Kolasiis 3:24 - Kuumeet Sinɔ Tɔɔnuk Ad Majaŋeeroŋk

²⁴ In ɗegerɛ kɛ gaɓɛkoy Suumii any sinɛɓa ŋɔɗɛɛk ruukeetoŋk. Agut sinɔ ijaagɗiɗɔ Suumi Kereseek.

Kolasiis 3:24 Iomraidhean Croise

Maatiyoos 10:41

Iɗit sinɔ boŋu iɗit pɛrkaakoŋk tiriyaakɛ iɗit pɛrkaakoŋkuk, laŋkoy gati iɗit pɛrkaakoŋkuk. Iɗit sinɔ boŋu iɗit sinɔ mentanŋɔŋk tiriyaakɛ iɗit sinɔ mentanŋɔŋkuk, laŋkoy gati iɗit sinɔ mentanŋɔŋkuk.

Maatiyoos 5:12

In kɔna yaa jɛt agut sinɔ obi gati sinɛkoy laŋiir darikiŋ. Epapayɛɛɓa joop pɛrkaakoŋk sigɛɓa ɓɛɛlɛr iinakɛ ɔɗɔɔkɛk oko sinik.

Maatiyoos 5:46

Ɔkɔn poriir joop sigɛ kɔnu porurk, nɛ latukari gati kɛ jikon? Joop sigɔ yayawar worik a moto ijaagir siniŋ?

Maatiyoos 6:16

"Saa soomɛrɗɔɔk, kat kɔnu aayɛr ɛɛkan oko joop sigɔ gayar joop sigɔ mentaanaŋɔŋk. Yaaŋɛr sɛɛk ɓɛɛlɛt sanoŋk kɛnɔ ɗegerar joop kɛ soomɛrŋ. Eekeer tona kɔnaaŋ, boŋurɓa sɛɛk gati nɛŋk jeemɛ.

Maatiyoos 6:5

"Saa ɗanɗamaaɗɔɔk, kat ɓɛɛlɛɛ oko joop sigɔ gayar joop sigɔ mentaanaŋɔŋk. Ɗɛyɛr sɛɛk ɗanɗamɔn ɛtɛɗɔɔgɛ sinɔɔnɛ godeyi tolɛɛɗoŋk Ayuuduk a sinɔɔnɛ gopan kɛntɛ nɛɛkik, eekeer tona kɔnaaŋ boŋurɓa sɛɛk gati nɛŋk jeemɛ.

Lukaas 14:14

nɛkoynu geetɛɛŋ. Agut sinɔ joop sigi kirɗi oolɛ ana jumurarŋɔŋk. Jumurɛkoyna masɛ nook saakoy ŋaararkiɗ ret walasa joop sigɛ mentaana taamɛkɛ Waakoyotoŋk."

Lukaas 6:35

Mayakana in sɔɔk porɛɛ gumaakeer goŋk! In ijaagɛ sɛɛga any sinɔ mentanŋɔŋk! In gaɓɛɛ masɛ ma kat lakɛ koɓi sinɔ kɛ jumurɛ kɔɔ tinaŋɔŋk! Ɔkɔnkɔɔ ijaagiir oko sinikiŋ obiikoy gati noŋkuŋ, iinak koy tɔɔmɔk Waakoyo sinɛ ar darik, agut sinɔ sɛŋk mentankiɗ joopa sigaaga kɛɛ sɛɛg pɔɔsɛɛtik a joopa sigaaga ŋɛɛwɛkiŋ.

Yowanis 12:26

Iɗit sinɔ ɗɛyɛ ijaag eetaak, in nomɛɛ eete, arkoy ɓɔrɛ ijaagen naakɛ saadi arkiɗaak. Iɗit sinɔ ijaagɗi eetaak, eemɛy Baabɛɛŋ.

Ijaag Wosɛytaanakoŋk 20:32

"Sisɔ gaɓaakankɔnu a adarat Waakoyota a pɛɛniya wookan nɛɛkik sinɔ ari kɔnu a ɛtɛɛriŋɔŋk, ɛ oolɛ akɔna gaɓɛ any sinɛɓa ŋɔɗɛɛk geetitaanakɛ kɔɔruk.

Roome 1:1

Ege sini wargatɛ sinɔ taapiɗiir Paawuloos sinɛ laaŋoyen Yeese Kereseek, sinɛɓa daamɛɛ Waakoyote a sɛɛn wosɛytan, ɛɓa wosɛyɛɛ kɛnɔ waasɛ Pɛɛni sinɔ Ɓɛlkɛɛstank Waakoyotoŋk.

Roome 14:18

Iɗit sinɔ ijaagɗi Kereseya oko sinikik, nɛ ari Waakoyo a yaageeɗiŋ, ɛ sɛɛn eemɛyɛ joope.

