Kolasiis 4:3 - Kuumeet Sinɔ Tɔɔnuk Ad Majaŋeeroŋk

³ In ɓɔrɛ tina ɗanɗamaakɛɛ kɛnɔkɔɔ tina Waakoyot tayɛ tuga Pɛɛni sinɔ Ɓɛlkɛɛstank, ɛ kɛnɔkɔɔ oolii waasiyɛ any sinɔ dugaaŋɔŋk. Arka sisɔ korkoɗɔɔn agut sini.

Kolasiis 4:3 Iomraidhean Croise

Maatiyoos 13:11

Nɛɓa Yeese jumur sɛɛga kɛ, "Gaɓɛɛɓa iinaka ɗegerɔn any sinɔ dugaaŋɔŋk burɛ dariyoŋkuŋ. Mayakanaɓa sɛŋk sɛɛga kɛɛ gaamit.

Ijaag Wosɛytaanakoŋk 14:27

Saaɓa mɛlɛrɗi Paawuloos a Barnabaas saanak, nɛɓa tolɗi ŋaadtaana agut omoŋ, nɛ tonur sɛɛga any sinɛkɔ ijaag Waakoyot sooy lak sɛɛgik baŋɛ, ɛ kɛ tayɛkɔ tuga sinɔ oolɛrɗi ŋaadiyɛɛk ɛk joopa sigaaga moko Ayuuduk.

Roome 16:25

In dakɛr pɔɔsiyɛɛk Waakoyota sinaana oolɛ a kɔnu ari a ɓaŋkaawurari pɛɛniya sinaana ɓɛlkɛɛstank Yeese Kereseek sinaana waasaak, a dɛnɛɛɗa any sinɔ dugaaŋɔŋk sinaanaɓa yomɗi emeyikɛ sigɔɔgɛ ɓɔɔkaaŋɔŋk.

Omoŋ Korontoosuk 16:9

Ɛɓɔrɛ tayɛɛkɔta tuga sinɔ bakaanyŋɔŋk sinɔ lak ijaag a obiiŋɔŋk, yakana ɓɔɔka joop sigɔ ɓooyɗiŋɔŋkuŋ.

Omoŋ Korontoosuk 4:1

Ɗɛyɛ joopa baŋɛ a tin ɗegerar kɛ eteŋk ijaageer Kereseek, sigɔ yaaŋɛr any sinɔ dugaaŋɔŋk Waakoyotoŋkuk.

Pɛɛyeen Korontoosuk 2:12

Saakan kɛɛɗa Tiroadaakak kɛnɔ kɛɛɗa waasa Pɛɛni sinɔ Ɓɛlkɛɛstank Kereseek, nɛkanta tayɛ Suumii tuga.

Epesoon 3:1

Eet Paawuloos sinɛ korkortan Yeese Kereseek ɗanɗamaaka Waakoyota agut iinak sigɛ moko joop Ayuuduk.

Epesoon 3:3

Yaaŋɛkanta Waakoyot any sinɔ dugaaŋɔŋk oko sinɛɓa kɔna taapɛrkiɗa jeemɛ a dinyŋɔŋk.

Epesoon 3:4

Ɔkɔn ambabɛɛr sinɛɓa kɔna taapɛɛrakiŋ, nɛkɔɔ oolɛɛr a kɔna mɛlɛ koɓi any sinɔ dugaaŋɔŋk sinɛ laka agut Kereseekiŋ.

Epesoon 3:9

Gaɓɛɛɓata kɛnɔ yaaŋa joopa baŋɛ any sini dugaaŋɔŋk Waakoyotuk sinɛɓa dugiɗi emeyikɛ sigaagɛɓa ɗeeŋk.

Epesoon 4:1

Sisɔ, eet sinɛ korkortan agut Suumik, kalɛya kɔnu kɛnɔ beeɗiir oko sinɛ ɗɛyɛɛɗ Waakoyo sinɛkan kɔnu riyk.

Pilipisiyoos 1:19

agut sinɔ ɗegerɗa any sinɛkan laŋkaak kɛ, gayɛkɔɔ wooraana naaka ɗanɗamɔɔn noŋk, a tɔkɔny wɛɛŋa sigɛkanta gaɓɛ Yeesee Kereseek.

Pilipisiyoos 1:7

Ɔɔtɛ sineene arkiɗa godeey korkoɗɔɔnoŋk sisɔk, a ɓɔrɛ inkanti kɛɛ korkoɗɛɛ, agut sinɔtu kɔnyɛrɗɔ iinak baŋɛ, milkii sinaanɛkanta gaɓɛ Waakoyot wookaan nɛɛkɛkik, kɛnɔ koola eekeer Pɛɛni sinɔ Bɛlkɛɛstank, ɛ ara kɛnɔ in ɓaŋkaawurk, nɛ atukari ɓɛɛnyɔwɛ gɛɛŋk baŋɛ ɓayaay naakɛk.

Kolasiis 1:26

Ege sini dugtan sinɔɓa dugiɗi joope baŋɛ emeyika sigɔɔga ɓɔɔkaaŋɔŋk, mayakana sisɔ yaaŋɛ ɛɛk joopa sigaaga geetitaanak Waakoyotak.

Kolasiis 4:18

Taapiɗiira digoy sini eet Paawuloos ariit naakɛk, in koɓukɛɛ korkoɗɔn naak. In wookan Waakoyotoŋk a iinak agut omoŋ.

Omoŋ Tɛsɛlonkeek 5:25

Iinak manyaakak eeta, in ɓɔrɛ tina ɗanɗamaakɛɛ.

Pɛɛyeen Timotiyoosuk 1:16

In gaɓɛ Suumii maariyeet joopa wɛy Onesipooruk agut sinɔkanti gaananiɗ agut ɓɔɔkaaŋɔŋk, nɛkan kiiɗɛ keeny agut korkoɗɔn naak.

Pɛɛyeen Timotiyoosuk 2:9

Laŋka rakatɛ ati korkoɗɛɛ meltikɛ awɛytiiroŋk a ito eet iɗit sinɔ sɔɔkɛ ɓɛɛlk agut Pɛɛni sini Ɓɛlkɛɛstank, mayakana kɛɛ korkoɗɔɔn Pɛɛni Waakoyotoŋk.

Pɛɛyeen Timotiyoosuk 4:2

waasi seŋk Pɛɛni nɛɛk, ɓaŋkaawur nɔ ijaagɗikin ɓɛɛnyɔwɛ gɛɛŋk baŋɛ, kɛygun ɔɔtɛ nɛɛkɛ gayɛŋ kɛygun ki gayɛ, ɛti a koykoyɗiikin, ɛ rɔɔriyaakin ɛ ɓaŋkaawurun oolaan a rɔɔriyɔɔn.

Pilimoona 1:22

Nɛ a kaalɛ sini inta ragadkuunɛ nyon imiinyoŋk agut sinɔ lakiɗa ŋaadiyɛ sigɛ kookorak kɛ laŋkan ɗanɗamɔn noŋk jumuran nɛkɔɔ mɛlɛɛra son lak iinakŋɔŋk.