Kolasiis 2:2 - Kuumeet Sinɔ Tɔɔnuk Ad Majaŋeeroŋk

² Ara ɗɔŋkɔɔlɛ kɛnɔ ɓaŋkaawurar ɓayɛtun gɛŋk kɛnɔ sɛɛg omoŋ mɛyin ɛ kɛnɔ latu koɓi sinɔ daktank baŋɛ sinɔ ŋaaŋayikŋɔŋk, kɛnɔ degerar Keresee sinɛ dugtan Waakoyotoŋk.

Kolasiis 2:2 Iomraidhean Croise

Maatiyoos 11:25

Saaɓak tonuɓa Yeese kɛ "Iin Baabɛɛ sinɛ Suumi dariyoŋk a ɗookoŋkuk, pɔɔsaniŋ agut sinɔkɔ dugeeɗin any sini joope sigɔɔgɛ ɗegerar ɛɛkik, makɔ yaaŋin tɔɔmɔkaak.

Maatiyoos 11:27

"Gaɓɛɓata Baabɛ any baŋɛ, kɛɛ iɗit sinɔ ɗeger Tɔɔn nɛɛkik ɗegeera Ɛpɛn dakɛɗa, kɛɛ iɗit sinɔ ɗeger Ɛpɛnik ɗegeera Tɔɔn nɛɛk dakɛɗa a iɗit sinɔ ɗɛyɛ Tɔn nɛɛkɛ a yaaŋgeeɗŋɔŋk.

Maatiyoos 13:11

Nɛɓa Yeese jumur sɛɛga kɛ, "Gaɓɛɛɓa iinaka ɗegerɔn any sinɔ dugaaŋɔŋk burɛ dariyoŋkuŋ. Mayakanaɓa sɛŋk sɛɛga kɛɛ gaamit.

Lukaas 1:1

Iin Tewopiloos sinɛ eemɛyɛɛk, Taapɛrɓa joop aɓɔɔkaaŋ Waasiyɛ sigɔ yaaŋɛr ola sigɛɓa ijaagɛɛ sɛɛg eteŋkɛ kɔɔruk.

Yowanis 10:30

Eet a Baabɛɛ eteŋk omoŋ."

Yowanis 10:38

Ma ɔkɔn ijaaga ijaag Baabɛɛkiŋ, nɛ kɛygun aasi kiir ŋaadit eetiŋ ma in ŋaadɛɛ ijaag naak. Ɗegerarikɔɔ ant sineene kɛ ɗɔm kɛ Baabɛɛ a eet maɓɔrɛ eet a Baabɛɛ.

Yowanis 16:15

Any Baabɛɛkik baŋɛ nɛ naak. Nɔkɔ kɔna toniiɗa kɛ, 'Boŋu any sinɔ naak nɛ tonu iinakaak,' agut sini."

Yowanis 17:3

Wɛɛŋa sigɛkoy nɔkoy nɔkoyk ɗegerɔn nook iin sinɛ Suumi sinɛ omoŋɔŋk sinɛ eekerkank, a Yeesee Keresee sinɛkan wosɛykin ɗookak.

Yowanis 5:17

Yakanaɓa Yeese tonu sɛɛga kɛ, "Ijaagɗi Baabɛ ɓɛɛnyɔwɛ gɛɛŋk baŋɛ, maɓɔra ijaagɗikaaŋ."

Yowanis 5:23

kɛnɔ joop baŋɛ eemɛyar Ɛpɛn ɛ kɛnɔ ɓɔrɛ eemɛyar Tɔɔn nɛɛk. Iɗit sinɔ ki eemɛyɔɔn Tɔɔn nɛɛkik ki eemɛyɔɔn Ɛpɛn sinɛkan wosɛyki Tɔɔn nɛɛkik.

Yowanis 6:69

Ŋaadii seekiŋ, ɗegerii kɛ iin Tɔɔn Waakoyotoŋk sinɔ Geetitank."

