Kolasiis 3:12 - Kuumeet Sinɔ Tɔɔnuk Ad Majaŋeeroŋk

¹² Iinak joop Waakoyotoŋk sigɔ geetitaanakik sigɛɓa kɔnu poru nɔɓa kɔnu daam ɛɛka nɛɛkaakik, agut sini in kadɛɛ sinɔ kɔna sanɗiiɗ joopk, a mentanka, a rikiteet ɛɛkoŋk, leemikeen, a ɓaŋkaawurɔɔn oolaanik.

Kolasiis 3:12 Iomraidhean Croise

Maatiyoos 24:22

Ɔkɔnkoy ɗoŋ sigɛ kir dinykaŋ, gunkoy kɛɛ iɗit sinɔ bɔdɛk. Yakanakoy dinyatuŋ ɗoŋi sigɛŋ agut joop sigɛɓa daam Waakoyotuk.

Maatiyoos 24:24

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Maatiyoos 24:31

Sɛɛn wosɛykikoy wosɛytanaak gɛɛŋk a ɗooran luuri sinɔ obiiŋɔŋkuk, tolɛrkoy joop sigɛɓa daamɛɛ sɛɛgik gɔɔteerɛɛ sigaagɛ aŋank dari kɛntɛɛ goy omalte nɔ mɛlɛɛɗa kɛntɛya gɔɔta omalta.

Markoos 13:20

Ɔkɔnkoy Waakoyot ki ariiɗ ɗoŋi sigɛ a dinyatuŋ, gunkoy kɛɛ iɗit sinɔ bɔdɛk ara. Yakanakoy dinyatu ɗoŋi sigɛŋ agut joop sigɛɓa daamɛɛ sɛɛgik.

Markoos 13:22

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Markoos 13:27

Wosɛykikoy wosɛytaanak gɛɛŋk, nɛkoy tolɛr joop sigɛɓa daamɛɛ sɛɛg sɛɛnak gɔɔteerɛ sigeege aŋank a tukiɗi kɛntɛɛ ɗookoŋk nɔ mɛlɛɛɗa kɛntɛya dariyoŋk.

Lukaas 1:78

Agut maariyeet a pori Waakoyo naŋkik, tayɛkɔɔtina waawuy bɔdɛɗoŋk dari.

Lukaas 18:7

Joop Waakoyotoŋk sigɛ duriyer sɛɛna kaay a waawuyk ki sɛɛg tɔkɔny? Beeɗ Waakoyot kɛ many?

Roome 1:7

Iinaka sigaaga kɔnu poru Waakoyotuk baŋɛ sigaaga atukari Roomeek, sigaagaɓa kɔnu riyɛɛ kɛnɔ iinak geetitaanakik, in kɔna dakɛ a mɛyin a maariyeet Waakoyotoŋk, a bɔdɛ sooy lak Ɛpɛn eteŋka Waakoyok a Suumi Yeese Kereseek.

Roome 13:14

Mayakana, in kadɛɛ Suumi Yeese Keresee, ma kat koɓiikari taara kɛnɔ dusanɛɛ ɗɛyan nɛɛk.

Roome 9:11

A inɓa kɛɛ ɓartɛɛt olakaanak gɛɛŋk ɛ inɓa kir ariɗ any sinɔ mentanŋɔŋk maŋk ŋɛɛwɛnŋɔŋk kɛnɔ yaaŋɛ koɓi Waakoyotoŋk daaman,

Omoŋ Korontoosuk 13:4

Mɛyin lak ɓaŋkaawurɔn oolanik, mentan, ki epɛɛrɛ any etoŋk, ki meriiɗ ɛɛk, ki ɓɔŋgɔɔrɛɛt ɛɛk,

Pɛɛyeen Korontoosuk 6:6

a mentankaat ɛɛkoŋk, a ɗegerɔɔn ɛɛkoŋk, a ɓaŋkaawurɔɔn oolaanik, a mentankaat, a Wɛɛŋakɛ sigɔɔgɛ Geetitaanakik, a mɛyin sinɔɔnɛ eekerkank,

Gɛlatiyaa 5:6

Ɔkɔn ijaagɗikari a Yeese Keresee agut omoŋ, kɛygun yayawiikaayɛɛŋ kɛygun kiikaayɛ yayawiitiŋ ki kɔnyɗiit. Ma kɔnyɗi ŋaadiyɛ sigɛ yaaŋɛɛ mɛyink.

Epesoon 1:4

Daamɓa tin Waakoyot Keresee a inɓa kɛɛ riiɓɛɛ ɗoo kɛnɔ eteŋk geetitaanak a tin kɛɛ laaganyɛ taamɛkɛ gɛɛnɛk.

Epesoon 4:2

In rikitɛɛ ɛɛk ɗooka, a beeɗɛɛ mentankaat. A ɓaŋkaawurari oolaan ɛkanɛɛkɛ goŋk ɓɛɛnyɔwɛ gɛɛŋk baŋɛ in beeɗɛɛ oolaan mɛyinoŋk.

