Kolasiis 3:5 - Kuumeet Sinɔ Tɔɔnuk Ad Majaŋeeroŋk

⁵ In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Kolasiis 3:5 Iomraidhean Croise

Maatiyoos 15:19

Ŋaaraki ɓayaay etoŋk koɓi sinɔ ŋɛɛwɛnŋɔŋk, ɓokotiit etoŋk, ibe, ruunyikeen, agɛy, waasiyɛ nyonoŋk a sɔɔkiyɛ tiriya etoŋkuk.

Roome 1:26

Agut any sini gaɓɛɓa sɛɛg Waakoyot ŋɔɗɔkikeena sinɔɔna keerɛɛŋɔŋk, weerɛrɓa aasi jartiyatɔ ɗuŋun sinɛɓa goorɛk ɗuŋuna sinɔɔna moko sinɛɓa goorɛk,

Roome 1:29

Nɛ agut sini enya sɛɛge ŋɛɛwɛnkaata sigɔ ɓɛɛlɛr kundiyaakɛk, a any sinɔ ɓooyurɗu Waakoyok, a goltetikeen, a kalbi sinɔ ŋɛɛwɛŋɔŋk, a nyeken, a ɓokootan, a kaarin, a raamiyɛ, a ɗɛgɛ, ɛ laaganya,

Roome 6:13

Kat ariir kaakastaana goŋk ɛɛkoŋk, a ola ijaagoŋk any sinɔ ŋɛɛwɛnŋɔŋk nɔ wideetar tikiyɛɛka, yakana in wideerɛɛ ɛkan goŋk Waakoyota, oko joop sigɔkɔ murarki ret bɔdɛɗaak, ɛ in arɛɛ kaakastaana goŋk ɛɛkoŋk Sɛɛna, oko ola ijaagoŋk mentanka taamɛkɛ Waakoyotoŋk.

Roome 6:6

Ɗegerii kɛ laalawɛɛɓa ɛɛk naŋk sinɛɓa bɔɔlɔŋk a sɛɛn agut omoŋ, kɛnɔ aalɛ ɛɛk sinɛ tikiyɛɛkoŋk, ɛ kat dakii a laaŋoyeer tikiyɛɛkoŋk.

Roome 7:23

Yakana dɛna a lakɛ higi om sinɔ ijaagɗi nyonitaakɛ gaanɛ ɛɛkoŋk takik, a tima a higi kalbi naakik nɛti ari a eet korkortan higiya tikiyɛɛkoŋk sinɛ ijaagɗi nyonitaakɛ gaanɛ ɛɛkoŋk takik.

Roome 7:5

A inɓa ki rerin buusɛ naŋk sini tikitank nɛɓa ijaajagɗi buusɛɛ naŋk tak ɗɛyan tikiyɛɛkoŋk sinɛ ɓeeɓeski higiik kaakastaanakɛ ɛɛk naŋkik, nɛɓa gaɓii taamɛ retoŋk.

Roome 8:13

Ɔkɔn beeɗiir oko ɗɛyan taaroŋkuŋ, nɛkoy rɛrariŋ. Mayakana ɔkɔn ɓokotiir ijaag noŋk taaroŋk Wɛɛŋakɛ sigɔɔgɛ Geetitaanakiŋ, nɛkoy beeɗir weeŋakɛ.

Omoŋ Korontoosuk 5:1

Tiyaakɔ kɛ lakɛnɔ iinakɛ kɔɔr ruunyikeen sinɔ keerɛɛŋɔŋk. Kɛɛ aasi ijaagɛɛ ruunyikeen sinɔ ito sinik joope sigɔɔgɛ moko Ayuuduk kɔɔr. Lakɛnɔ iinakɛ iɗit sinɔ boŋu nyaki ɛmɛsaakiŋ.

Omoŋ Korontoosuk 6:11

Ɓɛɛlɛɛrɓa ɓɔrɔ oko sinik iinak a omoŋ omoŋ. Mayakana sisɔ aadiirɛɛkɔ kɔne tikiyɛ tiriyaakɛ Suumi naŋk Yeese Kereseek a Wɛɛŋakɛ sigɔɔgɛ Geetitaanakik Waakoyo naŋkiŋ, iinak joop sigɔkɔ pakatɛɛ Waakoyota a geetitaanakik, ɛkɔ mentaanirari taamɛkɛ Waakoyotoŋk.

Omoŋ Korontoosuk 6:13

Toniir kɛ, "Ɗama amɗa, maɓɔrɛ amɗ ɗamata." Liki, yakana aalɛkoy Waakoyot ola sigi pɛɛykiŋ. Nɛ tina ki ɗɛyɛ a ŋɔɗurii ɛɛk naŋk ruunyikeenaŋ. Agut sinɔ ɛɛk naŋk Suumiya Yeeseyaak, maɓɔrɛ Suumi Yeese ɛɛka naŋkik.

Omoŋ Korontoosuk 6:18

Agut sini in yowɛɛɗirɛɛ ruunyikent, tikiyɛ ɔgɔ baŋɛ ijaag sɛɛg iɗit eek nɛɛkɛ walas, mayakana iɗit sinɔ ijaag ruunyikeenk ijaag tikiyɛ eek nɛɛkɛk raŋk.

