Kolasiis 2:8 - Kuumeet Sinɔ Tɔɔnuk Ad Majaŋeeroŋk

⁸ In koorɛɛ ɛɛk kɛnɔ kɔnu kat ari iɗit omaay a babadariŋ ɗegerɔɔn nyonoŋk a raamiyɛɛkɛ kanysɛyaak. Ege sini rɔɔriyɔn sinɔkan kus barɛɗ etoŋk a ɗookoŋk, ma mokokan kus sooy lak Kereseek.

Kolasiis 2:8 Iomraidhean Croise

Maatiyoos 10:17

In koorɛɛ ɛɛk, agut sinɔ gaɓɛrkoy kɔnu joop pirdiya godeya pirdiyoŋk ɛkoy kɔnu ɗiŋer sinɔɔnɛ godeyi gɛŋk tolɛɛɗoŋk Ayuuduk.

Maatiyoos 16:6

Nɛɓa sɛɛga Yeese tonu kɛ, "In koɓɛɛ, in koorɛɛ ɛɛk irsook joop Paarisik a Saaduukuk."

Maatiyoos 7:15

"In koorɛɛ ɛɛk joope pɛrkaakoŋk sigɔɔgɛ nyonkaanakik. Mɛlɛrki sɛɛk iinaka a gayi ɛɛkan gɛŋk a jiŋkuyɛ, ma takana gɛŋk ito tuwookak sigɔ ɗamiiŋɔŋk.

Ijaag Wosɛytaanakoŋk 17:18

Nɛɓa kurak joop sigɔ ɗegerar ɛɛkik sigɔ riyɛ sɛɛg kɛ Epikorosos a Istoykosuk son lak sɛɛnik nɛ palamɗiiŋ, tonurɓa a omoŋ omoŋ kɛ, "Iɗit sini wokɛ oko sinikik ɗɛyɛ a ɓɛɛlɛ ɛk?" Ma ɔgɔɔk tonur kɛ, "Gayi a yaaŋɛ jookak sigɔ tɔɔmɔkuk." Tonurɓa oko sinik agut sinɔɓa Paawuloos rɔɔriyaaɗ Pɛɛni sinɔ Ɓɛlkɛɛstank Yeeseek, a ŋaarin nɛɛk ret walasak.

Ijaag Wosɛytaanakoŋk 17:32

Saaɓa tiyɛrɗi pɛɛni sinɛ kɛ, "Ŋaarin ret walsak," nɛɓa a omoŋ omoŋ daraayɛrŋ, maɓa ɔgɔɔk tonur kɛ, "Tiyiikɔɔ ɓeny omalte saa tina tonɗiiɗin agut any sinik."

Roome 16:17

Iinak manyaakak eeta sigɛ dooytaanakik, in koorɛɛ ɛɛk joope sigɔɔgɛ ɓooyur rɔɔriyɔn sinɛkan boŋiirik ɛ kone boŋurku pakakat kɔɔruk ɛ kɔna ɗɔkarki rakatɛk, in yowɛɛɗirɛɛ sɛɛge.

Omoŋ Korontoosuk 10:12

Nɛ agut sini kɛygun wooɗ sinɛ gayigeeɗ a ɛtɛtɛrŋɔŋk, in koorɛ ɛɛk kɛnɔ kat ɗiiriɗ.

Omoŋ Korontoosuk 8:9

Mayakana in koorɛɛ ɛɛk kɛnɔ mokɔɔ any sinɛ ijaagiir oolaan noŋkuk dakɛ a gaŋtan joopa sigaaga kir ɓaŋkawuka ŋaadiyɛɛkɛk.

Pɛɛyeen Korontoosuk 10:5

Aalii palamɛ a koɓi etoŋk sinɛ ɓɔŋgɔɔrɛ ɛɛk ɗegerɔɔna Waakoyotoŋk baŋɛ, gaamii kalbiyɛ baŋɛ, nɛ arii sɛɛg kɛnɔ tiiɗi Kereseya.

Gɛlatiyaa 1:14

Kaalakan ŋaadiyɛɛkɛ Ayuuduk tekaaneer gaaŋk sigɛ atu emeyi gɛŋk ɔɔtɛ naakɛɛkik baŋɛ, nɛkan ɗɛya jɛt kɛnɔ noma barɛɛɗ ɔrɛyakoŋk.

Gɛlatiyaa 4:3

Saaɓa ito in eteŋk tɔɔmɔk ŋaadiyɛɛkɛk, nɛɓa eteŋk laaŋoyeer sigɔ ɓalɗigiɗii barɛ ɗoo sinik.

Gɛlatiyaa 4:9

Yakana sisɔ ɗegerari Waakoyoŋ, ɛ kɔnu ɗeger Waakoyot a kaalɛŋ. Anɛ weerikari higiyɛɛka sigeega bɔɔlaaŋɔŋk badɛɛk ɛk? Ɗɛyɛɛr a iinak laaŋoyeer gɛŋk kɛkar ɛk?

Gɛlatiyaa 5:15

Yakana ɔkɔn kakawikari ɛ ɗaɗamari ɛkan goŋkuŋ, nɛ in koorɛɛ ɛɛk a kat babadariɗ.

