Kolasiis 3:15 - Kuumeet Sinɔ Tɔɔnuk Ad Majaŋeeroŋk

¹⁵ Nɛ in obulur bɔdɛɛɗ ɓayɛtunɛɛkɛ goŋk. Riyɛɛɓa kɔnu a iinak nyonitaak ɛɛk sinɔ omoŋɔŋk agut bɔdɛ sini. In pɔɔsɛɛ Waakoyo.

Kolasiis 3:15 Iomraidhean Croise

Yowanis 14:27

"Ŋɔɗaakɔɔ kɔna bɔdɛ, gaɓaakɔɔ kɔna bɔdɛ naak. Yakana bɔdɛ sinɛ gaɓa saakik moko ito sinɛ gaɓɛ ɗookuk. Kat ɓakɛyɗi ɓayɛtun goŋk, ɛ kat ɓuriikɛɛ.

Yowanis 16:33

Nɔkan kɔna toniiɗa sinik kɛnɔ atukari eete nɔ laŋiir yaaka. Saa atukuɗɔɔ ɗook raŋk nɛ latukari rakatɛ, mayakana kɛɛ any lɔsaakan saak ɗooŋ."

Roome 1:21

Agut sinɔ kɛygunɓa aasi ɗegerarkɛ Waakoyoŋ, nɛɓa kirgeeɗ gaɓɛɛɗ eemɛyɔn a pɔɔsiyɛ sigɛ ɗɛyɛ sɛɛnak. Ɓɛɛlɛrɓa koɓiɗa gɛŋk kanysɛya, kilararɓa ɓayɛtun gɛŋk sigɛ kir koɓiitkiŋ.

Roome 14:17

Agut sinɔ moko burɛ Waakoyotoŋk any sinɔ laŋiɗɛ ɗama a tuuk, ma mentanka taamɛkɛ Waakoyotoŋk, a bɔdɛ, a yaaka sinɛ ar Wɛɛŋakɛ sigɔɔgɛ Geetitaanakik.

Roome 15:13

In Waakoyo, sinɛ tuny ŋaadiyɛ sigɛ kookorɛɛk, enyɛr kɔnu yaakata bɔdɛɛɗoŋk agut sinɔ ŋaadiɗiiɗɔɔŋɔŋk, kɛnɔkɔɔ ŋaadiyɛ goŋk sigɛ kookorɛɛk kaar a ɓɔlɔɔrɛr ɓaŋkawukaat Wɛɛŋa sigɔ Geetitaanakik.

Roome 5:1

Sisɔ agut sinɔ mentankiɗii taamɛkɛ Waakoyotoŋk ŋaadiyɛɛkɛɛk, nɛ lakii yaaka a Waakoyo goy Suumi naŋk Yeese Kereseek.

Omoŋ Korontoosuk 10:17

Ege kiiwu nɛɛkɛ omoŋ. Agut sinɔ ŋaparɗii eteŋk baŋɛk, nɛ kɛygun ɓɔɔkaakayiiŋ nɛ eteŋk ɛɛk sinɔ omoŋɔŋk.

Omoŋ Korontoosuk 7:15

Ma ɔkɔn ɗɛyɛ pakatiita ɛɛk iɗit sinɛ moko dooytankiŋ, nɛ in pakati ɛɛk. Mayakana ɔɔtɛ sineene kɛɛ remɛɛɗ baabuy maŋk jarti sinɔ dooytank. Agut sinɔ riykan tin Waakoyot kɛnɔ beeɗii bɔdɛɛɗ.

Pɛɛyeen Korontoosuk 4:15

Ege ola sigi baŋɛ sigɔ kɔnyɛr kɔnuŋɔŋk. Oko sinɛ tutukurkuɗ mɛyin a maariyeet Waakoyotoŋk joop a ɓɔɔkaaŋɔŋk Kereseyaak nɛ gaɓɛr pɔɔsiyɛ a ɓɔɔkaaŋ sigɛ daker a eemɛyɔn Waakoyotak.