Pɛɛyeen Korontoosuk 12:21

Saakɔɔ kɔrurkuɗa kɛkark, kaɗiigiɗa any sinɔ kaɗɛɛŋ gɔɔnyɛ kɔɔtu Suumii taamɛkɛ goŋkŋɔŋk. Ŋada agut joop sigɔkan ijaagir tikiyɛ jeemɛk nɛkan kirki weerit tikiyɛɛkɛ Waakoyotak agut somakɔ a ruunyikeen a molkotɔnk.

Gɛlatiyaa 5:24

Joop sigɛ atu Yeese Kereseek ɓokoturɓa taar a ijaag nɛɛk a ɗɛyan nɛɛk sinɔ ŋɛɛwɛnŋɔŋkuŋ.

Epesoon 4:19

Agut sinɔɓa badɛɛɗ sɛɛge keenyk nɛɓa arir ɛkan gɛŋk a barɛr any sinɔ ŋɛɛwɛnŋɔŋk, nɛ ɗɛyɛr a ijaagir ola sigɔ somakɔ sigɔ ɓɛɛlɛr kundiyaakɛk a kir nyɛyɛ.

Kolasiis 2:11

Yayawɛɛɓa kɔnu agut sinɔɓa ŋaadiɗiɗɔ sɛɛnek, yawɛ noŋk sini kɛnɔ aalɛɛ Keresee ɓɛɛl buusɛ sinɛ tikitank, ma moko yawɛ sinɔɓa ijaagɛɛ ariit etoŋkuk.

Omoŋ Tɛsɛlonkeek 4:3

Ɗɛyɛ kɔnu Waakoyot a iinak geetitaanak ɛ yowɛrkari ruunyikent.

Omoŋ Tɛsɛlonkeek 4:5

Ma kat latukari ɗɛyan taaroŋk oko joop sigɔ kir ɗegerɔɔn Waakoyok.

Omoŋ Timotiyoosuk 6:10

Agut sinɔ ege pori woriyoŋk tiltil any sinɔ ŋɛɛwɛnŋɔŋk. Ɗɛyɛrɓa joop a omoŋ omoŋ a laŋir wori nɛɓa wider ɛɛk ŋaadiyɛɛkɛ, ŋɔɗutarɓa ɛkan gɛŋk rakatɛya sanoŋk.

Ibirawiyaan 12:16

In koorɛɛ ɛɛk kɛnɔ kat lakɛ iɗit sinɔ ruunykank maŋk ki eemɛyɔɔn Waakoyo oko Eesawu sinɛɓa ɓalɗi tekaayikeent nɛɛkɛ agut ɗama sinɔ gut omoŋ dakɛɗaak.

Ibirawiyaan 13:4

In eemɛyɛɛ waawan gɔɔ baŋɛ, in jartiyatɔk a babuyk gɛŋk ŋaaŋadar ɛkan kɛnɔ kat jɔɔlɛyɗi waawan nɛŋk, agut sinɔ goopkoy Waakoyot joop sigɛ ibiɗiik a sigɛ ruunykaanakkiŋ.

Ibirawiyaan 13:5

In koorɛɛ ɛɛk poriiɗ woriyoŋk, in beeɗɛɛ a kɔnu gayɛ sinɛ latukarik, agut sinɔɓa toniiɗ Waakoyot kɛ, "Kaan toŋoɗ, kaan oriiɗ a daktan."

Yaykoob 4:1

Kurak eet kaarin a ɗaakan sigɛ kone atu kɔɔruk? Moko ɗɛyaan taaroŋk sinaanɛ enya kɔnek?

Omoŋ Petrosuk 2:11

Iinak joop sigɛ kɔnu poraak, agut sinɔ iinak ɗook raŋk konan a woytataktaanak, nɛ kɔnu kalɛya kɛnɔ yowɛrkari ɗɛyaan taaroŋk sinɔɔnɛ kaarar a ɛkan goŋkuk.

Dɛnɛɛ Pɛrka Yowanisik 21:8

Mayakana joop sigɛ ɓɔɔjakik, a sigɛti kir ŋaaditik, a sigɔ somkaanakik, a sigɔ ɓokootaaŋɔŋk, a sigɔ ruunykaanakik, a sigɔ ŋeytunuk, a sigɔ ugumer raŋaawotakaak, a nyonkaanak baŋɛ nyonkoy nɛŋk goroo sinɔɔnɛ obiiŋɔŋk moɗiŋɔŋk koon sinaanɛ moɗik tak. Ege sini rer pɛɛyeen nɛɛk.

Dɛnɛɛ Pɛrka Yowanisik 22:15

Joop sigɔ ŋuuja a ito wartunk, a ŋeytun, a ruunykaanak, a joop sigɔ ɓokootaaŋɔŋk, a joop sigɔ ŋaadir raŋaawotakik, a joop sigɔ porur ɛ arir nyonuk atukoy katamɛɛ nɛɛkɛ walas.