Kolasiis 3:25 - Kuumeet Sinɔ Tɔɔnuk Ad Majaŋeeroŋk

²⁵ Iɗit sinɔ ijaag any sinɔ ŋɛɛwɛnŋɔŋk goopɛɛkoy agut ijaag nɛɛk any sinɔ ŋɛɛwɛnŋɔŋk, agut sinɔ kɛɛ pakaatan sooy lak Waakoyok.

Kolasiis 3:25 Iomraidhean Croise

Maatiyoos 16:27

Tɔɔn Etoŋk mɛlɛrkikoy a wosɛytaanak gɛɛŋk eemɛyɔɔn Ɛpɛnaak, nɛkoy koyu eta a omoŋ omoŋ gati nɛɛk oko ijaag nɛɛk.

Lukaas 20:21

Nɛɓa joop gɛɛnɛ kɔɔniyar kɛ, "Rɔɔriytaano, ɗegerii kɛ tonɗiikin a rɔɔriyaaɗin eekeer, mermenin joop baŋɛ a koɓi omoŋ, rɔɔriyaaɗin gopan Waakoyotoŋk eekeerɛ.

Ijaag Wosɛytaanakoŋk 10:34

Tukeɓa Petros toniiɗa kɛ, "Mɛlɛkɔta eekeerɛ kɛ ki Waakoyot pakaatɛ joop.

Roome 2:11

Agut sinɔ ki Waakoyot pakaatɛ joop.

Pɛɛyeen Korontoosuk 5:10

Agut sinɔ wideeriikoy ɛɛk eteŋk baŋɛ taamɛka barsum pirdiyoŋk Kereseek. Nɛkoy boŋu iɗit a omoŋ omoŋ any sinɔ mentanŋɔŋk maŋk ŋɛɛwɛnŋɔŋk sinɛɓa ijaag buusɛɛ nɛɛkɛkik.

Epesoon 6:8

agut in ɗegerɛɛ kɛ iɗit a omoŋ omoŋ, kɛygun suumi kɛygun ijaagen laŋkoy koyi any sinɔ mentanŋɔŋk sinɛɓa ijaagɗigeeɗikiŋ sooy lak Suumi nɛɛkik.

Epesoon 6:9

Maɓɔrɛ iinak suumiyɛ, in ɓɔrɔ ijaagɛɛ laaŋoyeera goŋk oko sinik. Kat epɛɛrɛ ɛɛk. In ɗegerɛ kɛ latukari iinak a sɛɛg Suumi rakaay sinɔ ki pakaatɛ joopuk.

Kolasiis 4:1

Iinak suumiyɛ, agut sinɔ ɗegerari kɛ latukari ɓɔrɔ Suumi dariŋ, nɛ in lowɛɛ laaŋoyeer goŋk a ɓɛɛlɛ kɛ ɗɔm a rɔmaatuŋ.

Omoŋ Tɛsɛlonkeek 4:6

Kat lakɛ iɗit sinɔ tike manyaak maŋk raamɛ manyaak ant sineenek, oko sinɛɓa kɔna toniɗii jeemɛk, ɛ oko sinɛkan kɔna rɔɔrɔkɗiik kɛ ɗɔmkuŋ. Goop koy Suumii joop sigɛ ijaagir tikiyɛ sigɔ ito sigikiŋ.

Pɛɛyeen Tɛsɛlonkeek 1:6

Agut sinɔ sɛŋk pɛrɛdɛɛɗ Waakoyot a ɓɛɛlɛ kɛ ɗɔmk, nɛkoy koyɗi joopa sigaaga kɔna ɗɔkarki rakatɛk aɓɔrɛ sɛɛga ɗɔk rakatɛ,

Pilimoona 1:18

Ɔkɔn lakɛ any sinɔkanni tikeeɗŋɔŋkuŋ maŋk ɔkɔn lak gatiŋ, nɛ riiɓi eete raŋk.

Ibirawiyaan 2:2

Eekerkan wosɛ sinɛɓa tonɛɛ goy wosɛytaanak Waakoyotoŋk, iɗit sinɔ sɔɔkɛ Pɛɛni sinik ɛ kiigeeɗ tiiɗitik boŋukoy goopan sinɔ likik.

Omoŋ Petrosuk 1:17

Ɔkɔn riyari kɛ, "Baabɛɛ naŋk," Waakoyo sinɛkoy ari a omoŋ omoŋ eta oko ijaag nɛɛkik a kɛɛ iɗit sinɔ pakatikiŋ, nɛ in beeɗɛɛ a ɓurɛɛ Sɛɛn saa beeɗirɗɔ ɗook raŋk koonatikenk a iinak woytataktaanakik.

Yuuda 1:16

Noonoga sɛɛg ɓɛɛnyɔwɛ gɛɛŋk baŋɛ. Kɛɛ any sinɔ yaa sɛɛgak. Nomɛrɗi ɗɛyan nɛŋk any sinɔ ŋɛɛwɛnŋɔŋkuk. Enya ato nɛŋk pɛɛni sinɔ ɓɔŋgɔɔrɛrɗi ɛɛk nɛŋkik, ɗɛyɛr tɔkɔny ɛkan gɛŋkik nɛ muuser ɛkan gɛŋk.