Kolasiis 3:4 - Kuumeet Sinɔ Tɔɔnuk Ad Majaŋeeroŋk

⁴ Saakoy yaaŋɛɗ ɛɛk Kerese sinɛ wɛɛŋa goŋkuk, nɛkoy ɓɔrɛ kɔnu yaaŋɛɛ a sɛɛn agut omoŋ eemɛyɔɔn.

Kolasiis 3:4 Iomraidhean Croise

Maatiyoos 13:43

Ma joop sigɛ mentaana taamɛkɛ Waakoyotoŋkuk, ɗaawurkoy burɛɛ Ɛpɛn nɛŋkik a ito waawuy. Iɗit sinɔ lak weena sinɔ tiiɗiŋɔŋk, in tiyɛɗ.

Lukaas 17:30

"Ɓeny sinaanɛkoy ɓɔrɛ yaaŋɛɗ ɛɛk Tɔn Etoŋkuk ɓɛɛlɛkoy oko sinɛk.

Yowanis 11:25

Nɛɓa tongeeɗ Yeese kɛ, "Eet iɗit sinɔ boŋku iɗit ret walasak ɛ eet wɛɛŋa. Iɗit sinɔ ŋaadi eetik, kɛygun rɛrkɛɛŋ beeɗkɔɔ wɛɛŋakɛ.

Yowanis 14:3

Ɔkɔn ŋaara nɔkɔna kɛɛɗa ragadkuuna nyonŋ, nɛkɔɔ murka kɛkar nɛkɔn kusa boŋa nɔ beeɗiir saadi arkiɗaak.

Yowanis 14:6

Nɛɓa Yeese jumurgeeɗ kɛ, "Eet gopan, a eekeer, a wɛɛŋa. Kɛɛ iɗit sinɔkoy mɛlɛ son lak Baabɛɛk eete sɔgɔɔsɔyk.

Yowanis 17:24

"Iin Baabɛɛ, agut sinɔkanti poriiɗin a inɓa kɛɛ riiɓɛɛ ɗook kɛnɔ dɛnɛr eemɛyɔn sinɛkanta gaɓunk joop sigikanta gaɓun sɛɛgik, ɗɛya kɛnɔ beeɗir a eet agut omoŋ saadi arkiɗaak.

Yowanis 20:31

Yakana taapɛɛɓa sini kɛnɔ ŋaadiir Yeesee Keresee kɛ sɛɛn Tɔɔn Waakoyotoŋk, nɔ ŋaadiir kɛnɔkoy laŋiir tiriyaakɛ gɛɛnɛk wɛɛŋa sigɛkoy nɔkoy nɔkoyk.

Ijaag Wosɛytaanakoŋk 3:15

Ɓokotiirkan iɗit sinɔ gaɓɛ wɛɛŋakiŋ, yakanakan Waakoyot boŋku ret walasa. Eteŋk misikiriyɛ any sinik.

Roome 8:18

Ikoma rakatɛ naŋk sinɛ sisɔk a ito kɛɛ any saa paariɗɛɛ a eemɛyɔn sinɛkoy tina yaaŋɛ ɛɛkik.

Roome 8:19

Kookor riiɓ baŋɛ a lageeɗ ŋɔɗɔ yaaŋɛɛt tɔɔmɔk Waakoyotoŋk.

Omoŋ Korontoosuk 1:7

Nɛkɔɔ kɔne kat bitakɗi tigi wɛɛŋakoŋk sigɛ ɗɛyɛɛrik, saa kookorarɗɔ murun Yeese Kereseek.

Omoŋ Korontoosuk 15:43

Soowɛɛ a daraayɛɛŋ, nɛkoy ŋaarki eemɛyɔɔn, soowɛɛ a bɔɔlaaŋ, nɛkoy ŋaarki a ɓaŋkawuŋ.

Pɛɛyeen Korontoosuk 4:17

Agut sinɔ rakatɛ naŋk sini tɛmŋɔŋk ɛ ɔɔtɛya sinɔɔna balaaŋɔŋk ɗɔku tina any sinɔ reemɗi ɓayɛk a eemɛyɔn sinɛkoy nɔkoy nɔkoyk sinɔ kaalɛ rakatɛ naŋkik.

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Pilipisiyoos 3:21

Weerɛkoy sɛŋk buusɛ naŋk sini daraayɛɛŋɔŋk, nɛ ari a gayi a buusɛ nɛɛk sinɛ eemɛyɛɛk. Arɗi sini baŋɛ ɓaŋkawuka sinɛ oolɛ a ari ola baŋɛ a atu ɓaŋkawukaat nɛɛkɛ goyse ɗeekik.

Omoŋ Tɛsɛlonkeek 4:17

Saadi baŋiya eteŋk sigɛ ɓɛɛlii wɛɛŋakɛk boŋɛɛkoy tin tiimana takana a sɛɛg agut omoŋ kɛnɔ lalaŋikii a Suumi walas taamt. Nɛkoy beeɗii a Suumi agut omoŋ nɔkoy nɔkoyk.

Omoŋ Timotiyoosuk 6:14

Kooru sekiyɛ sigi kɛ ɗɔm a kɛɛ any sinɔne dakɛk ɛ kɛɛ any sinɔnu laaganygiɗɛɛk mɛlɛɛɗa ɓɛɛnyɔwa saakoy mɛlkiɗ Suumi naŋk Yeese Kereseek.

