Kolasiis 2:18 - Kuumeet Sinɔ Tɔɔnuk Ad Majaŋeeroŋk

¹⁸ In koorɛɛ ɛɛk a kat lakɛ iɗit sinɔ kɔnu ari a dakɛɛr kanysɛya a meri ɛɛk koɓiiɗ nɛɛkɛ sinɔɔnɛ ɓɛɛlɛ kanysɛyaak a tonu kɛ laka pɛrkiyɛ a kɔnu ari kɛnɔ rikiteer ɛɛk ɛ ugumeer wosɛytaanakaak.

Kolasiis 2:18 Iomraidhean Croise

Maatiyoos 24:24

Agut sinɔ ŋaararkikoy Kereseyak sigɔ nyonkaanakik a joop pɛrkaakoŋk sigɔ nyonkaanakik. Ɔkɔn gayɛ sɛɛgaŋ, arir a tikiɗi joop sigɛɓa daamɛɛkiŋ, ijaagir sɔɔriyɛ a ola sigɔ reemɗigeeɗ ɓayaayk sigɔ boobɛrŋɔŋk.

Roome 1:25

Agut sinɔ weerɛrɓa eekeer Waakoyotoŋk nyona, ɛ ugumer ɛ ijaagɗi olaata sigaagaɓa riiɓɛɛk ɔɔtɛ Iɗit sinɛɓa riiɓiik, in eemɛyɔn Sɛɛna nɔkoy nɔkoyk. Ameen.

Roome 16:18

Joop sigi nomɛrɗi ɗɛyan nɛŋk sinɔ ŋɛɛwɛnŋɔŋk, ma moko ijaagɗigeeɗ Suumi naŋk Yeese Keresee, ɛ raamɛr joop sigɔ kɛɛ sɛɛge ɗegerɔnk waasiyɛɛkɛ sigɔɔgɛ yaagarŋɔŋk a sigɔɔgɛ ŋaɗɛɛɗoŋk a ito pɛɛni sinɔ mentanŋɔŋk.

Omoŋ Korontoosuk 13:4

Mɛyin lak ɓaŋkaawurɔn oolanik, mentan, ki epɛɛrɛ any etoŋk, ki meriiɗ ɛɛk, ki ɓɔŋgɔɔrɛɛt ɛɛk,

Omoŋ Korontoosuk 3:3

In ɓɔrɛ sisɔ iinak joop ɗookoŋk agut sinɔ a'ararɗɔ nyeken ɛ ɗaakiɗɔɔ ɛkanɛɛkɛ goŋkuk. Anɛ moko iinak joop ɗookoŋk? In aasi dakɛ sinɔ kɛ iinak joop Waakoyotoŋkuk, a moko iinak joop ɗookoŋku?

Omoŋ Korontoosuk 4:18

Iinakɛ a omoŋ omoŋ koɓur joop ɔgɔɔk kɛ, kiirakoy kɔnu lɛwɛɛt nɛkan enyɛɛri any sinɔ ɓɔŋgɔɔrɛrɗi ɛɛk nɛŋk rakaayak.

Omoŋ Korontoosuk 4:6

Iinak manyaakak eeta, tonɗiikakɔ kɛnɔ kɔnu kɔnyɛɗ nɛkɔ ara ɛɛk naak a Apiloos a rɔmɛ. Nɔkɔ ariiɗa sinik kɛnɔ tine barɛɛr rɔɔriyɔn sinɛɓa tonɛɛ kɛ, "Kat kaalin sinɛɓa taapɛɛk," agut sini kikɔna ɗɛyɛ a ɓɔŋgɔɔrɛɛr iɗit om raŋana, ma daraayɛɛr iɗit omoŋ.

Omoŋ Korontoosuk 8:1

Tona sisɔ sini agut taar sinɔkɔ uduŋɛɛ raŋaawotaak. Oko sinɛ toniiɗɛ kɛ, "Lakii ɗegerɔn ɛɛkoŋk baŋɛŋɔŋk." Arɗi ɗegerɔn ɛɛkoŋk a ɓɔŋgɔɔrɛɛ ɛɛk rakaaya, mayakana sɛŋk arɗi mɛyin a ɓaŋkaawurɛɛŋ.

Omoŋ Korontoosuk 9:24

A kiir ɗegerɔɔn kɛ joope sigaagɛ reerir a arir arampɛɛk kɛ boŋɗiikɔɔ sɛɛge ruukeet nɛɛk a iɗit omoŋ dakɛɗa? Nɛ agut sini in ɓɔrɔ reerɛɛ kɛnɔ kɛɛɗɛɛ boŋɛɛ ruukeet.

Pɛɛyeen Korontoosuk 11:3

Kaɗiigiɗa any sinɔ sɔɔkiɗi kalbiyɛ goŋk nɛ kiir boŋiiɗ mentanka nyeken sinaanɛ latukari Kereseyaak oko sinɛɓa raamɛɛɗ kookoo Heewan nyonɛk.

Pɛɛyeen Korontoosuk 12:20

Kaɗiigiɗa sinɔ kaɗɛɛŋ kiiɗa kɔnu laŋiiɗ oko sinɛ ɗɛyɛɛɗak, maɓɔrɛ kiirti laŋiiɗ oko sinɛ ɗɛyɛrɗɔk saakɔɔ kɔrurkuɗa son lak iinakik. Ɛɓɔrɛ omaay kaɗɛɛŋ lakɛ iinakɛ kɔɔr kaarin, a nyeken, a goopan, a giiman, a sɔɔkiyɛ tiriyaakoŋk, a laaganyɔn, a ɓɔŋgɔɔrɛt ɛɛkoŋk rakaayak, a any sinɔ kɛɛ ikomiit ɛɛkik.

