Kolasiis 3:1 - Kuumeet Sinɔ Tɔɔnuk Ad Majaŋeeroŋk

¹ Agut sinɔkan ŋaararkiɗɔ ret walasa a Keresee agut omoŋɔŋk, nɛ in ɗɛyɛɛ a ɓaŋkawuŋ ola sigɛ atu dari rakaayk sinaanɛ beeɗiiɗ Kerese ɗiɗikakɛ Waakoyotoŋkuk.

Kolasiis 3:1 Iomraidhean Croise

Maatiyoos 22:44

" 'Tonuɓa Waakoyot Suumiya naaka kɛ, "Beeɗi ɗiɗikakɛ gaanɛk, nɔ mɛlɛɛɗa nɔkoyna ariiɗa gumaakeer gooŋk ana ɛtɛr korontunɛ derakɛ goonɛ goyse ɗeekik.' "

Maatiyoos 26:64

Nɛɓa Yeese jumurgeeɗ kɛ, ɓɛɛlɛ oko sinɛ toniiɗink. Dɛnɛɛrkoy Tɔɔn Etoŋk a beeɗ ɗiɗikakɛ Waakoyo sinɛ lak ɓaŋkawukaak ɛkoy dɛnɛɛr saakoy mɛlkiɗ dari a ar gumoyk."

Maatiyoos 6:20

Ma in tolɛɛ wori ɛɛka noŋk dari soodi kiiɗi ada kuukut ɛ kiiɗi uutank ɛ kiiɗi oolɛ agalt nɔ ŋuule gode nɔ agalik.

Maatiyoos 6:33

Iinak in jeemɛ ɗɛyɛ burɛ Waakoyotoŋk a any sinɔ mentan taamɛkɛ Gɛɛnɛkik, ola sigɛ ŋayɗiikik baŋɛ siipiɗikkɔɔ kɔnaŋ.

Markoos 12:36

Tonuɓa Daawit ɓaŋkawukaat Wɛɛŋa sigɔ Geetitaanakik kɛ, 'Tonuɓa Waakoyot Suumiya naaka kɛ, Beeɗi ɗiɗikakɛ gaanɛk, nɔ mɛlɛɛɗa nɔkoyna ariiɗa gumaakeer gooŋk ana ɛtɛr korontunɛ derakɛ goonɛ goyse ɗeekik.'

Markoos 14:62

Nɛɓa Yeese jumurgeeɗ kɛ, "Ii, eet Sɛɛn. Dɛnɛɛrkoy Tɔɔn Etoŋk a dokuɗe ɗiɗikakɛ Waakoyo sinɛ lak ɓaŋkawukaak ɛkoy dɛnɛɛr saakoy mɛlkiɗ dari a ar gumoyk."

Markoos 16:19

Saaɓa Suumi Yeese toniiɗ sɛɛga sinik baŋiya, nɛɓa ŋaar rakaaya nɛ kɛɛ dokuɗe ɗiɗikakɛ Waakoyotoŋk.

Lukaas 12:33

Any sinɛ latukarik in ɓalɗiiɗɛɛ nɔ gaɓɛɛ sankaanaka. In tolɛɛ wori sinɔkoy ki pediik soodi kiigeeɗ mɛlɛ agaltik soodi kiiɗ ada kuukut dari kosɛ sinɔɔnɛkoy kiiki bɔlɔŋurɔnk.

Lukaas 20:42

Agut sinɔ Daawit ɔɗɔwa nɛɛka tonuɓa Iiliyakɛ gɛɛnɛk kɛ, 'Tonuɓa Waakoyot Suumiya naaka kɛ, Beeɗi ɗiɗikakɛ gaanɛk

Lukaas 22:69

Mayakana a tukiɗi sisɔ, Tɔɔn Etoŋk beeɗkɔɔ ɗiɗikakɛ Waakoyotoŋk nyon sinaanɛ lak ɓaŋkawukaak."

Ijaag Wosɛytaanakoŋk 2:34

Sisɔ kiɓa sɛŋk Daawit ŋaarin dariya. Tonuɓa sɛŋk ɔɗɔwa nɛɛka kɛ,

Ijaag Wosɛytaanakoŋk 7:55

Yakanaɓa sɛŋk Istipaanoos enyɛɛri Wɛɛŋa sigɔ Geetitaanakik, nɛɓa mermena dariya nɛ dɛnɛɛr eemɛyɔn Waakoyotoŋk, ɛɓa dɛnɛɛr Yeesee a ɛtɛtɛr Waakoyote ɗiɗikakɛ.

