Kolasiis 2:7 - Kuumeet Sinɔ Tɔɔnuk Ad Majaŋeeroŋk

⁷ in gaɓɛɛ tiltilɛ sɛɛne, ɛ kɛnyɛɛ beeɗit noŋk sɛɛne, in beeɗɛɛ a ɛtɛɛ ŋaadiyɛɛkɛ a ɓaŋkawuŋ oko sinɛɓa kɔnu rɔɔriyɗɛɛk. In wideerɛɛ pɔɔsiyɛ sigɔ ɓɔɔkaaŋɔŋk.

Kolasiis 2:7 Iomraidhean Croise

Lukaas 6:48

Gayi a iɗit sinɔkan kɛny gode talaaɗɛ raŋk a kɔwu a ɓukuurŋɔŋk. gonarki maaw teeteyoŋk nɛ direr maawu gɛɛnɛ gode sinɛ, nɛkan ki oolɛ a ɓeesiɗiiŋ agut sinɔkan kɛnyɗɛ soodi ɓaŋkawuŋɔŋkuk.

Roome 16:25

In dakɛr pɔɔsiyɛɛk Waakoyota sinaana oolɛ a kɔnu ari a ɓaŋkaawurari pɛɛniya sinaana ɓɛlkɛɛstank Yeese Kereseek sinaana waasaak, a dɛnɛɛɗa any sinɔ dugaaŋɔŋk sinaanaɓa yomɗi emeyikɛ sigɔɔgɛ ɓɔɔkaaŋɔŋk.

Omoŋ Korontoosuk 1:8

Koorɛkoy kɔnu sɛŋk a ɓaŋkaawurari mɛlɛɛɗa pediya kɛnɔkoy kɔnu laŋɛɛ a kɔne kɛɛ any sinɔ kɔnu laaganyɗɛɛk, ɓeny saakoy murkuɗ Suumi naŋk Yeese Kerese kɛnɔ kus pɛrɛdɛ joopek.

Omoŋ Korontoosuk 15:58

Iinak manyaakak eeta sigɛ dooytaanakik sigɛ porɛɛk, In ɛtɛɛ a ɓaŋkawuŋ. Kat ɓeesiɗiikari ant omalte. In ɓaŋkaawurɛɛ otoop kɛnɔ ijaagiir ijaag Suumiyoŋk, a kat yawɛɛriɗ a ɗegerari kɛ moko bɔɔlakari ijaaga Suumiyoŋk kanysɛya.

Pɛɛyeen Korontoosuk 1:21

Ege sini Waakoyo sinɛkoy tin ari a ɛtii eteŋk a iinak agut omoŋɔŋk goy Kereseek, ɛɓa tin ɗonyɛk,

Epesoon 3:17

ɛɓɔrɛ ɗanɗamaaka kɛnɔ beeɗ Kerese ɓayɛtunɛɛkɛ goŋk ŋaadiyɛɛkɛ, ɛɓɔrɛ kɛnɔ gaɓɛɛr tiltilɛ ɛ kɛnyari ɛɛk mɛyin,

Epesoon 4:21

Tiyɛɛrɓa agut Sɛɛn eekeerɛ, agut sinɔ iinak gɛɛŋkik, ɛɓa tiyɛɛr sini nɛɓa barɛɛr eekeer sigɛ atu Yeeseekiŋ.

Epesoon 5:20

ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.

Kolasiis 1:23

Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Omoŋ Tɛsɛlonkeek 5:18

in pɔɔsɛɛ Waakoyo ant baŋɛ, agut sinɔ ege sini ɗɛyan Waakoyotoŋk son lak iinak sigɛ joop Yeese Kereseek.

Pɛɛyeen Tɛsɛlonkeek 2:17

in gaananɛ ɓayɛtun goŋk ɛ in kɔnu ari a ɓaŋkaawurariŋ kɛnɔ ariir ɛ toniir any sinɔ mentanŋɔŋk baŋɛ.

Ibirawiyaan 13:15

Nɛ agut sini koy wideerii pɔɔsiyɛ Waakoyota ɓɛɛnyɔwɛ gɛɛŋk baŋɛ oko sinɛ widerkiɗii uduŋeet Waakoyota goy Yeese Kereseek, tonii pɔɔsiyɛ atutunɛkɛ gaŋk sigɛ waasiɗiɗii agut tiriya gɛɛŋkik.

Ibirawiyaan 13:9

Kat kɔnu weerɛɛ rɔɔriyɔɔnakɛ sigɔɔgɛ pakakataaŋɔŋk sigɔɔgɛɓa kɛɛ barɛɛɗik. Ɛtɛr ɓayɛtun goŋk wookaan, ma moko kooriyɛɛkɛ dambi ɗamatoŋkuk. Kɛɛɓa any sinɔ kɔnyku sini joopa sigaagaɓa koorɛr dambi sinik.

Omoŋ Petrosuk 5:10

Ɔkɔn boŋiir rakatɛ ɔɔtɛya sinɔɔna balaaŋɔŋk, Waakoyo sinɛ ɗumaat tigiyak baŋɛk sinɛɓa kɔnu riy eemɛyɔɔna sinaanakoy nɔkoy nɔkoyk goy Kereseek, gaɓɛkɔɔ kɔna any sinɛ ɗɛyɛɛrkiŋ, Sɛɛn titikekɔɔ kɔnuŋ, arikɔɔ kɔnu a ɓaŋkaawurariŋ, arikɔɔ kɔnu a ɛtɛɛriŋ.

Yuuda 1:12

Saa joop sigi wideetarkiɗ ɛɛk son lak wɔɔr noŋk mɛyinoŋk a sɛɛge kɛɛ keeny ma ijaagir any sinɔ keerɛɛŋɔŋk nɛ kɔna dakɛr a gaŋtaanak, wɔɔrɛr sɛɛk ɛkan gɛŋk dakɛɗa ɗamat a ito sɛɛg irtaanak. Ito sɛɛg tiiman sinɔ kiiɗɛ tulk sinɔ diile yoŋgoyk, a kɛɛn sigɔ kɛɛ sɛɛge laŋiiɗ taamɛ ɔɔtɛ sineene aaɗorarɗi kɛɛnk, ito sɛɛg kɛɛn sigɔɓa montɛɛ sɛɛg tiltilɛɛkɛ gɛŋk nɛɓa paalorar maatokuk ɛɓa rɛrar agut pɛɛyk.

Yuuda 1:20

Yakana iinak sigɛ kɔnu poraak, in ɓaŋkaawurɛɛ olaatɛ baŋɛ nɔ kɛnyɛɛ ɛkan goŋk ŋaadiyɛɛkɛ goŋk sigaagɛɓa geetɛɛk. In ɗanɗamaakɛɛ ɓaŋkawukaat Wɛɛŋa sigɔ Geetitaanakik.

Yuuda 1:24

In dakɛ eemɛyɔɔn Waakoyota sinaana oolɛ a kɔnu ari kɛnɔ kat ɗiirarik, ɛ kɔnu wideer yaakat sinɔɔnɛ obiiŋɔŋk taamɛka gɛɛnaak sigaaga eemɛyɛɛk a kɔne kɛɛ keenyk.