Ijaag Wosɛytaanakoŋk 4:32

Ŋaadtaanak baŋɛ latuɓa ɓayɛ a omoŋ a koɓi omoŋ. Kɛɛɓa iɗit sinɔ tonu kɛ, "Ege sini any naakik." Any baŋɛ sɛɛge kɔɔr nɛŋkɓa sɛɛg baŋɛ.

Roome 15:13

In Waakoyo, sinɛ tuny ŋaadiyɛ sigɛ kookorɛɛk, enyɛr kɔnu yaakata bɔdɛɛɗoŋk agut sinɔ ŋaadiɗiiɗɔɔŋɔŋk, kɛnɔkɔɔ ŋaadiyɛ goŋk sigɛ kookorɛɛk kaar a ɓɔlɔɔrɛr ɓaŋkawukaat Wɛɛŋa sigɔ Geetitaanakik.

Roome 16:25

In dakɛr pɔɔsiyɛɛk Waakoyota sinaana oolɛ a kɔnu ari a ɓaŋkaawurari pɛɛniya sinaana ɓɛlkɛɛstank Yeese Kereseek sinaana waasaak, a dɛnɛɛɗa any sinɔ dugaaŋɔŋk sinaanaɓa yomɗi emeyikɛ sigɔɔgɛ ɓɔɔkaaŋɔŋk.

Roome 2:4

Maŋk daraayin mentanka nɛɛk, a ɓaŋkaawurɔɔn nɛɛkɛ jɛtik oolaanik? Kin ɗegerɔɔn kɛ gakiɓana Waakoyot mentanka nɛɛk a obiiŋ kɛnɔnu diile anta sinɔɔna weerikiɗin tikiyɛɛkɛ Waakoyotak?

Omoŋ Korontoosuk 14:31

Oolɛɛr a toniir wosɛ Waakoyotoŋk iinak baŋɛ momogunɛɛkɛ kɛnɔ joop baŋɛ barɛr ɛɛk ɛ gaananɛr ɛɛk.

Omoŋ Korontoosuk 2:12

Kiikan boŋiiɗ wɛɛŋa ɗoo sinik, makan tina gaɓɛ Waakoyot Wɛɛŋa sigɔ Geetitaanakik kɛnɔ oolɛɛɗii a ɗegerii any baŋɛ.

Gɛlatiyaa 3:28

Iinak omoŋ baŋɛ Yeese Keresee. Kɛɛ pakakat joope Ayuuduk a joope sigɔɔgɛ moko Ayuuduk, a laaŋoyente a ete sinɔɔnɛ ar yaakaatik, a mooje a peete.

Epesoon 1:7

Laŋiiɓa tɔŋɔɗ tikiyɛ gaŋkik ɓaliiɗ yɛrom tɔɔn nɛɛk sinɛ poruk oko obiika wookan nɛɛkik.

Epesoon 3:16

Ɗanɗamaaka kɛnɔ kɔna gaɓɛ Waakoyot obiika eemɛyɔn nɛɛkik goy Wɛɛŋa gɛɛŋkik a gaɓɛ ɓaŋkawuka sinɔ ari takanak goŋk a ɓaŋkaawurarŋɔŋk,

Epesoon 3:3

Yaaŋɛkanta Waakoyot any sinɔ dugaaŋɔŋk oko sinɛɓa kɔna taapɛrkiɗa jeemɛ a dinyŋɔŋk.

Epesoon 6:22

Wosɛyɛɛrakan sɛɛn son lak iinakik agut any sini, kɛnɔ ɗegerari kɛ ɓɛɛlii ɛk, ɛ kɛnɔ kɔnu ar a ɓaŋkaawurariŋ.