Roome 8:34

Wooɗ sinɛ goop sɛɛgik? Rɛrɓa sɛŋk Yeese Keresee nɛɓa ŋaarki ret bɔdɛɗaak, nɛ beeber ɗiɗikɛ Waakoyotoŋk, sinɛ kalɛyiɗi agut eteŋkik.

Roome 8:6

Ege riiɓ ɓayaayoŋk ant taaroŋk rer, ma ege riiɓ ɓayaayoŋk ant Wɛɛŋakoŋk wɛɛŋa a bɔdɛ.

Pɛɛyeen Korontoosuk 4:18

Mermenii seek any sinɛ kɛɛ taantaak. Agut any sinɔ any sinɛ dɛnɛɛk ɔɔtɛya sinɔɔna balaaŋɔŋk, ma sinɛ kɛ taantaak ɓɛɛlɛkoy nɔkoy nɔkoy.

Epesoon 4:10

Sinɛɓa kus ɗookase raŋanaak saana ar ɗook takik, ege sini sɛɛn sinɛ laŋɛɛ nyon baŋɛk sinɛɓa ŋaark dari olaatɛ baŋɛk kɛnɔ enyɛr ola baŋɛk.

Epesoon 5:22

Iinak jartiyatɔk, in tiiɗikɛɛ babuyka goŋk oko sinɛ tiiɗiɗɔ Suumiya Yeeseyaak,

Kolasiis 2:20

Rɛrarikan a Keresee agut omoŋ, nɛkan kɔnu pakatiki barɛɗakɛ ɗoo sinik. Anɛ ɓalɗiikari sekiyɛɛka sigeega agut jikon?

Kolasiis 3:2

Nɛ in koɓiikɛɛ agut ola sigɛ atu darik, ma kat koɓiikɛɛ agut ola sigɛ atu ɗookuk.

Ibirawiyaan 1:13

Kɛɛ wosɛytaanakɛ Waakoyotoŋk ara sinɔɓa tongeeɗ Waakoyot kɛ, "Beeɗi ɗiɗikakɛ gaanɛk nɔkoyna ariɗa gumaakeer gooŋk a atu ɓaŋkawukaat nookɛ goyse ɗeekik."

Ibirawiyaan 1:3

Dakɛɓa Sɛŋk a rɔmɛ ɓɛɛlɛt Waakoyotoŋk sinɔ daktank a nyaalan eemɛyɔn nɛɛkik agut omoŋ. Aɓa titike any baŋɛ a gaamu Pɛɛnii nɛɛkɛ sinɔɔnɛ lak ɓaŋkawukaak. Nɛ saaɓa aadiiɗ tikiyɛ joopoŋk baŋiyak, nɛɓa dokuɗe dari ɗiɗikakɛ Waakoyo sinɛ lak ɓaŋkawukaak.

Ibirawiyaan 10:12

Yakanaɓa Kerese wideer uduŋeet sinɔ omoŋɔŋk agut tikiyɛ, nɛɓa dokuɗe ɗiɗikakɛ Waakoyotoŋk,

Ibirawiyaan 12:2

Koy mermenii Yeesee sinɛ tuktan ɛ pedtan ŋaadiyɛ gaŋkik, sinɛɓa ɓaŋkaawur oolaan laalawutant raŋk agut yaaka sinɛ arkun sɛɛne ɔɗɔɔkɛk, ɛɓa ki ikomiit daraayɛ rer laalawutant nɛɛkɛ raŋk, nɛɓa dokuɗe barsum Waakoyotoŋk goysa ɗiɗikik.

Ibirawiyaan 8:1

Ege sini toniik Pɛɛni obiika nɛɛk. Lakii ɔɗɔwen tapa ŋaadiyɛɛkoŋk sinɔ ɛtɛ oko sinikik sinɔɓa dokuɗe ɗiɗikakɛ Waakoyo sinɛ Obiik.

Omoŋ Petrosuk 3:22

Ŋaarɓa Sɛŋk dariya nɛ sisɔ ar ɗiɗikɛ Ɛpɛnaak ɓalɗigeeɗ wosɛytaana a ola sigɛ latu ɓaŋkawukaak a ɓaŋkawukaatak baŋɛ.