Omoŋ Korontoosuk 11:23

Ege sini kɔna kɔɓɛɛraak rɔɔriyɔn sinɛkan boŋa Suumiik. Ajige saakan gaɓɛɗɛɛk, ɓɔŋgɔɔrɛkan Suumi Yeese kiiwu nɛɛk,

Omoŋ Korontoosuk 3:8

Iɗit sinɛ waayɗik a iɗit sinɛ sawuɗik ijaagir any sinɔ omoŋɔŋk. Boŋukoy iɗit a omoŋ omoŋ gati nɛɛk oko ijaag nɛɛk.

Omoŋ Korontoosuk 7:22

Agut sinɔ iɗit sinɔɓa riyɛɛ ma sɛɛn laaŋoyenk, nɛ ar yaakat Suumii. Maɓɔrɛ iɗit sinɔɓa riyɛɛ ma ari yaakatik, nɛ sɛɛn laaŋoyen Keresee.

Gɛlatiyaa 1:10

Anɛ ɗɛya kɛnɔtu pɔɔsɛ iɗit? Maŋk kɛnɔtu pɔɔsɛ Waakoyot? Maŋk gayi kɔna a ara joop kɛnɔ yaa sɛɛga? Ɔkɔnkan ɗɛya kɛnɔ ara joop a sɛɛga yaaŋ, nɛ gunkan moko eet ijaagen Kereseek.

Epesoon 6:6

Moko tiiɗikar sɛɛga dɛnɛɛɗa a ariir joop a yaa sɛɛgaŋ, ma tiiɗikar sɛɛga oko laaŋoyeer Kereseek sigɔ arir ɗɛyan Waakoyotoŋk ɓayɛtunɛɛkɛ gɛŋkik.

Epesoon 6:8

agut in ɗegerɛɛ kɛ iɗit a omoŋ omoŋ, kɛygun suumi kɛygun ijaagen laŋkoy koyi any sinɔ mentanŋɔŋk sinɛɓa ijaagɗigeeɗikiŋ sooy lak Suumi nɛɛkik.

Kolasiis 2:18

In koorɛɛ ɛɛk a kat lakɛ iɗit sinɔ kɔnu ari a dakɛɛr kanysɛya a meri ɛɛk koɓiiɗ nɛɛkɛ sinɔɔnɛ ɓɛɛlɛ kanysɛyaak a tonu kɛ laka pɛrkiyɛ a kɔnu ari kɛnɔ rikiteer ɛɛk ɛ ugumeer wosɛytaanakaak.

Ibirawiyaan 10:35

Agut sini kat ŋɔɗari ŋaadiyɛ goŋk sigɛ latu gati sinɔ obiiŋɔŋkuk.

Ibirawiyaan 11:6

Kɛɛ iɗit sinɔ ari Waakoyo a yaageeɗŋɔŋk, ma kiiɗɛ ŋaadiyɛɛk. Agut sinɔ iɗit sinɔ wideer ɛɛk Waakoyotak ɗɛygeeɗ a ŋaadi kɛ ɓɛɛlɛ Waakoyot ɛkoy gaɓɛ gati nɛŋk joopa sigaaga ɗɛyɛr sɛɛnik.

Ibirawiyaan 9:15

Agut sini ege Kerese taakitan kuumeet sinɔ tɔɔnuk kɛnɔkoy joop sigɛɓa riyɛɛk laŋir any sinɛɓa ŋɔɗɛɛk sinɛkoy nɔkoy nɔkoyk sinɛɓa gagiɗɛɛ ŋaadiyɛ sigɛ kookorɛɛk. Agut sinɔɓa gaɓɛɛɗ ɛɛk nɛɛk gumaka nɛɓa rɛr kɛnɔ ebɔdɛ joop tikiyɛɛkɛ sigaagɛɓa ijaagir saaɓa atukuɗ kuumeet sinaanɛɓa tukik.

Omoŋ Petrosuk 1:4

arikan tin kɛnɔkoy laŋii any sinɛɓa tina riiɓkun Waakoyot darik sinɛkoy ki badɛɛk ɛkoy ki sɔɔkiɗiitik a kiiki bɔlɔŋurɔŋk.

Pɛɛyeen Petrosuk 1:1

Ege sini wargatɛ sinɔ taapiɗiira eet, Simion Petros sinɛ ijaagen ɛ wosɛytan Yeese Kereseek, joopa sigaagaɓa boŋur ŋaadiyɛ sigɔ eemɛyɛɛŋɔŋk oko sinɛɓa boŋiɗii ŋaadiyɛɛk. Laŋiiɓa ŋaadiyɛ sigi goy mentanka Waakoyo naŋk ɛ Ebɔdtan naŋk Yeese Kereseek.

Yuuda 1:1

Ege sini wargatɛ sinɛkɔ wosɛyɛɛrɛ seey lak Yuudaa sinɛ laaŋoyen Yeese Kereseek ɛ manya Yaykoobak, joopa sigaagaɓa riyk ɛ poru sɛɛg Baabɛ Waakoyot ɛ koorɛ sɛɛg Yeese Keresee.