Kolasiis 3:16 - Kuumeet Sinɔ Tɔɔnuk Ad Majaŋeeroŋk

¹⁶ Nɛ in lakɛ Pɛɛni Waakoyotoŋk a enyaaŋ beeɗit noŋk baŋɛ, iinakɛ in iɗit omaay rɔɔriy mɛɛno ɗegerɔɔn baŋɛ ɛ koykoyɛɗ. In iiliyakɛ a pɔɔsɛɛ Waakoyo ɓayaay iiliyaakɛ, a tukuun, a iiliyaakɛ dooyanoŋk.

Kolasiis 3:16 Iomraidhean Croise

Maatiyoos 26:30

Nɛɓa iiliyar iiliya nɛ kɔtɔɔŋɛr kurkuma Dɛbirɛ Jɛytik.

Lukaas 2:51

Nɛɓa saadi ŋaarar agut omoŋ Naajireeta, tiiɗiɓa sɛɛgaŋ. Koorɛɓa ɛmɛsa any sini baŋɛ ɓayaay nɛɛkɛk.

Yowanis 15:7

Ɔkɔn beeɗiir eeteeŋ ɛ pɛɛni naakɛ beeɗ iinakɛɛŋ, any sinɛ kalɛyiirik baŋɛ laŋiirkɔɔŋ.

Roome 10:17

Kurak ŋaadiyɛɛk tiyaan wosɛ nɛɛkik, maɓɔrɛ kus wosɛ nɛɛkɛ goy rɔɔriyɔɔnoŋk.

Roome 15:14

Eet ɔɗɔwa naaka eekerkan, iinak manyaakak eeta sigɛ dooytaanakik, sinɛ enyaɗɔ mentankaat, a sinɛ latukuɗɔ ɗegerɔn ɛɛkoŋk sinɔ enyaaŋɔŋk ɛ gayɛrɗɔ sinɔɔna rɔɔriyɗ iɗit omaay iɗit omk ɛkanɛɛkɛ.

Omoŋ Korontoosuk 14:15

Anɛta dɔɔs a ara jikon? Ɗanɗamaaka wɛɛŋakɛ gaanɛkiŋ, maɓɔrɛ ɗanɗamaaka kalbii naakɛkiŋ. Iiliyaaka wɛɛŋakɛ gaanɛkiŋ, maɓɔrɛ iiliyaaka kalbii naakɛkiŋ.

Omoŋ Korontoosuk 14:26

Iinak manyaakak eeta sigɛ dooytaanakik, dɔɔs sisɔ a arɛɛ jikon? Saa tolɗiiɗɔɔk lak iinakɛ iɗit omaay tigi iiliyakoŋk, ma lak iɗit omaay tigi rɔɔriyɔɔnoŋk, ma lak iɗit omaay tigi sinɔ yaaŋɛɛɗ any sinɔ ar dugeeɗik, ma lak iɗit omaay tigi sinɔ tonɗiiɗ ad sinɔɔnɛ tɔɔnuk, ma lak iɗit omaay tigi doomɛtoŋk. Ege sini any sinɔ ari dooytaanak a ɛtɛrŋɔŋk.

Epesoon 1:17

Ɛ kalɛɗika kɛnɔ ɗegerari Waakoyo sinɛ Ɛpɛn eemɛyɔɔnaak, sinɛ Waakoyo Suumi naŋk Yeese Kereseek kɛnɔ kɔna gaɓɛ Wɛɛŋa ɗegerɔɔnoŋk a yaaŋiyɛɛkoŋk.

Epesoon 5:17

Agut sini kat ɓɛɛlɛɛ a iinak gaagɛyɛ, ma in koɓukɛɛ ɗɛyan Suumiyoŋk.

Epesoon 5:19

In waawasikɛɛ ɛkanɛɛkɛ goŋk iiliyakɛ, a tukuun, a iiliya sigɔ geetitaanakik, in pɔɔsɛɛ Suumi ɓayɛtunɛɛkɛ goŋk,

Epesoon 5:26

nɔɓa ijaagiiɗ sinik ɗɛyɛɓa kɛnɔ geet gode Sambatɛyoŋk pɛɛnii nɛɛkɛ aɓa aadi maawɛ,

Kolasiis 1:28

Waasii Keresee joopa baŋɛ a rɔɔrɔkaakii sɛɛga ɛ rɔɔriyii sɛɛg ɗegerɔɔn baŋɛ kɛnɔ joop baŋɛ ɓɔlɔɔrɛr Keresee.