Pilipisiyoos 2:1

Ɔkɔn latukari ɓaŋkaawurɔn Kereseeŋ, ɔkɔnɓɔrɛ gannanikari mɛyin nɛɛkɛŋ, ɛ ɔkɔnɓɔrɛ latukari omaayikeen a Wɛɛŋa sigɔ Geetitaanak agut omoŋ, ɛ ɔkɔnɓɔrɛ yaaŋɛɛr mentanka a sinɔ kɔna sanɗiiɗɛŋɔŋk ɛkanɛɛkɛ goŋkuŋ,

Pilipisiyoos 3:8

Sineene raŋk, ŋaada kɛ kɛɛ any sinɔ kaalɛ sinɛ ɗegerɗa Suumi naak Yeese Keresee, nɛ ikoma ola baŋɛ a bitak. Sanakan ola baŋɛ agut Sɛɛn. Ikoma ola baŋɛ a ito diirɛ sinɔ gaalirɛɛ godeeyk kɛnɔ laŋa Keresee.

Kolasiis 1:26

Ege sini dugtan sinɔɓa dugiɗi joope baŋɛ emeyika sigɔɔga ɓɔɔkaaŋɔŋk, mayakana sisɔ yaaŋɛ ɛɛk joopa sigaaga geetitaanak Waakoyotak.

Kolasiis 1:27

Yaaɓa Waakoyota kɛnɔ yaaŋɛ joopa gɛɛna dugtan sinɔ obiiŋɔŋk eemɛyɔnk kɛ obi a ɛtɛ ɛk joope sigɔɔgɛ moko Ayuuduk kɔɔr. Ege dugtan sini lak eemɛyɔn sinɔ obiiŋɔŋk sinɔ kɛ ar Keresee iinakɛ takik, nɛkoy kaasɛɛr eemɛyɔn Waakoyotoŋk.

Kolasiis 1:9

Kiiɓa yawɛɛɗ ɗanɗamɔn a kalɛy Waakoyotoŋk agut iinak kɛnɔ ɗegerari adaktan ɗɛyan Waakoyotoŋk ɗegerɔɔn sinɔɔnɛ kɔna gaɓɛr Wɛɛŋa sigɔ Geetitaanakik,

Kolasiis 2:19

Iɗit sinɔ ito sinik kiiɗɛ lalaŋ a Keresee sinɛ ɔɗɔ ɛɛkoŋkuk. Aawoy Waakoyot omaayikeen ŋaadtaanakoŋk oko ɗɛyan nɛɛk Keresee, oko sini tootokiiɗ nyonitaak ɛɛkoŋk baŋɛ meelatɛɛkɛ agut omoŋ nɔ ɓɔlɔɔrɛrɗik.

Kolasiis 3:14

Sigeege baŋɛ, in kadɛɛ mɛyin sinɔ tuse ola baŋɛ sinɔ laŋiiɗɛɛ omaayikeenik.

Kolasiis 4:3

In ɓɔrɛ tina ɗanɗamaakɛɛ kɛnɔkɔɔ tina Waakoyot tayɛ tuga Pɛɛni sinɔ Ɓɛlkɛɛstank, ɛ kɛnɔkɔɔ oolii waasiyɛ any sinɔ dugaaŋɔŋk. Arka sisɔ korkoɗɔɔn agut sini.

Kolasiis 4:8

Wosɛyɛɛrakan sɛɛn son lak iinakik kɛnɔ kɔna kɛɛ tonu ɔɔtɛ naŋk ɛ gaanani ɓayɛtun goŋk.

Omoŋ Tɛsɛlonkeek 1:5

Saakan kɔna waasɛɛɗii Pɛɛni sinɔ Ɓɛlkɛɛstank mokokan pɛɛni dakɛɗa, makan ɓaŋkawukaat a Wɛɛŋakɛ sigɔɔgɛ Geetitaanakik, ɛɓɔrɛ dakɛɛr a eekerkaanak agut Pɛɛni sinɔ Ɓɛlkɛɛstank. Ɛɓɔrɛ ɗegerari kɛ saakan arkiɗii saay lak iinakik kɛ beeɗiikan ɛk agut iinakiŋ.

Omoŋ Tɛsɛlonkeek 3:2

Nɛkan wosɛyɛɛrii kɔna manya eteŋka Timotiyoos sinɛ ijaagen Waakoyotoŋk a eteŋk agut omoŋɔŋk nɛ waasɛ Pɛɛni sinɔ Ɓɛlkɛɛstank. Nɛ kɔnu rɔɔriy nɔ ɛtɛɛr nɔ ɓaŋkaawurari ŋaadiyɛɛkɛ.