Pɛɛyeen Korontoosuk 9:11

Ari kɔnu ɓɛɛnyɔwɛ gɛɛŋk baŋɛ a iinak worikaanak kɛnɔ gayɛɛr tigiya ɓɛɛnyɔwɛ gɛɛŋk baŋɛ, kɛnɔ pɔɔsɛr Waakoyo joop a ɓɔɔkaaŋ agut tigi noŋk sinɛ laŋir eteŋkɛɛk.

Epesoon 4:16

Tootoki Sɛɛne nyonitaak ɛɛk etoŋk sigɛ ɓɛɛlɛr kundiyaakɛk. Tootokii ɛ gaagami ɛkan baŋɛ meelatɛɛkɛ, agut sini nyonitaak ɛɛk etoŋkuk a omoŋ omoŋ ijaagiiɗ ijaag sinɛɓa gagiɗɛɛk, nɛ ɓɔlɔɔrɛ ɛɛk baŋɛ nɛ enya mɛyin.

Epesoon 4:4

Saaɓa kɔnu riyɗɛɛk nɛɓa kɔnu riygiɗɛɛ ŋaadiyɛ sigɛ kookoriik sigɔ omoŋɔŋk, lakɛ ɛɛk a omoŋ ɛ lakɛ Wɛɛŋa a omoŋ.

Epesoon 5:1

Sisɔ in gaayɛɛ Waakoyo, oko sinɛ iinak tɔɔmɔk gɛɛŋk sigɛ kɔnu poruk.

Epesoon 5:20

ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.

Kolasiis 1:12

In pɔɔsɛɛ Waakoyo yaakaat sinaanɛɓa kɔnu ari a gayɛɛr kɛnɔ iinak kaastaanak any sinɛkoy boŋur joop sigɛ geetitaanakik sigɛ atu burɛɛ pɛɗɛrkaatoŋk.

Kolasiis 2:7

in gaɓɛɛ tiltilɛ sɛɛne, ɛ kɛnyɛɛ beeɗit noŋk sɛɛne, in beeɗɛɛ a ɛtɛɛ ŋaadiyɛɛkɛ a ɓaŋkawuŋ oko sinɛɓa kɔnu rɔɔriyɗɛɛk. In wideerɛɛ pɔɔsiyɛ sigɔ ɓɔɔkaaŋɔŋk.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Omoŋ Tɛsɛlonkeek 5:18

in pɔɔsɛɛ Waakoyo ant baŋɛ, agut sinɔ ege sini ɗɛyan Waakoyotoŋk son lak iinak sigɛ joop Yeese Kereseek.

Omoŋ Timotiyoosuk 2:1

Agut sini ant baŋɛ ɔɗɔɔkɛ rɔɔrɔkaaka kɔna kɛnɔ kalɛyɗikari, ɛ ɗanɗamaakari joopa ɔgɔɔka, ɛ pɔɔsiɗiikari agut joop baŋɛ.

Omoŋ Timotiyoosuk 6:12

Tima kaarin ŋaadiyɛɛkoŋk sinɔ mentanŋɔŋk, gaamu bɔdɛ sinɛkoy nɔkoy nɔkoyk sinɛɓani riygiɗɛɛk nɔɓa ŋaadin kɛnɔ waasin joope sigɔɔgɛ ɓɔɔkaaŋɔŋk waasɛr eekeerik.

Ibirawiyaan 13:15

Nɛ agut sini koy wideerii pɔɔsiyɛ Waakoyota ɓɛɛnyɔwɛ gɛɛŋk baŋɛ oko sinɛ widerkiɗii uduŋeet Waakoyota goy Yeese Kereseek, tonii pɔɔsiyɛ atutunɛkɛ gaŋk sigɛ waasiɗiɗii agut tiriya gɛɛŋkik.

Dɛnɛɛ Pɛrka Yowanisik 7:12

nɛkan arir kɛ, "Ameen! In geetiyɛ a eemɛyɔn, a ɗegerɔn, a pɔɔsiyɛ, a muusiyɛ, a ɓaŋkawuka, a ɓaŋkaawurɔn, Waakoyota naŋk nɔkoy nɔkoyk. Ameen!"