Kolasiis 3:8 - Kuumeet Sinɔ Tɔɔnuk Ad Majaŋeeroŋk

⁸ Mayakana sisɔ in ɔɔyɛɛ ŋadi, a buudɛ, a ɗɛgɛ, a laganyɔn, nɛ kat tonɛɛ any sinɔ lagiɗɛɛ keenyk.

Kolasiis 3:8 Iomraidhean Croise

Maatiyoos 5:22

Yakana saak tona kɔna kɛ, ɔkɔn goopun masookoy sɔkɔn diilɛɛ kɔɔnu higiya. Ɔkɔn nyɔɔnun iɗit kɛ, 'Iin badtanŋ' guugunyunkɔɔ pirdiya joop sigɔ gaɓɛr woorank. Ɔkɔn nyɔɔnakin kɛ, 'Iin gaagɛŋ' koorɛni pirdi maɗ siiooluk.

Markoos 7:22

ibe, golɛ, ŋɛɛwɛnka, raamiyɛ, molkotɔn, epɛɛran, sɔɔkiyɛ tiriya etoŋkuk, ɓɔŋgɔɔrɛɛt ɛɛkoŋk, dɔɔtɛyikeen.

Roome 13:13

Nɛkoy weeweriikii kɛ ɗɔm oko sinɛ weeweriiɗii waawuyk, a moko duubiyeet sinɔ badɛk a tɔpɔy, a moko ruunyikent a molkotɔɔn, a moko ɗaakan a nyeken.

Omoŋ Korontoosuk 3:3

In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku?

Pɛɛyeen Korontoosuk 12:20

Kaɗiigiɗa sinɔ kaɗɛɛŋ kiiɗa kɔnu laŋiiɗ oko sinɛ ɗɛyɛɛɗak, maɓɔrɛ kiirti laŋiiɗ oko sinɛ ɗɛyɛrɗɔk saakɔɔ kɔrurkuɗa son lak iinakik. Ɛɓɔrɛ omaay kaɗɛɛŋ lakɛ iinakɛ kɔɔr kaarin, a nyeken, a goopan, a giiman, a sɔɔkiyɛ tiriyaakoŋk, a laaganyɔn, a ɓɔŋgɔɔrɛt ɛɛkoŋk rakaayak, a any sinɔ kɛɛ ikomiit ɛɛkik.

Gɛlatiyaa 5:15

Yakana ɔkɔn kakawikari ɛ ɗaɗamari ɛkan goŋkuŋ, nɛ in koorɛɛ ɛɛk a kat babadariɗ.

Gɛlatiyaa 5:20

ugumeet raŋaawotaak, tɔrkiyɔn, gumakikeen, ɗaakan, nyeken, goopan, pori ɛɛkoŋk, pakakat, giiman,

Gɛlatiyaa 5:26

Kat ŋaaŋaarii raŋana ɛ arii nyeken ɛkanɛɛkɛ gaŋk nɔ merii ɛɛk kanysɛya.

Epesoon 4:22

Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak.

Epesoon 4:25

Agut sini kat tonɛɛ nyon, koy tonii eekeer ɛkanɛɛkɛ gaŋk agut sinɔ eteŋk nyonitaak ɛɛk sinɔ omoŋɔŋk.

Epesoon 4:26

In ŋadɛɛ, mayakana kat ŋadɛɛ a tikiɗikɛɛŋ, kat ɗiirir waawuy a in kɛɛ woorɛɛ ŋadi noŋk.

Epesoon 4:29

Kat ŋaarki atutunɛ goŋk any sinɔ ŋɛɛwɛnŋɔŋk, mayakana in tonɛɛ pɛɛni sinɔ kɔna geleewɛrgeeɗ joop sinɔ kɔnyɗi oko sinɛ ɗɛyɛɛɗik a gaananɛ sɛɛgŋɔŋk.

Epesoon 5:4

Kikɔna ɗɛyɛɛ a toniir any sinɔ keerɛŋɔŋk a any sinɔ ɓɛɛl kanysɛyaak maŋk sinɔ ŋɛɛwɛnŋɔŋk, ma in wideerɛɛ pɔɔsiyɛ Waakoyota.