Omoŋ Tɛsɛlonkeek 5:14

Iinak manyaakak eeta, rɔɔrɔkaakii kɔna kɛnɔ koykoyɛɛ dɔɔtɛɛ, ɛ arɛɛ ɓɔɔjak a ɓaŋkaawurarŋ. In kɔnyɛɛ joop sigɛ bɔɔlaak. In ɓaŋkaawurɛɛ olaan joopa baŋɛ.

Omoŋ Timotiyoosuk 3:16

Ege sini obiiŋɔŋk dugtan ŋaadiyɛ gaŋkik sinɛ kiigiɗɛ koɓiiɗak a pɛɛyk. Yaaŋɛɓa Sɛŋk ɛɛk a sɛɛn iɗit, ɗegerɛɛɓa eekeer gɛɛŋk kɛ mentan taamɛkɛ Waakoyotoŋk Wɛɛŋakɛ, ɛɓa yaaŋɛ ɛɛk wosɛytaanaka Waakoyotoŋk, ɛɓa waasɛɛ joopa baŋɛ, ɛɓa ŋaadiɗiiɗ joop ɗookoŋk baŋɛ, ɛɓa ŋaar eemɛyɔɔn dariya.

Ibirawiyaan 10:22

Koy wideerii ɛɛk Waakoyota ɓayɛ baŋɛ, a ŋaadiyɛɛkɛ sigɔɔgɛ enyaaŋɔŋk, a tina wasanɗiikɛɛ ɓayɛtunɛɛka, ɛ aadii ɛɛk naŋk maawɛ sigɔɔgɛ mentaanaŋɔŋk kɛnɔ arii kalbiyɛ gaŋk a mentaanaŋ olaatɛ sigɔɔgɛ ŋɛɛwɛɛŋɔŋk.

Ibirawiyaan 6:11

Ɗɛyii a yaaŋɛɛr pediya ɓaŋkaawurɔn sinɔ ito sinik iinak a omoŋ omoŋ kɛnɔkoy laŋirɗɔ ŋaadiyɛ sigɛ kookorarik sigɛɓa gaɓɛɛk.

Pɛɛyeen Petrosuk 1:10

Agut sini iinak manyaakak eeta sigɛ dooytaanakik, in ɓaŋkaawurɛɛ a kaalɛ sinɛkan ɔɗɔɔkɛk kɛnɔkɔɔ ɗegerarɗɔ tiriya goŋk a daaman noŋkuk. Ɔkɔnkɔɔ ijaagiir ola sigiŋ kiirkɔɔ ɗiirin adaktan,

Pɛɛyeen Petrosuk 1:3

Gaɓɛɓa tina ola sigɛ ɗɛyɛ wɛɛŋakak kɛnɔ beeɗii a yaa Waakoyota, ɓaŋkawukaat Waakoyotikeen nɛɛkik, agut sinɔ ɗegerɗii sɛɛnik. Nɛ tin riy eemɛyɔɔn nɛɛkɛk a mentankaat nɛɛkɛk.

Pɛɛyeen Petrosuk 3:18

Mayakana in ɓɔlɔɔrɛɛ wookaan a ɗegerɔɔn Suumi naŋkik ɛ Ebɔdtan naŋk Yeese Kereseek. In dakɛ eemɛyɔɔn sɛɛna kɛygun sisɔ kɛygun nɔkoy nɔkoyk. Ameen.

Omoŋ Yowanisik 3:19

Nɛ ɗegerii sineene kɛ eteŋk tekaaneer eekeeroŋk, nɛ oolii a wideerii ɛɛk taamɛka Waakoyotoŋk a tine kɛɛ tuɓur.

Omoŋ Yowanisik 5:7

Lak ola sigɔ waasɛr sɛɛnŋɔŋk a jiit,