Epesoon 4:17

Seedi son rɔɔrɔkaaka kɔna tiriyaakɛ Suumiyoŋk kɛ kat beeɗɛ oko joop sigɔ moko Ayuuduk ɓɛɛlɛr koɓiɗa gɛŋk kanysɛyaak.

Epesoon 5:6

Kat lakɛ iɗit sinɔ kɔnu raamɛ toniiɗ sinɔɔnɛ ɓɛɛlɛ kanysɛyaak agut ola sigi, agut sinɔkɔɔ mɛlkiɗ goopan Waakoyotoŋk joopa sigaaga kir tiiɗitikiŋ.

Pilipisiyoos 3:14

Reera saanakɔɔ mɛlgiɗak kɛnɔkɔɔ laŋa ruukeet naak, wɛɛŋa sigɛkoytu riyageeɗ Waakoyot goy Yeese Kerese rakaay nɔkoyta gaɓɛ sɛɛgik.

Kolasiis 2:23

Ola sigi dɛnɛɛ a ito latu ɗegerɔn ɛɛkoŋk agut sinɔ tukerkiɗ ugumeet ɔɔtɛ nɛŋk, a rikiteet ɛɛkoŋk, a laaŋoy ɛɛkoŋk, mayakana kɛɛ sɛɛge tɔkɔny oko sinɛ koɓurɗu koɓi a ɗɛyan taaroŋkuk.

Kolasiis 2:4

Nɛkɔna tona sini kɛnɔ kat lakɛ iɗit sinɔ kɔnu taɓu pɛɛni raamiyɛɛkoŋk.

Kolasiis 2:8

In koorɛɛ ɛɛk kɛnɔ kɔnu kat ari iɗit omaay a babadariŋ ɗegerɔɔn nyonoŋk a raamiyɛɛkɛ kanysɛyaak. Ege sini rɔɔriyɔn sinɔkan kus barɛɗ etoŋk a ɗookoŋk, ma mokokan kus sooy lak Kereseek.

Omoŋ Timotiyoosuk 1:7

ɗɛyɛr a sɛɛg rɔɔriytaanak higi Muuseek, ma kir ɗegerɔɔn any sinɛ tonurk maŋk kir koɓiiɗ any sinɛ palamɗigeeɗik.

Omoŋ Timotiyoosuk 4:1

Tonur Wɛɛŋa sigɔ Geetitaanakik kɛ ɗɔm kɛ, "Emeyikɛ sigaagɛkoy pediyaak joop a omoŋ omoŋ ŋɔɗarkoy ŋaadiyɛ, nɛ nomɛrɗi wɛɛŋa sigɔ nyonkaanakik a rɔɔriyɔn diyabiloosuk."

Pɛɛyeen Petrosuk 2:14

Latu taamɛ mararɛɛt ibeɗoŋk sigɔ kirkiɗ weeriit tikiyɛɛkɛk ɛ raamɛr joop sigɔ bɔɔlaaŋɔŋk ɛ latu ɓayɛ sinɔɓa barɛ rerer woriyaak, ege sigi joop sigɔɓa sɛɛg koonyɛɛŋɔŋk.

Omoŋ Yowanisik 2:26

Taapɛɛra kɔna sini agut joop sigɔ kɔnu raaramarŋɔŋk.

Dɛnɛɛ Pɛrka Yowanisik 12:9

Ɛkan orkɛɛ ɗooka wilaŋ sinɛ boobɛŋɔŋk. Sɛɛn kooko sinɛɓa ɗeeŋk sinɛ riyɛ kɛ diyabiloos maŋk setank, sɛɛn sinɛɓa ari joop ɗookoŋk a babadarŋɔŋk, orkɛɛɓa ɓɔrɛ wosɛytaanak gɛɛŋk a sɛɛn agut omoŋ.

Dɛnɛɛ Pɛrka Yowanisik 13:14

Agut sinɔkan gagiɗɛɛ ɓaŋkawuka kɛnɔ ijaag sɔɔriyɛ tiriyaakɛ keegun sinɛkan tukik, nɛkan ari a babadar joop sigɛ beeɗir ɗook raŋk. Nɛkan tonu sɛɛga kɛnɔ ruker tagaytan keegunta, sinaanakan ɗam aarɛɛk nɔkan bɔdukuk.

Dɛnɛɛ Pɛrka Yowanisik 13:8

Ɛ koy ugumer joop sigɛ beeɗir ɗook raŋk baŋɛ keegunta nɛɛka. Ege sigi joop baŋɛ sigɛkan kɛɛ taapɛɛt tiriya gɛŋk Wargatɛya Wɛɛŋakoŋk Jiŋkuy sinɛɓa ŋɔɔlɛɛk a tukiɗi saaɓa riiɓeeɗɛɛ ɗook.

Dɛnɛɛ Pɛrka Yowanisik 19:10

Nɛkan ɗiiriraa deraka gɛɛnak kɛnɔ gun ugumguɗa, yakanata tonu kɛ, "Kat arin any sini. Eet ɓɔrɛ ijaagen Waakoyotoŋk oko iin a masookoyak sigɛkan gaamur waasiyɛ eekeer Yeeseek. Ugumu Waakoyota agut sinɔ eekeer sigɛ waasiɗi agut Yeeseek wɛɛŋa pɛrkaakoŋk."

Dɛnɛɛ Pɛrka Yowanisik 3:11

Dɛnko, mɛlɛɛraakɔɔ a gorgorŋ. Gaamu any sinɛ lakink a ɓaŋkawuŋ kɛnɔ kat lakɛ iɗit sinɔ ne boŋu dooroy nook eemɛyɔɔnoŋk.