Kolasiis 3:14 - Kuumeet Sinɔ Tɔɔnuk Ad Majaŋeeroŋk

¹⁴ Sigeege baŋɛ, in kadɛɛ mɛyin sinɔ tuse ola baŋɛ sinɔ laŋiiɗɛɛ omaayikeenik.

Kolasiis 3:14 Iomraidhean Croise

Yowanis 13:34

Gaɓa kɔna sekiyɛ sigɔ tɔɔmɔkuk, In poporiikɛɛ ɛkanɛɛkɛ goŋk oko sinɛkan kɔnu poriiɗaak.

Yowanis 15:12

Sekiyɛ gaaŋk sinɔ kɛ in poporiikɛɛ ɛkanɛɛkɛ goŋk oko sinɛ kɔnu poriiɗaak.

Yowanis 17:23

Kalɛyaan kɛnɔ sɛɛg omoŋ eekeerɛ, oko sinɛ arkiɗa sɛɛge, ɛ oko sinɛ arkiɗin eeteek. Saakoyk ɗegerkoy ɗook kɛ wosɛykinkantiŋ, ɛkoy ɗeger kɛ porun sɛɛg oko sinɛ poriiɗin eetik.

Roome 13:8

Kat latukari asɛ popor ɛkanɛɛkoŋk sɔgɔɔsɔyk, iɗit sinɛ poru iɗitik dusanɛ higi.

Epesoon 1:4

Daamɓa tin Waakoyot Keresee a inɓa kɛɛ riiɓɛɛ ɗoo kɛnɔ eteŋk geetitaanak a tin kɛɛ laaganyɛ taamɛkɛ gɛɛnɛk.

Epesoon 4:3

In ɓaŋkaawurɛɛ kɛnɔ koorɛɛ omaayikeen sinɔ laŋɛɛ Wɛɛŋakɛ Waakoyotoŋk a tutusikari bɔdɛɛɗ.

Epesoon 5:2

In ɓɔrɔ beeɗɛɛ mɛyin nɛɛkɛk oko sinɛ tin poriiɗ Kerese sinɛɓa gaɓɛ ɛɛk nɛɛk agut eteŋkik a tigi a uduŋeet sinɔ ŋaaɗɛ yaagarŋɔŋk a ari Waakoyo a yaageeɗŋɔŋk.

Kolasiis 2:2

Ara ɗɔŋkɔɔlɛ kɛnɔ ɓaŋkaawurar ɓayɛtun gɛŋk kɛnɔ sɛɛg omoŋ mɛyin ɛ kɛnɔ latu koɓi sinɔ daktank baŋɛ sinɔ ŋaaŋayikŋɔŋk, kɛnɔ degerar Keresee sinɛ dugtan Waakoyotoŋk.

Omoŋ Tɛsɛlonkeek 4:9

Kɛɛ iɗit sinɔ kɔna taapiɗiir agut popor masiikikeenoŋk, agut sinɔkan kɔnu rɔɔriyɗ Waakoyot ɔɔtɛ popor ɛkanɛɛkɛŋɔŋk.

Omoŋ Timotiyoosuk 1:5

Ege deran sekiyɛ sigik mɛyin sinɔ laŋɛ ɓayaay sinɔɔnɛ mentanŋɔŋk, a kalbi sinɔ kɛɛ laaganyɛɛk a ŋaadiyɛɛkɛ sigɔɔgɛ eekerkaanakik.

Ibirawiyaan 6:1

Agut sini koy ɗoyii rɔɔriyɔɔn sinaanɛɓa tukik sinɛɓa gaɓɛɛ agut Kereseek, makoy kɛɛɗii aaɗikaata sinɔɔna peditank. A tukii nyon kɛkar rɔɔriyɔn sinɔ weerikiɗii tikiyɛɛkɛ sigɔɔgɛ dilɗi retaak, a ŋaadiyɛ Waakoyotek,

Omoŋ Petrosuk 4:8

In poporiikɛɛ ɛkanɛɛkɛ goŋk kɛ ɗɔm a kaalɛ ola baŋɛ, agut sinɔ mɛyin miinyeɗ tikiyɛ sigɔ ɓɔɔkaaŋɔŋkuk.

Pɛɛyeen Petrosuk 1:7

ma beeɗita a gayikɛ a Waakoyok raŋana masikikeen, ma masikikeena raŋana mɛyin.

Omoŋ Yowanisik 3:10

Pakatɛɛ tɔɔmɔk Waakoyotoŋk a tɔɔmɔk diyabiloosuk sineene. Iɗit sinɔ ki poriiɗ manyaak ɛ ki ijaagɛ any sinɔ mentan taamɛkɛ Waakoyotoŋk moko sɛɛn tɔɔn Waakoyotoŋk.

Omoŋ Yowanisik 3:23

Ege sigi sekiyɛ gɛɛŋk kɛnɔ ŋaadɗikii Waakoyote tiriyaakɛ Tɔɔn nɛɛk Yeese Kereseek, ɛ poporikii ɛkanɛɛkɛ gaŋk oko sinɛɓa tina sekɛɛɗik.

Omoŋ Yowanisik 4:21

Agut sini sekiyɛ sigɛɓa tina gaɓɛ Kereseek sigɔ kɛ'' Iɗit sinɔ poru Waakoyok, in ɓɔrɛ poru manya."