Kolasiis 3:5

In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Kolasiis 3:9

Kat totonɛɛ nyon ɛkanɛɛkɛ goŋk, agut sinɔ karkartariɓa ɓɛɛl ɛɛk sinɛɓa bɔɔlɔŋk a ijaag nɛɛk agut omoŋ,

Omoŋ Timotiyoosuk 1:13

Nyɔnyɔnaaɓa jeemɛ Keresee, ɛɓa epapaya, ɛɓa dararaya. Mayakana ɓati maariye sɛŋkiŋ, agut sinɔɓa ijajagɗa any sini a kaa ɗegerɔɔnuk saaɓa kiiɗa ŋaadiɗiitik.

Omoŋ Timotiyoosuk 1:20

Atu Hemenewoos a Iskindir sɛɛge kɔɔr. Gaɓaakan sɛɛg setana kɛnɔ in nyɛyɛr nyɔɔna tiriya Waakoyotoŋk.

Ibirawiyaan 12:1

Agut sini lakii joop sigɔ tina waasiɗiiŋɔŋk tookɛɛta a ito tiimanik. Koy orii ola sigɛ tina dakɛr a diilk a tikiyɛ sigɛ tina ɗaabiɗikik balatuŋɔŋk, ɛkoy reerii arampɛ reeranoŋk sinɛ tine ar taamɛkɛk oolaan a ɓaŋkaawurɔn.

Yaykoob 2:7

Moko sɛɛg sigɛ nyɔɔnar tiriya sigɛ eemɛyɛɛk sigɛɓa kɔnu riyɗɛɛk?

Omoŋ Petrosuk 2:1

Sisɔ in ŋɔɗɛɛ tikiyɛ baŋɛ a raamiyɛ baŋɛ a tagay a nyeken a laaganyɔnak sigɔ ɓɛɛlɛr kundiyaakɛk.

Pɛɛyeen Petrosuk 2:18

Waasɛr pɛɛni sinɔ ɓɔŋgɔɔrɛrɗi ɛkan gɛŋk a pɛɛni sinɔ ɓɛɛlɛ kanysɛyaak a raamɛr joop sigɛkan ŋaararki kɛ gonyuŋ joope sigaagɛɓa badɛrk kɔɔruk a raamɛr sɛɛg ɗɛyaan taaroŋk a ruunyikent.

Pɛɛyeen Petrosuk 2:7

Mayakana ebɔdɛɓa Loot sinɛɓa mentan taamɛkɛ Waakoyotoŋk sinɛɓa beeɗ a ɓakɛyɗi agut tikitaanakik sigɔ ijaagir any sinɔ keerɛɛŋɔŋk.

Yuuda 1:13

Ŋaarki sɛɛge ad kuru ijaag any sinɔ lagiɗɛɛ keenyk a ito apani maawu sigɔ ɓaŋkaawarŋɔŋk, ɛ ito sɛɛg maryɔ sigɔ ɛɛnyɛkar a kookor sɛɛg nyuugur sinɔ kɔju kɛ susuk sinɔkoy nɔkoyk nɔkoyk.

Yuuda 1:8

Nɛɓɔrɛ joop sigi ikekeɓi sɛɛga pɛrkiyɛ gɛŋk nɛ arir buusɛyɛ gɛŋk a somkaanakik, ɓooyur ɓaŋkawuka Waakoyotoŋk ɛ nyɔɔnar ɓaŋkawukaata dariyoŋk.

Dɛnɛɛ Pɛrka Yowanisik 16:9

Moɗikan joop paakaan sinɔɔnɛ obiiŋɔŋk, nɛkan nyɔɔnar tiriya Waakoyo sinɛ lak ɓaŋkawuka rakatɛɛkɛ sigɔɔgɛ bobɛrŋɔŋk sigeege raŋkik, makan kirki weeriit tikiyɛɛkɛ Waakoyota, ɛ kirgeeɗ gaɓɛɛɗ eemɛyɔn.