Kolasiis 2:6 - Kuumeet Sinɔ Tɔɔnuk Ad Majaŋeeroŋk

⁶ Oko sinɛkan dooyɛrɗɔ Suumiya noŋk Yeese Kereseyaak, nɛ in beeɗɛɛ a sɛɛn agut omoŋ,

Kolasiis 2:6 Iomraidhean Croise

Maatiyoos 10:40

"Iɗit sinɔ boŋu kɔnu yaakatik boŋu eet. Iɗit sinɔ boŋu eet yaakatik boŋu Baabɛɛ sinɛkanti wosɛykik.

Yowanis 13:20

Eekeer tona kɔnaaŋ, iɗit sinɔ boŋu iɗit sinɛ wosɛyakik boŋu eet. Iɗit sinɔ ɓɔrɛ boŋu eetik, boŋu Waakoyo sinɛkanti wosɛykik.

Yowanis 14:6

Nɛɓa Yeese jumurgeeɗ kɛ, "Eet gopan, a eekeer, a wɛɛŋa. Kɛɛ iɗit sinɔkoy mɛlɛ son lak Baabɛɛk eete sɔgɔɔsɔyk.

Omoŋ Korontoosuk 1:30

Yakanaɓa kɔnu ari Waakoyot kɛnɔ latukari omaayikeen a Yeese Keresee. Agut sini ariɓa Waakoyot Yeese Keresee a ɗegerɔn naŋk, a mentanka naŋk, a geetiit naŋk, a koyi guma naŋkik.

Pɛɛyeen Korontoosuk 5:7

Agut sinɔ beeɗii seek a ŋaadii Suumi, ma moko dɛnii Sɛɛniŋ.

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Gɛlatiyaa 3:26

Eteŋk tɔɔmɔk Waakoyotoŋk baŋɛ agut sinɔ ŋaadiɗii Yeese Kereseek.

Epesoon 4:1

Sisɔ, eet sinɛ korkortan agut Suumik, kalɛya kɔnu kɛnɔ beeɗiir oko sinɛ ɗɛyɛɛɗ Waakoyo sinɛkan kɔnu riyk.

Pilipisiyoos 1:27

Kɛygun ɓɛlkɛ ɛkiŋ, in beeɗɛɛ oko sinɛ ɗɛyɛɛɗ Pɛɛni sinɔ Ɓɛlkɛɛstank Kereseek. Kɛygun kɔrurkaaya nɔkɔnu kɛɛɗa dɛnaaŋ. Kɛygun kɔne yowɛrkaayaŋ, nɛ tiya agut iinak kɛ ɛtɛɛrnɔ agut omoŋ, nɛnɔɔ ariir ɗɔŋkɔɔlɛ wɛɛŋakɛ agut Pɛɛni sinɔ Bɛlkɛɛstank.

Kolasiis 1:10

ɛ ɗanɗamaakii kɛnɔ beeɗiir oko sinɛ ɗɛyɛɛɗ Waakoyotuk nɔ ariir Suumi a yaageeɗ olaatɛ baŋɛ, kɛnɔ kɔne laŋɛɛ taamɛ ijaag any sinɔ mentanŋɔŋk a ɓɔlɔɔrɛɛr a ɗegerari Waakoyo.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Omoŋ Tɛsɛlonkeek 4:1

Pediya nɛɛka iinak manyaakak eeta, kalɛyii kɔnu tiriyaakɛ Suumi Yeeseek, kɛnɔ beeɗiir beeɗiit sinɔ yaa Waakoyotak oko sinɛkan kɔnu rɔɔriyɗiik. Beeɗiir oko sinɛk rɔɔriyii kɔnu kɛnɔ ijaagiir a kaalɛ sinɛkan ijaagiir jeemɛk.

Ibirawiyaan 3:14

Eteŋk koy kaastaanak Kereseek, ɔkɔn gaamii a ɓaŋkawuŋ ŋaadiyɛ sigɛɓa lakii tuki mɛlɛɛɗa pediyaakiŋ.

Omoŋ Yowanisik 2:6

Iɗit sinɔ tonu kɛ beeɗaa Waakoyotek ɗɛygeeɗ a beeɗ oko sinɛɓa beeɗiɗ Kereseek.

Omoŋ Yowanisik 5:20

Ɛɓɔre ɗegerii kɛ kusɓa Tɔn Waakoyotoŋk nɛ tina gaɓɛ ɓayɛ sinɔ koɓiiŋɔŋk kɛnɔ beeɗii Yeese Keresee sineene eekerkank. Sisɔ arkii Waakoyote, agut sinɔ arkiɗ Toomoy nɛɛkɛ Yeese Keresee. Sɛɛn Waakoyo sinɔ eekerkank, ɛ sɛɛn Wɛɛŋa sigɛkoy nɔkoy nɔkoyk.

Yuuda 1:3

Iinak sigɛ kɔnu poraak, ɗɛykaayakan jɛt a gun kɔna taapiɗiira agut bɔdɛ sinɛɓa tina ijaagɛɛk sinɛkoy kaasii agut omoŋɔŋk. Yakana direta sinɔ kɔna taapiɗirkiɗa kɛnɔ kɔnu rɔɔriya nɔ ariir ɗɔŋkɔɔlɛ agut ŋaadiyɛ sigɛɓa gaɓɛ Waakoyot a adarat ŋaadtaanaka agut omoŋ a pedtank.