Epesoon 4:24

In kadɛɛ ɛɛk sinɔ tɔɔnuk sinɛɓa riiɓɛɛ kɛnɔ gayii a Waakoyok kɛ ɗɔm, a mentanka taamɛkɛ Waakoyotoŋk sinɔ eekeerik a geetit ɛɛkoŋk.

Epesoon 4:32

Ma in dakɛɛ ɛkanɛɛkɛ goŋk a mentankɛɛ a kɔna sanɗi joop, nɛ in ŋɔŋɔɗiirɛɛ ɛkanɛɛkɛ goŋk oko sinɛɓa kɔne ŋɔɗiitarkiɗ Waakoyot Kereseek.

Pilipisiyoos 1:8

Sinɛ kɔna lakiɗa ŋɔɗɔk iinak baŋɛ mɛyin Yeese Kereseek ɗegeera Waakoyo.

Kolasiis 3:10

kadiirkɔ ɓɛɛl ɛɛk sinɔ tɔɔnuk sinɛ arɛɛ a tɔɔn ɓɛɛnyɔwɛ gɛɛŋk baŋɛ ɗegerɔɔnuk a gayi a Waakoyok sinɛɓa riiɓiik.

Omoŋ Tɛsɛlonkeek 5:15

In iɗit koorɛ ɛɛk nɛɛk kɛnɔ kat lakɛ iɗit sinɔ jumur any sinɔ ŋɛɛwɛnŋɔŋk ant sinɔɔnɛ ŋɛɛwɛnŋɔŋk. Iinakɛ ɛkanɛ goŋk in iɗi ɓaŋkaawur nɔ ijaag any sinɔ mentanŋɔŋk joopa ɔgɔɔka.

Pɛɛyeen Timotiyoosuk 1:9

sinɛɓa tin ebɔdɛ ɛɓa tin riy beeɗita sinɔɔna geetitank kɛnɔ tin ari a joop gɛɛŋk agut ɗɛyan nɛɛk a wookan nɛɛk, ma moko agut any sinɔ mentanŋɔŋk sinɔɓa ijaagii seekik. Gaɓɛɓa tina wookan sini goy Yeese Kereseek emeyikɛ jeemɛ a inɓa kɛɛ riiɓɛɛ ɗoo.

Pɛɛyeen Timotiyoosuk 2:10

Agut sini ɓaŋkaawura ant baŋɛ agut joop sigɛɓa daam sɛɛg Waakoyotuk kɛnɔ laŋir bɔdɛ a eemɛyɔɔn sinɛkoy nɔkoy nɔkoyk sinɔ laŋɛɛ goy Yeese Kereseek.

Tiito 1:1

Ege sini wargatɛ sinɔ wosɛyɛɛrɛɛ seey lak eet Paawuloos sinɛ laaŋoyen Waakoyotoŋk ɛ wosɛytan Yeese Kereseek. Wosɛykɛɛɓati kɛnɔ kɔnya joop sigɛɓa daam Waakoyot ŋaadiyɛɛkɛ, ɛ ara sɛɛg kɛnɔ ɗegerar eekeer ŋaadiyɛɛkoŋkuk.

Omoŋ Petrosuk 1:2

Daamɓa kɔnu Baabɛ Waakoyot jeemɛ koɓiiɗ nɛɛkɛ sinaanɛɓa gaamuk, iinak sigɛɓa kɔna wasanɛɛ yɛrom Nɛɛk kɛnɔ tiiɗikari Yeese Kereseyaak sigɛɓa kɔnu geetɛɛ Wɛɛŋakɛ sigɔɔgɛ Geetitaanakik kɛnɔ kɔnu ŋaɗɛɛk. In kɔna obulur wookaan a bɔdɛ.

Pɛɛyeen Petrosuk 1:10

Agut sini iinak manyaakak eeta sigɛ dooytaanakik, in ɓaŋkaawurɛɛ a kaalɛ sinɛkan ɔɗɔɔkɛk kɛnɔkɔɔ ɗegerarɗɔ tiriya goŋk a daaman noŋkuk. Ɔkɔnkɔɔ ijaagiir ola sigiŋ kiirkɔɔ ɗiirin adaktan,

Omoŋ Yowanisik 4:19

Nɛ porii Waakoyoŋ, agut sinɔɓa tin poriiɗ sɛŋk jeemɛk.

Pɛɛyeen Yowanisik 1:13

Digoyɛɛtarnɔnu tɔɔmɔk masookoy sinɛ jartik sinɛɓa daamɛɛk.

Dɛnɛɛ Pɛrka Yowanisik 17:14

Kaararkoy sɛɛk a Jiŋkuy nɛɛkiŋ, yakanakoy sɛɛg lɔsɛ Jiŋkuy nɛɛkɛŋ, agut sinɔ sɛɛn Suumi suumiyɛɛkoŋk ɛ sɛɛn Tapaɗ tapaakoŋk, lɔsiɗiikoy a sɛɛn agut omoŋ joop sigɛɓa riyɛ sɛɛg ɛ sɛɛg daamɛɛk ɛ sɛɛg ŋaadɛɛk."