Kolasiis 1:9

Kiiɓa yawɛɛɗ ɗanɗamɔn a kalɛy Waakoyotoŋk agut iinak kɛnɔ ɗegerari adaktan ɗɛyan Waakoyotoŋk ɗegerɔɔn sinɔɔnɛ kɔna gaɓɛr Wɛɛŋa sigɔ Geetitaanakik,

Kolasiis 4:6

In enya waasiyɛ goŋk wookaan ɓɛnyɔwɛ gɛɛŋk baŋɛ a yaagɛr a itokɔ konɛyɛɛ mooyii, kɛnɔkɔɔ ɗegerarɗɔ jumuran any sinɔ likik joopa a omoŋ omoŋk.

Omoŋ Tɛsɛlonkeek 1:8

Pɛɛni Suumiyoŋk sinɛkan kɔne ŋaarkik mokokan tiyɛɛ Mɛkedooniyaake a Akayaake dakɛɗa, makan ɓɔrɛ tiyɛɛ nyon baŋɛɛŋ ŋaadiyɛ sigɛ latukari Waakoyotekiŋ, nɛ agut sini ki tina ɗɛyɛ a tonii ant sineene raŋk any omoŋ.

Omoŋ Tɛsɛlonkeek 4:18

Agut sini in gaananɛɛ ɛkan Pɛɛnii sineene.

Pɛɛyeen Tɛsɛlonkeek 3:15

Kat ikomiir a ito gumaaken, ma in rɔɔriyɛɛ oko masookoy noŋk.

Omoŋ Timotiyoosuk 6:17

Seki worikaanaka ɗoo sinik kɛnɔ kat ɓɔŋgɔɔrɛr ɛɛk rakaaya, ɛ kat ŋaadir wori nɛŋk sinɔkoy badɛŋɔŋk, ma in ŋaadiɗi a tina yaaŋ Waakoyote sinaanɛ tina gaɓɛ any a ŋaaŋayikŋɔŋk.

Pɛɛyeen Timotiyoosuk 3:15

ɛkɔ ɓɔrɛ ɗegerin Wargatɛtɛ Waakoyotoŋk a tukiɗiik tɔɔnikent nookɛŋ. Gaɓɛrkanna Wargatɛtɛ sigi ɗegerɔn, kɛnɔ laŋin bɔdɛ ŋaadiyɛɛkɛ sigaagɛ ŋaadiɗɛɛ Yeese Kereseek.

Tiito 3:6

Gupatikikan tina Waakoyot Wɛɛŋa gɛɛŋk a ɓɔɔkaaŋ a ŋaaŋayikiŋ goy Ebɔdtan naŋk Yeese Kereseek.

Yaykoob 1:5

Ɔkɔn lakɛ iinakɛ kɔɔr iɗit sinɔ bitakaaɗ ɗegerɔɔnkuŋ, in kalɛyi Waakoyo sinɛ gije joop baŋɛ yaakaat a ki worɛɛk gageeɗkɔɔŋ.

Yaykoob 3:17

Mayakana ɗegerɔn sinɔ laŋɛɛ Waakoyotek mentanɓa a kiiɗɛ any sinɔ ŋɛɛwɛnŋɔŋk tuki, nɛ saadi poru bɔdɛ, ɛ mentan, ɛ tiiɗi, ɛ maariyɗi, ɛ lak taamɛ sigɔ mentaanaŋɔŋk. Ki pakaatɛ joop, ɛ kiiɗɛ tagay.

Yaykoob 5:13

Ɔkɔn lakɛ iinakɛ kɔɔr iɗit sinɔ laŋki rakatɛkiŋ, in ɗanɗama, ma ɔkɔn lakɛ iɗit sinɔ yaa ɓayɛ nɛɛkɛŋɔŋkuŋ, nɛ in iiliya a pɔɔsɛ Waakoyo.