Pɛɛyeen Timotiyoosuk 1:1

Ege sini wargatɛ sinɔ taapiɗiira eet Paawuloos sinɛ wosɛytan Yeese Kereseek ɗɛyaan Waakoyotoŋk, oko ŋaadiyɛ sigɛ kookoriik Wɛɛŋakoŋk sigɛɓa laŋɛɛ Yeese Kereseek,

Pɛɛyeen Timotiyoosuk 4:8

Seedi son kookorkuntu dooroy mentankaatoŋk taamɛkɛ Waakoyotoŋk, aɓa ragadkunɛɛŋ. Waawuy saakoyk gaɓɛkoyta Suumi sinɛ Pɛrɛdɛ kɛ ɗɔmk, ma ɓɔrɛ joopa sigaaga ɗɛyɛr sɛɛnik baŋɛŋ.

Tiito 2:13

koorɛr ŋaadiyɛ gaŋk sigiɓa geetɛɛk yaaŋɛɛt eemɛyɔn Waakoyo sinɛ Obiik naŋk ɛ Ebɔdtan naŋk, Yeese Kereseek.

Ibirawiyaan 9:28

Nɛɓa ɓɔrɛ Kerese gaɓɛ ɛɛk nɛɛk a uduŋeet agut omoŋ kɛnɔ boŋu tikiyɛ joop sigɔ ɓɔɔkaaŋɔŋkuk. Mɛlkikoy kɛkar kɛnɔ ebɔdɛ joop sigɛ kookorarkun sɛɛnik, ma moko boŋu tikiyɛ.

Omoŋ Petrosuk 1:13

Agut sini in ragadɛɛ ɓayɛtun goŋk ijaaga, in beeɗɛɛ kɛ ɗɔm, in lakɛɛ ŋaadiyɛ sigɔ enyaaŋɔŋk, kɛ laŋiirkoy wookan Nɛɛk saakoy yaaŋɛɗ ɛɛk Yeese Kereseek.

Omoŋ Petrosuk 5:4

Ɔkɔnkɔɔ ijaagiir siniŋ boŋiirkoy dooroy eemɛyɔɔnoŋk, sinɔkoy ki sɔɔkiɗiit a daktank, saakoy yaaŋɛɗ ɛɛk Ɔɗɔwen sinɛ Koortaanakoŋkuk.

Omoŋ Yowanisik 2:28

Sisɔ iinak tɔɔmɔk, in beeɗɛɛ Sɛɛne kɛnɔkoy dɛnii a kii ɓuriit saakoy sɛŋk yaaŋɛɛɗ ɛɛkik, ɛkoy kat lakii keeny Ɓeny sinaanɛkoy mɛlkiɗik.

Omoŋ Yowanisik 3:2

Iinak joop sigɛti poriirik, ɗegerii kɛ eteŋk tɔɔmɔk Waakoyotoŋk, nɛ kii ɗegerɔɔn kɛ ɓeeliikɔɔ ɛk. Mayakana ɗegerii kɛ saakoy yaaŋɛɛɗ ɛɛk Kereseek, gayikiikoy a sɛɛn agut sinɔ dɛniikoy ɛɛk Nɛɛk sinɛ eekerkankiŋ.

Omoŋ Yowanisik 5:12

Iɗit sinɛ lak Tɔɔn nɛɛkik nɛ lak wɛɛŋa sigi. Ma iɗit sinɛ kiiɗɛ Tɔɔn Waakoyotoŋkuk nɛ kiiɗɛ wɛɛŋa sigɛ koy nɔkoy nɔkoyk.

Yuuda 1:24

In dakɛ eemɛyɔɔn Waakoyota sinaana oolɛ a kɔnu ari kɛnɔ kat ɗiirarik, ɛ kɔnu wideer yaakat sinɔɔnɛ obiiŋɔŋk taamɛka gɛɛnaak sigaaga eemɛyɛɛk a kɔne kɛɛ keenyk.

Dɛnɛɛ Pɛrka Yowanisik 2:7

In tiyɛ iɗit sinɛ lak weena sinɔ tiiɗiŋɔŋk any sinɛ tonur Wɛɛŋak godeyika Sambatɛyɛɛkoŋkuk. Iɗit sinɛ lɔsiɗiik araakɔɔ a ɗam taamɛ kɛɛt wɛɛŋakoŋk sinɛ ar Gɛnɛte Waakoyotoŋkuk."

Dɛnɛɛ Pɛrka Yowanisik 22:1

Nɛkanta yaaŋɛ wosɛytan sinɛ Waakoyotoŋk gɔrɔ maawu wɛɛŋakoŋk, sinɔ kus barsum Waakoyotoŋk a jiŋkuy nɛɛkik, sinɔ pɛɗɛɛɗ a pɔllɔɔwɛ a ito ɓɛɛrawoyk,

Dɛnɛɛ Pɛrka Yowanisik 22:14

Geetitaanak joop sigɛ aadir abiyak gɛŋk kɛnɔkoy pɛgɛɗɛɛ sɛɛga nɔ mɛlɛr kɛɛta sinaana wɛɛŋakoŋk, ɛ kɛnɔ guugunyar katamɛya nɛɛka tugaateerɛ gɛɛnɛkik.