Kolasiis 2:19 - Kuumeet Sinɔ Tɔɔnuk Ad Majaŋeeroŋk

¹⁹ Iɗit sinɔ ito sinik kiiɗɛ lalaŋ a Keresee sinɛ ɔɗɔ ɛɛkoŋkuk. Aawoy Waakoyot omaayikeen ŋaadtaanakoŋk oko ɗɛyan nɛɛk Keresee, oko sini tootokiiɗ nyonitaak ɛɛkoŋk baŋɛ meelatɛɛkɛ agut omoŋ nɔ ɓɔlɔɔrɛrɗik.

Kolasiis 2:19 Iomraidhean Croise

Lukaas 5:38

Yakana ɗɛyɛ a gaɓɛɛ ogool wɛynik sigɔ tɔɔmɔkuk kaŋkaloota sinɔɔna tɔɔnuk.

Yowanis 17:21

Iin Baabɛɛ, kalɛyaan kɛnɔ sɛɛg omoŋ baŋɛ, maɓɔrɛ oko sinɛ arkiɗin eeteek. Maɓɔra kalɛyaan oko sinɛ arkiɗa iinek kɛnɔ ɓɔrɛ sɛɛk atu eteŋkɛ kɛnɔ ŋaadi ɗook kɛ wosɛykin kanti iin.

Ijaag Wosɛytaanakoŋk 4:32

Ŋaadtaanak baŋɛ latuɓa ɓayɛ a omoŋ a koɓi omoŋ. Kɛɛɓa iɗit sinɔ tonu kɛ, "Ege sini any naakik." Any baŋɛ sɛɛge kɔɔr nɛŋkɓa sɛɛg baŋɛ.

Roome 11:17

Ɔkɔn bɔsɔɔta rɛkɛnak yuuyɛ sinɔkan waayɛɛŋɔŋk a omoŋ omoŋ ɛ ɗaabɛɛrɛ nyona nɛɛka yuuyɛ ɗukoŋkuŋ, iinak joop sigɔ moko Ayuuduk ito ɓɔrɔ iinak yuuyɛ sinɛ ɗukoŋk sinɛkan ɗaabɛɛrɛk, ɛ sisɔ iinak kaastaanak geet nɛɛkik nɛ kaasɛɛr ɓaŋkawuka nɛɛk a wori joop Ayuuduk.

Omoŋ Korontoosuk 1:10

Yakana iinak manyaakak eeta sigɛ dooytaanakik, kalɛya kɔnu tiriyaakɛ Suumi naŋk Yeese Kereseek kɛ, "In lakɛɛ omaayikeen, kat kɔne lakɛ pakakat kɔɔr. In beeɗɛɛ a ɓaŋkawuŋ a ɓayɛ omoŋ a koɓi omoŋ."

Omoŋ Korontoosuk 11:3

Ɗɛya kɛnɔ ɗegerari kɛ ege Keresee ɔɗɔ moojakoŋk baŋɛ, maɓɔrɛ ɔɗɔ jartiyoŋk mooy, ma ɔɗɔ moojoŋk Waakoyo.

Omoŋ Korontoosuk 3:6

Waayakan saak wɛykon, makan sawuɗi Apiloos, mayakana ari Waakoyot a ɓɔlɔɔrɛŋ.

Epesoon 1:22

Nɛɓa argeeɗ ola baŋɛ a atu ɓaŋkawukaat nɛɛkɛ goyse ɗeek kɛnɔ ɓalɗi sɛɛna, gaɓɛɓa godeya Sambatɛyoŋk kɛnɔ dakɛ a ɔɗɔ olaatɛ baŋɛ raŋk.

Epesoon 1:23

Sɛɛn ɛɛk sinɛ enyɛr ola baŋɛ olaatɛ baŋɛk enyakaat nɛɛkɛkik.

Epesoon 2:21

Arɛɛ kɛnɔ in ɓɔlɔɔrɛ a Gode sinɔ Geetitank Suumiyoŋk, nɛ tootokɛɛ gode nɛɛk baŋɛ sɛɛne.

Epesoon 4:3

In ɓaŋkaawurɛɛ kɛnɔ koorɛɛ omaayikeen sinɔ laŋɛɛ Wɛɛŋakɛ Waakoyotoŋk a tutusikari bɔdɛɛɗ.

