Lukaas 4:5 - Kuumeet Sinɔ Tɔɔnuk Ad Majaŋeeroŋk

⁵ Nɛɓa setan diile Yeesee soona ar rakaayk nɛ yaaŋgeeɗ maŋgistiyɛ ɗookoŋk baŋɛ a ito nyaalan.

Lukaas 4:5 Iomraidhean Croise

Maatiyoos 24:14

Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.

Maatiyoos 4:8

Nɛɓa setan boŋu Yeesee kɛkar kurkuma sinɔɔna jeeɗoŋɔŋk raŋana nɛ yaaŋgeeɗ maŋgistiyɛ ɗookoŋk baŋɛ a eemɛyɔɔnak gɛŋk.

Omoŋ Korontoosuk 15:52

Saakoy gotɛɛɗɛɛ luuri sinɛkoy pediyoŋkuk, nɛkoy ŋaararki joop sigɛɓa rɛrark aɓa kir mojɛ a sɛɛg bɔdtaanak. Gotɛɛkoy luuri nɛɛkiŋ makoy ɓɔre weerii ɛɛk a ito malɛɛ taama.

Omoŋ Korontoosuk 7:31

Iɗit sinɛ kɔnyɛ ɛɛk worii ɗookoŋkuk, in beeɗ a ito kiiɗ kɔnyɛɛɗ ɛɛk baŋɛ, agut sinɔ ege ɔɔtɛ ɗoo sini sisɔk sinɔkoy ɗeyiŋɔŋk.

Pɛɛyeen Korontoosuk 4:17

Agut sinɔ rakatɛ naŋk sini tɛmŋɔŋk ɛ ɔɔtɛya sinɔɔna balaaŋɔŋk ɗɔku tina any sinɔ reemɗi ɓayɛk a eemɛyɔn sinɛkoy nɔkoy nɔkoyk sinɔ kaalɛ rakatɛ naŋkik.

Epesoon 2:2

Saaɓak beeɗiirɓa badɛɛɗ a tikiyɛɛkɛ a nomɛrɗɔ any sinɔ ŋɛɛwɛnŋɔŋk ɗoo sinik, ɛɓa ɓɔrɛ nomɛrɗɔ ɓaŋkawuka wɛɛŋa sigɔ ŋɛɛwɛŋɔŋkuk sigɔ ɓalɗi walas taamtuk. Sɛɛg wɛɛŋa sigɔ somkaanakik sigɛ ijaagɗi sisɔ joope sigaagɛ kir tiiɗitik.

Epesoon 6:12

Moko kaarin naŋk a joop, ma kaarin naŋk a ɔɗɔweer sigɔ ŋɛɛwɛŋɔŋk, a ɓaŋkawukaatak sigɛ ɓalɗi nyuugurak sigɛ ɓalir ɗoo sinik, a wɛɛŋa sigɔ somkaanakik sigɔ atu darik.