Lukaas 10:2 - Kuumeet Sinɔ Tɔɔnuk Ad Majaŋeeroŋk

² Nɛɓa tonu sɛɛga kɛ, "Obi ɗama sinɛ ɗootɛɛkiŋ, mayakana ijaager gɛɛnɛ tekerŋ. Agut sini in kalɛyɛ ɗumaat ɗamata sinaana ɗootɛɛkik kɛnɔ wosɛyki ijaageer ɗootaana sinaana ɗamatoŋk.

Lukaas 10:2 Iomraidhean Croise

Maatiyoos 20:1

Burɛ dariyoŋk gayi a iɗit sinɔ ŋaarki gibi kɛnɔ daam ijaageer taawa wɛynik.

Markoos 13:34

Gayi sini a iɗit sinɔkan ŋɔr gode nɛɛk nɛ ŋaar ɗooka sinɔɔna yowɛɛɗŋɔŋk. Kaasɛ ijaageera gɛɛna a omoŋ omoŋ ijaagaak sigɔ ɓɛɛlɛr kundiyaakɛk, tonu koortaana kɛnɔ koorii a ɓaŋkawuŋ.

Markoos 16:15

Tonuɓa sɛɛga kɛ, "In kɛɛɗɛ ɗoo baŋɛ, nɔ kɛɛɗɛ waasɛ Pɛɛni sini Bɛlkɛɛstank joopa baŋɛ.

Markoos 16:20

Kaarɓa nomtaanak gɛɛnɛ rɔɔriya nyonitaak baŋɛ nɛɓa ijaagɗi Suumii a sɛɛg agut omoŋ. Ɓaŋkaawurɓa any sinɛ tonurk sɔɔriyɛɛkɛ sigɔɔgɛ ɓɔɔkaaŋɔŋk.]

Lukaas 9:1

Riykɓa Yeese nomtaanak sigɛ aarin a pɛɛyk agut omoŋ son lak sɛɛnik nɛɓa gaɓɛ sɛɛga ɓaŋkawuka a suumiikeen kɛnɔ ɔɔyɛr wɛɛŋa sigɔ somkaanakik baŋɛ kɛnɔ ebɔdiɗi meetanakɛ.

Ijaag Wosɛytaanakoŋk 11:19

Kɛɛtiɗiiɓa ŋaadtaanak a ɓɔɔkaaŋ, agut epaayan saaɓa ɓokotiiɗɛɛ Istipaanoosuk baŋiya. Nɛɓa kaar ɗooka Pinkeek, a sinɔɔnɛ Kopiroosuk, a katamɛya Ansokiyaak, nɛɓa waasɛr Pɛɛni sinɔ Ɓɛlkɛɛstank joopa Ayuuduk dakɛɗa maɓa kir waasɛɛt joopa ɔgɔɔka.

Ijaag Wosɛytaanakoŋk 13:2

Nɛɓa a atu ugumeet Suumiya ɛ soomɛr, nɛɓa tonur Wɛɛŋa sigɔ Geetitaanakik kɛ, "Inta pakatɛɛ Barnabaas a Saaool ijaaga sinaanakɔ daamguɗa sɛɛgik."

Ijaag Wosɛytaanakoŋk 13:4

Wosɛyɛrɓa Wɛɛŋa sigɔ Geetitaanakik Barnabaas a Saaool nɛ kaar Selewukiyaa. Nɛɓa saadi ɗoyitar Kopiroosa emɗ.

Ijaag Wosɛytaanakoŋk 20:28

Daamarkan kɔnu Wɛɛŋa sigɔ Geetitaanakik a iinak koortaanak pony nɛɛkik, nɛɓɔ in koorɛɛ ɛɛk noŋk a pony nɛɛk. In lowɛɛ joop Waakoyotoŋk sigɛkan sɛɛga gaɓɛ yɛrom Tɔɔn nɛɛkik a any gaamitoŋk.

Ijaag Wosɛytaanakoŋk 22:21

Nɛɓata Suumi tonu kɛ, 'Mak. Wosɛyani son lak joop sigɛ moko Ayuuduk sigɛ atu ayowɛɛɗŋɔŋk.' "

Ijaag Wosɛytaanakoŋk 8:4

Ŋaadtaanak sigɛɓa kɛɛtiɗiik waasɛrɓa pɛɛni Waakoyotoŋk saagiyakɛɓa kaargeeɗik baŋɛ.

Omoŋ Korontoosuk 12:28

Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk.

Omoŋ Korontoosuk 15:10

Mayakana wookan Waakoyotoŋk dakɛɗa sinɛ kɔtu ari oko sinɛ ɓɛɛlɛɛɗa sisɔk, mokokanta gaɓɛɛ wookan Waakoyotoŋk kanysɛya, ɛkan ɓɔrɛ bɔɔlaaka ijaag a kaala wosɛytaanak ɔgɔ, mayakana ijaagɗi sini wookan Waakoyotoŋk sinɛ ar sooy lak eetik ma moko eet.

Pɛɛyeen Korontoosuk 6:1

Kalɛyii kɔnu kɛ kat ŋɔɗɛɛ wookan Waakoyotoŋk sinɛkan boŋiirik kanysɛya oko sinɛ ijaagɗiɗii a Waakoyo agut omoŋɔŋk.