Epesoon 5:29

Kɛɛ iɗit sinɔ ɓooyu ɛɛk nɛɛkik adaktan. Oko sinɛ wɔɔrɛɗ ɛɛk nɛɛk ɗamatik nɛɓɔrɛ Kerese lowu ɛ wɔɔrɛ gode Sambatɛyoŋk oko sinik,

Pilipisiyoos 1:27

Kɛygun ɓɛlkɛ ɛkiŋ, in beeɗɛɛ oko sinɛ ɗɛyɛɛɗ Pɛɛni sinɔ Ɓɛlkɛɛstank Kereseek. Kɛygun kɔrurkaaya nɔkɔnu kɛɛɗa dɛnaaŋ. Kɛygun kɔne yowɛrkaayaŋ, nɛ tiya agut iinak kɛ ɛtɛɛrnɔ agut omoŋ, nɛnɔɔ ariir ɗɔŋkɔɔlɛ wɛɛŋakɛ agut Pɛɛni sinɔ Bɛlkɛɛstank.

Kolasiis 1:10

ɛ ɗanɗamaakii kɛnɔ beeɗiir oko sinɛ ɗɛyɛɛɗ Waakoyotuk nɔ ariir Suumi a yaageeɗ olaatɛ baŋɛ, kɛnɔ kɔne laŋɛɛ taamɛ ijaag any sinɔ mentanŋɔŋk a ɓɔlɔɔrɛɛr a ɗegerari Waakoyo.

Kolasiis 1:18

Nɛ ege Kerese ɔɗɔ gode Sambatɛyoŋk sinɛ ɛɛk nɛɛkik. Agut sinɔ kɛnɔ dakɛ a tuktan olaatɛ baŋɛk, nɛɓa ɓɔrɛ ŋaarin ret walasak ɔɗɔwen ɛ Sɛɛn tuktan.

Kolasiis 2:2

Ara ɗɔŋkɔɔlɛ kɛnɔ ɓaŋkaawurar ɓayɛtun gɛŋk kɛnɔ sɛɛg omoŋ mɛyin ɛ kɛnɔ latu koɓi sinɔ daktank baŋɛ sinɔ ŋaaŋayikŋɔŋk, kɛnɔ degerar Keresee sinɛ dugtan Waakoyotoŋk.

Omoŋ Tɛsɛlonkeek 3:12

In kɔna tuuke Suumii mɛyin sinɛ latukari ɛkanɛ goŋkuk a sinɛ latukari joopa ɔgɔɔkak ɛ kɔna ari a obulurŋ oko sinɛ kɔnu poriiɗiik.

Omoŋ Tɛsɛlonkeek 4:10

Poriir masookoyak sigɛ atu Mɛkedooniyaakeek baŋɛɛŋ. Iinak manyaakak eeta, rɔɔriyii kɔnu kɛnɔ in poporiikɛ a kaalɛŋ.

Pɛɛyeen Tɛsɛlonkeek 1:3

Iinak manyaakak eta sigɛ dooytaanakik, pɔɔsii Waakoyo ɓɛɛnyɔwɛ gɛɛŋk baŋɛ agut ɔɔtɛ noŋk, liki ɓɔrɛ pɔɔsiyɛ gaŋk agut sinɔ ɓɔlɔɔrɛrɗi ŋaadiyɛ goŋk a kaalɛŋɔŋk ɛ tutukikiɗ mɛyin noŋk ɛkanɛɛkɛ goŋk a omoŋ omoŋɔŋk.

Omoŋ Petrosuk 3:8

Pedtan nɛɛk, in beeɗɛɛ a koɓi omoŋ ɛkanɛɛkɛ goŋk iinak baŋɛ, in kɔna sanɗi joop, in poporiikɛɛ mɛyin masiikikeenoŋk, in mentankɛɛ a rikitɛɛ ɛkan.

Pɛɛyeen Petrosuk 3:18

Mayakana in ɓɔlɔɔrɛɛ wookaan a ɗegerɔɔn Suumi naŋkik ɛ Ebɔdtan naŋk Yeese Kereseek. In dakɛ eemɛyɔɔn sɛɛna kɛygun sisɔ kɛygun nɔkoy nɔkoyk. Ameen.