Kolasiis 3:3 - Kuumeet Sinɔ Tɔɔnuk Ad Majaŋeeroŋk

³ Agut sinɔ rɛrariɓa nɛɓa dugiɗi wɛɛŋa goŋk a Keresee agut omoŋ sooy lak Waakoyok.

Kolasiis 3:3 Iomraidhean Croise

Maatiyoos 11:25

Saaɓak tonuɓa Yeese kɛ "Iin Baabɛɛ sinɛ Suumi dariyoŋk a ɗookoŋkuk, pɔɔsaniŋ agut sinɔkɔ dugeeɗin any sini joope sigɔɔgɛ ɗegerar ɛɛkik, makɔ yaaŋin tɔɔmɔkaak.

Yowanis 14:19

Ɔɔtɛ sinɔɔnɛ balaaŋɔŋk baŋiya kir kɔɔtu joop ɗookoŋk taanta, makɔɔ sɔɔk dɛnɛɛrtiŋ agut sinɔkoy beeɗiɗa wɛɛŋakɛk, nɛkɔɔ ɓɔrɔ beeɗiir wɛɛŋakɛ.

Yowanis 3:16

Agut sinɔ Waakoyo poru ɗoo jɛt, gakiɓa Tɔɔn nɛɛk sinɔ omoŋɔŋk, kɛnɔ iɗit sinɔ ŋaadiɗi Toomoy nɛɛkɛkik baŋɛ kikoy badɛ makoy laŋi wɛɛŋa sigɛkoy nɔkoy nɔkoyk.

Yowanis 4:14

ma iɗit sinɔ ute maawu sigɔ gaɓa sɛɛg saakik, kiiɗɛkoy paar nɔkoy nɔkoyk. Maawu sigɛ gaɓa sɛɛg saakik, dakɛr sɛɛne tak a tuny maawu sigɔ gaɓɛr wɛɛŋa sigɛkoy nɔkoy nɔkoyk."

Yowanis 5:21

Oko sinɛ Ɛpɛna boŋkuɗ joop sigɛkan rɛrark nɛ sɛɛga gaɓɛ wɛɛŋak, nɛ ɓɔrɛ Tɔn nɛɛkɛ gaɓɛ wɛɛŋa eta sinaana ɗɛyɛk oko sinɛk.

Yowanis 5:24

"Eekeer tona kɔnaaŋ, iɗit sinɔ tiyɛ pɛɛni naak nɔ ŋaadi Waakoyo sinɛ kanti wosɛykik lak wɛɛŋa sigɛkoy nɔkoy nɔkoyk. Kɛɛkoy sɛɛne pɛrɛdɛɛt ekaŋkikɔ sɛŋk ret bɔdɛɛɗa.

Yowanis 5:40

Mayakana sɔɔk kirkɔ ɗɛyɛ ɛnyɛ son lak eetik kɛnɔ laŋiir wɛɛŋa.

Roome 5:10

Nɛ a inɓa eteŋk gumaakeer a Sɛɛn, nɛɓa taakiɗiikii a Waakoyo ret Tɔɔn nɛɛkik. Agut sinɔkɔ sisɔ taakiɗiiɗii eekeerɛk, nɛkoy bɔdii wɛɛŋakɛ gɛɛnɛkiŋ.

Roome 5:21

Nɛ oko sinɛ tapaaɗaanɛrɗi tikiyɛɛk ret baŋɛk, nɛɓɔrɛ tapaaɗaani wookan mentankaat taamɛkɛ Waakoyotoŋk kɛnɔ laŋɛɛ wɛɛŋa sigɛkoy nɔkoy nɔkoyk goy Suumi naŋk, Yeese Kereseek.

Roome 6:11

Agut sini ikomɛɛ ɛkan goŋk a ito rɛrari tikiyɛɛka, mayakana ito iinak bɔdtaanak Waakoyota Yeese Keresee.

Roome 6:2

Ki gayɛ adaktan. Rɛɛriiɓa tikiyɛɛkaaŋ, oolii a beeɗii sɛɛge tak ɛk?

Roome 8:2

agut sinɔ boŋkukanti yaakata higi wɛɛŋakoŋk sinɔ gaɓɛ bɔdɛk Yeese Keresee higii tikiyɛɛkoŋk a retoŋk.

Omoŋ Korontoosuk 15:45

Nɛ agut sini taapɛɛɓa Wargatɛɛ Waakoyotoŋk kɛ, "Adam iɗit sinɛɓa riiɓɛɛ tuki a lak wɛɛŋak," ma Adam sinɛ pediyaak Kerese sinɛ gaɓɛ wɛɛŋa sigɔ bɔdɛɛk.