Epesoon 2:2

Saaɓak beeɗiirɓa badɛɛɗ a tikiyɛɛkɛ a nomɛrɗɔ any sinɔ ŋɛɛwɛnŋɔŋk ɗoo sinik, ɛɓa ɓɔrɛ nomɛrɗɔ ɓaŋkawuka wɛɛŋa sigɔ ŋɛɛwɛŋɔŋkuk sigɔ ɓalɗi walas taamtuk. Sɛɛg wɛɛŋa sigɔ somkaanakik sigɛ ijaagɗi sisɔ joope sigaagɛ kir tiiɗitik.

Epesoon 4:20

Yakana mokokan sɔɔk barɛɛr Keresee oko sinik.

Epesoon 5:6

Kat lakɛ iɗit sinɔ kɔnu raamɛ toniiɗ sinɔɔnɛ ɓɛɛlɛ kanysɛyaak agut ola sigi, agut sinɔkɔɔ mɛlkiɗ goopan Waakoyotoŋk joopa sigaaga kir tiiɗitikiŋ.

Pilipisiyoos 3:2

In koorɛɛ ɛɛk joope sigɔɔgɛ ijaagir any sinɔ ŋɛɛwɛnŋɔŋk, wartunɛ sigaagɛ, a joope sigɔɔgɛ yayawar ɛkank.

Kolasiis 2:18

In koorɛɛ ɛɛk a kat lakɛ iɗit sinɔ kɔnu ari a dakɛɛr kanysɛya a meri ɛɛk koɓiiɗ nɛɛkɛ sinɔɔnɛ ɓɛɛlɛ kanysɛyaak a tonu kɛ laka pɛrkiyɛ a kɔnu ari kɛnɔ rikiteer ɛɛk ɛ ugumeer wosɛytaanakaak.

Kolasiis 2:20

Rɛrarikan a Keresee agut omoŋ, nɛkan kɔnu pakatiki barɛɗakɛ ɗoo sinik. Anɛ ɓalɗiikari sekiyɛɛka sigeega agut jikon?

Kolasiis 2:22

Ege sigi sekiyɛ a rɔɔriyɔn ijaag etoŋkuk, nɛ ijaagɗi ɔɔtɛya sinɔɔna balaaŋɔŋk nɛkɔɔ badɛr sisa.

Kolasiis 2:23

Ola sigi dɛnɛɛ a ito latu ɗegerɔn ɛɛkoŋk agut sinɔ tukerkiɗ ugumeet ɔɔtɛ nɛŋk, a rikiteet ɛɛkoŋk, a laaŋoy ɛɛkoŋk, mayakana kɛɛ sɛɛge tɔkɔny oko sinɛ koɓurɗu koɓi a ɗɛyan taaroŋkuk.

Omoŋ Timotiyoosuk 6:20

Iin Timotiyoos, kooru any sinɛɓana gaɓɛɛ a adaratik. Yowɛɛɗiir palamɛɛ ɗookoŋk kanysɛyaak sinɔɔnɛ gayi a ɗegerɔn ma moko ɗegerɔnk.

Pɛɛyeen Timotiyoosuk 3:13

Mayakana joop sigɔ ŋɛɛwɛŋɔŋk a raamkaanak, ɛ babadar ɛ arir joop a babadar a ɛnyɛnyɛkar a kaalɛŋ, a tutuktar tikiyɛ tikiyɛɛka raŋana.

Ibirawiyaan 13:9

Kat kɔnu weerɛɛ rɔɔriyɔɔnakɛ sigɔɔgɛ pakakataaŋɔŋk sigɔɔgɛɓa kɛɛ barɛɛɗik. Ɛtɛr ɓayɛtun goŋk wookaan, ma moko kooriyɛɛkɛ dambi ɗamatoŋkuk. Kɛɛɓa any sinɔ kɔnyku sini joopa sigaagaɓa koorɛr dambi sinik.

Ibirawiyaan 3:12

Iinak manyaakak eeta, in koorɛɛ ɛɛk kɛnɔ kat lakɛ iɗit sinɔ lak ɓayɛ sinɔ ŋɛɛwɛn ɛ ki ŋaadiɗitik sinɔ arɗi a yowɛrkɛɛ Waakoyote sinaanɛ bɔdɛɛk.

Omoŋ Petrosuk 1:18

Agut sinɔ ɗegerari kɛ ɓalkiɓa kɔnu Waakoyot kɛnɔ ŋaararkɔ yaakata beeɗit sinɔɔnɛ ɓɛɛlɛ kanysɛyaak sinaanɛɓa boŋiir ɓaaɓakakɛk, ma mokoɓa kɔnu ɓalki birii maŋk workee sinɔɔnɛkoy badɛŋɔŋk.

Pɛɛyeen Petrosuk 3:17

Agut sini, iinak sigɛti poriirik, agut sinɔkan ɗegerarkunɗɔ sini jeemɛŋɔŋk, in koorɛɛ ɛɛk kɛnɔ mokɔɔ kɔnu diiler tikiyɛɛk joop sigɔ kir tiiɗitik, kɛnɔ mokɔɔ ɗiirarkɔ saadikan ɛtɛrɗɔ a ɓaŋkawuŋɔŋk.

Pɛɛyeen Yowanisik 1:8

In koorɛɛ ɛɛk kɛnɔ mokoy kɔne badɛ any sinɛɓa ijaagiirik, ɛ kɛnɔkoy laŋiir gati any sinɛɓa ijaagɗigiɗɔɔk.