Omoŋ Yowanisik 2:14

Iinak tɔɔmɔk, taapiɗiira kɔna, agut sinɔ ɗegerarɗɔ Baabɛɛ naŋkŋɔŋk. Iinak baabɛyak, taapiɗiira kɔna, agut sinɔ ɗegerarɗɔ sinɛɓa ɓɛɛlɛ tukikŋɔŋk. Iinak atiinyi, taapiɗiira kɔna, agut sinɔ ɓaŋkaawarkiɗɔŋɔŋk, ɛ agut sinɔ beeɗiɗ pɛɛni Waakoyotoŋk iinakɛ takik, ɛ agut sinɔɓa lɔsɛrɗɔ setanik.

Omoŋ Yowanisik 2:24

In kɔne beeɗ a ɓaŋkawuŋ pɛɛni sinɛɓa tiyɛɛr tukik ɓayɛtunɛɛkɛ goŋk. Nɛ iinak ɔkɔn kɔne beeɗ ɓayɛtunɛɛkɛ pɛɛni sinɛɓa tiyɛɛr tukikiŋ, nɛ beeɗiir a Tɔɔn nɛɛk a Ɛpɛn eteŋka.

Omoŋ Yowanisik 2:27

Agut sinɔ atukuɗ Wɛɛŋa sigɛkan boŋiir sɛɛg sooy lak Sɛɛnik iinakɛ takik, ki kɔna ɗɛyɛ rɔɔriytan om. Rɔɔriyar kɔnu sɛɛk olaatɛ baŋɛ, eekeer any sinɛ kɔnu rɔɔriyarɗik, ma moko nyon. Agut sini in beeɗɛɛ Keresee.

Pɛɛyeen Yowanisik 1:2

Nɔ kɔnu poriɗiik agut sinɔ eeker sigi atukuɗ eteŋkɛ kɔɔrk, ɛkoy beeɗir ɔɗɔɔka nɔkoy nɔkoyk.

Dɛnɛɛ Pɛrka Yowanisik 14:3

Joop sigɛ kumɛɛ ɗibɛ omoŋ a pɔlpɔlɛ joop pɛɛyk a aŋank, iiliyarkan iiliya sigɔ tɔɔmɔkuk barsum nɛɛkɛ, a keegukɛ sigaagɛ latu wɛɛŋak aŋank a gutarɛyɛɛkɛ taamɛkɛ. Kɛɛ iɗit sinɔkan oolɛ a barɛ iiliya sigik, joope sigaagɛkan bɔdɛr ɗookuk sigaagɛ kumɛɛ ɗibɛ omoŋ a pɔlpɔlɛ joop pɛɛyk a aŋank sɔgɔɔsɔyk.

Dɛnɛɛ Pɛrka Yowanisik 15:3

Ɛ kan iiliyar iiliya Muusee sinɛ ijaagen Waakoyotoŋk, a iiliya Jiŋkuy sinɛk kɛ, "Iin Suumi Waakoyo sinɛ Oolɛ ola Baŋɛk, obi ijaag nookɛ a reemɗigeeɗ ɓayaay. Iin tapaɗ joop ɗokanɛɛkoŋk baŋɛ, ege gopak goonɛ liki ɛ eekeer.

Dɛnɛɛ Pɛrka Yowanisik 19:10

Nɛkan ɗiiriraa deraka gɛɛnak kɛnɔ gun ugumguɗa, yakanata tonu kɛ, "Kat arin any sini. Eet ɓɔrɛ ijaagen Waakoyotoŋk oko iin a masookoyak sigɛkan gaamur waasiyɛ eekeer Yeeseek. Ugumu Waakoyota agut sinɔ eekeer sigɛ waasiɗi agut Yeeseek wɛɛŋa pɛrkaakoŋk."

Dɛnɛɛ Pɛrka Yowanisik 5:9

Ɛkan iiliyar iiliya sigɔ tɔɔmɔkuk kɛ, "Lakin ɓaŋkawuka sinɔ oolɛɗin a boŋun wargatɛ sinɛ, ɛ ɓakatin dikoyɛ sigɛ taapiyɛɛkoŋk, agut sinɔ ŋɔɔlɛɛɓani kɛnɔ ɓalin yɛrom nookɛ joop Waakoyota, komoyeerɛ baŋɛ a atutunɛ baŋɛ a joope baŋɛ a tuukaanakɛ baŋɛ.