Omoŋ Korontoosuk 2:14

Iɗit sinɔ moko dooytank ki oolɛ a boŋu any sinɛ kus Wɛɛŋakɛ Waakoyotoŋkuk, agut sinɔ mermenɗɛɛ Wɛɛŋakɛk Waakoyotoŋkuk nɛ kiigeeɗ mɛlɛ, gayigeeɗ aasi sɛɛna any sini a gaagɛyikeen.

Pɛɛyeen Korontoosuk 5:14

Dire tin mɛyin Kereseek ijaaga, agut sinɔ ege joop baŋɛ kaastaanak rer nɛɛkik nɛ tina mɛlɛ kɛ rɛrɓa Kerese agut joop baŋɛ agut omoŋ.

Pɛɛyeen Korontoosuk 5:7

Agut sinɔ beeɗii seek a ŋaadii Suumi, ma moko dɛnii Sɛɛniŋ.

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Epesoon 3:9

Gaɓɛɛɓata kɛnɔ yaaŋa joopa baŋɛ any sini dugaaŋɔŋk Waakoyotuk sinɛɓa dugiɗi emeyikɛ sigaagɛɓa ɗeeŋk.

Pilipisiyoos 4:7

Ɔkɔn ijaagiir oko sinikiŋ, bɔdɛ Waakoyotoŋk sinɛ ar koɓiiɗ etoŋk baŋɛ rakaayk koorɛ ɓayɛtun goŋk a kalbiyɛ goŋk Yeese Keresee.

Kolasiis 1:5

Tiyɛɛrkan saakan mɛlɛrkiɗ tuki nɛɛkɛ ŋaadiyɛ sigɛ kookorarik son lak iinakik eekeer Pɛɛni sinɔ Ɓɛlkɛɛstankiŋ, agut sini ŋaadiyɛ goŋk a mɛyin noŋk tukɛɛɓa ŋaadiyɛɛkɛ a ŋaadiyɛɛkɛ sigaagɛ kookorarik raŋk sigaagɛɓa ragadkuunɛɛ nɔkɔnu kookorarkun darik.

Kolasiis 2:20

Rɛrarikan a Keresee agut omoŋ, nɛkan kɔnu pakatiki barɛɗakɛ ɗoo sinik. Anɛ ɓalɗiikari sekiyɛɛka sigeega agut jikon?

Kolasiis 2:3

Dugiɗiɓa sooy lak sɛɛnik ɗegerɔn sinɔ kiiɗɛ sukuk a ɗegerɔn ɛɛkoŋk baŋɛ.

Kolasiis 3:4

Saakoy yaaŋɛɗ ɛɛk Kerese sinɛ wɛɛŋa goŋkuk, nɛkoy ɓɔrɛ kɔnu yaaŋɛɛ a sɛɛn agut omoŋ eemɛyɔɔn.

Ibirawiyaan 7:25

Agut sini oolɛ a ebɔdɛ nɔkoy nɔkoy joop sigɛ kurak son lak Waakoyok goy nɛɛkɛk agut sinɔ beeɗiɗ ɓɛɛnyɔwɛ gɛɛŋk baŋɛ kɛnɔ kalɛyiɗi agut sɛɛgik.

Omoŋ Petrosuk 3:4

In ɗegerɛɛ kɛ ar mentanka noŋk iinakɛ tak. Ege sini mentanka eemɛyɔn sinɛ ar taamɛkɛ Waakoyotoŋk sinaanɛkoy ki badɛɛk wɛɛŋakɛ leemikeenoŋk a rikiteet ɛɛkoŋk.

Omoŋ Petrosuk 4:2

Nɛɓɔ seedi son beeɗit nɛɛk sinɛ ŋayɗiik ɗook sineneek beeɗ a moko ijaag ɗɛyan taaroŋk sinɔ ŋɛɛwɛnŋɔŋk, ma beeɗ a dusanɛ ɗɛyan Waakoyotoŋk.

Omoŋ Yowanisik 3:2

Iinak joop sigɛti poriirik, ɗegerii kɛ eteŋk tɔɔmɔk Waakoyotoŋk, nɛ kii ɗegerɔɔn kɛ ɓeeliikɔɔ ɛk. Mayakana ɗegerii kɛ saakoy yaaŋɛɛɗ ɛɛk Kereseek, gayikiikoy a sɛɛn agut sinɔ dɛniikoy ɛɛk Nɛɛk sinɛ eekerkankiŋ.

Dɛnɛɛ Pɛrka Yowanisik 2:17

In tiyɛ iɗit sinɛ lak weenak any sinɛ tonur Wɛɛŋak godeyika Sambatɛyɛɛkoŋkuk. Iɗit sinɛ lɔsiɗiik gijaakɔɔ sɛɛn mɛnna sinɛɓa dugɛɛk, a giɗee sinɔ tupeenyŋɔŋk sinɔɓa taapɛɛɗɛ tiriya sigɔ tɔɔmɔkuk. Ɗegeera sini iɗit sinɛkoy boŋɗiik dakɛɗa."