Pilipisiyoos 2:21

Rererigeeɗ joop ɔgɔɔk tɔkɔny ɛkan gɛŋkik dakɛɗa, ma kir koɓiit agut Yeese Keresee.

Pilipisiyoos 2:25

Maɓɔrɛ, manya eeta, Aproditu sinɛkan wosɛyɛɛrkɔɔ kɛnɔtu kus kɔnyɛ ant sinaanɛta ɗɛyɛk baŋɛk, laŋkaakɔ ata ɗegeera a wosɛyɛɛra son lak iinakikiŋ. Sɛɛn sinɛkan kaar a ito amaasini a eet agut omoŋ, ɛ piraa naak ijaagoŋk.

Pilipisiyoos 2:30

agut sinɔ rɛrgunkan agut ijaag, a kan ki koɓiit wɛɛŋaka gɛɛnaak ɛ kɛnɔta enyɛr ijaag sinɔkan kiir oolɛ ata gaɓɛɛrŋɔŋk.

Kolasiis 1:29

Bɔɔlaaka a ara ɗɔŋkɔɔlɛ kɛnɔ ijaaga sini agut sinɔte ijaagɗiiɗ tak ɓaŋkawuka sinɛkanta gaɓɛ Waakoyotuk.

Kolasiis 4:12

Digoyɛɛr nɔ kɔnu Epaapira sinɛ tekaan noŋkuk sinɛ ijaagen Kereseek. Ari sɛŋk ɗɔŋkɔɔlɛ ɓɛɛnyɔwɛ gɛɛŋk baŋɛ ɗanɗamɔɔn nɛɛkɛ jɛt agut iinak kɛnɔ ɛtɛɛr a ɓaŋkaawurari a ɓɔlɔɔrɛɛr wɛɛŋakɛ dooyanoŋk a dusanɛɛr ɗɛyan Waakoyotoŋk baŋɛ.

Omoŋ Tɛsɛlonkeek 2:9

Iinak manyaakak eeta, ɗegerari kɛ ijaagɗikiikan ɛk ɛkan bɔɔlaakii ɛk, bɔɔlaakiikan ijaag kaay a waawuy saakan kɔna waasɛɛɗii Pɛɛni sinɔ Ɓɛlkɛɛstank Waakoyotoŋk, kɛnɔ kat lakɛ iɗit sinɔ dakgiɗii a diilk.

Omoŋ Tɛsɛlonkeek 5:12

Iinak manyaak eeta, kalayii kɔnu kɛ in eemɛyɛɛ joop sigɛ ɓaŋkawurar ijaagik iinakɛ kooruk, a oɗɔweer goŋk a joop sigɛ rɔɔriytaanak goŋkuk Suumii Yeesee.

Pɛɛyeen Tɛsɛlonkeek 3:1

Pediya nɛɛka, iinak manyaakak eeta sigɛ dooytaanakik, intina ɗanɗamaakɛɛ kɛnɔ bakaanyir Pɛɛni Suumiyoŋk a gorgorŋ ɛ eemɛyɛɛ oko sinɛ ɓɛɛlɛɛɗ sooy lak iinakik.

Omoŋ Timotiyoosuk 4:10

Arii ɓɔre ɗɔŋkɔɔlɛ ɛ bɔɔlaakii ijaag sineene, agut sinɔ riiɓii ŋaadiyɛ gaŋk sigɛ kookoriik Waakoyote sinaanɛ bɔdɛɛk. Sɛɛn sinɛ ebɔdɛ joop sigɛ ŋaadiɗi kɛ ɗɔm baŋɛk.

Pɛɛyeen Timotiyoosuk 4:5

Yakana seŋk ikomu ɛɛk nook olaatɛ baŋɛ, ɓaŋkaawur a boŋun rakatɛ, dusani ijaag Pɛɛni sinɔ Ɓɛlkɛɛstank, ijaag any sinɛna mɛlɛk baŋɛ, oko sinɛ iin ijaagen Waakoyotoŋkuk.

Pilimoona 1:1

Ege sini wargatɛ sinɔ taapiɗiir Paawuloos godeey korkoɗɔɔnoŋk agut waasiyɛ Pɛɛni sinɔ Ɓɛlkɛɛstank agut Yeese Kereseek, a sooy lak manya eteŋkak Timotiyoosuk, son lak Pilimoona sinɛ poriik sinɛ ijaagɗikii agut omoŋɔŋk,

Ibirawiyaan 3:6

mayakana ŋaadɛɛ Keresee a ito tɔɔn wɛyoŋk Godeey Waakoyotoŋk. Eteŋk gode nɛɛk ɔkɔn gaamii a ɓaŋkawuŋ ŋaadiyɛ sigɛ kookoriik a sigɛ meriiɗii ɛɛkikiŋ.

Dɛnɛɛ Pɛrka Yowanisik 2:1

"Taapar wargatɛ wosɛytaana Waakoyotoŋk gode Sambatɛyoŋk sinaana ar Epesoonek, Ege sini pɛɛni iɗit sinɛ lak maryɔ a tula pɛɛy ariit nɛɛkɛk goyse ɗiɗikik, ɛ sɛŋk weeweri olaatɛ sigaagɛ riiɓeeɗɛɛ ɗaawank tula pɛɛyk kɔɔruk maɓa sɛɛg ijaagɛɛ workeek.