛnaak. Nɛɓa kuturɛ gɛɛnɛ reerir a gorgorŋ sirpɛya nɛ ɗiirtar gɔrɔwa sinɔɔna obiiŋɔŋk, nɛ ɗam sɛɛg gɔrɔ.

Lukaas 8:45

Nɛɓa Yeese tonu kɛ, "Wooɗ sinɛti ɓeesɛk?" Nɛ saaɓa kaadɛrɗi sɛɛg baŋɛ kɛ kirkɔ sɛɛn ɓeesɛk, nɛɓa tongeeɗ Petros kɛ, "Rɔɔriytaano, tookɛrni joop sigi ɓɔɔkaaŋɔŋk baŋɛ a diriiŋ."

Yowanis 1:40

Joop sigɛɓa tiyɛr pɛɛni sinɛɓa tonu Yowanisik nɔɓa nomɛr Yeeseek, egeɓa omaay Indiriyaas, manya Simion Petrosa.

Yowanis 6:1

Saadi baŋiya ekaŋɛɓa Yeese ɗɛɛgasɔ gɔrɔ sinɔ obiiŋɔŋk Tibiriyadoosuk sinaana ɓɔrɛ riyɛ kɛ gɔrɔ Gɛlilaak.

Ibirawiyaan 13:7

In koɓukɛɛ ɔɗɔweer goŋk sigɛɓa kɔna tonur Pɛɛni Waakoyotoŋkuk, in mermenɛɛ taamɛ ɓɛɛl nɛŋkik, in sɛɛg gaayɛɛ ŋaadiyɛɛkɛ gɛŋk.