Kolasiis 2:13 - Kuumeet Sinɔ Tɔɔnuk Ad Majaŋeeroŋk

¹³ Iinakɓa reteer agut tikiyɛ goŋk ɛ agut sinɔɓa kɔnu kiiɗɛ yawɛɛɗ buusɛɛ noŋk a ŋaadiir Kereseek. Yakanakɔɓɔ sisɔ ari kɔnu Waakoyot a iinak bɔdtaanak a Keresee agut omoŋ. Ɛɓa kɔne ŋɔɗur tikiyɛ goŋk baŋɛ.

Kolasiis 2:13 Iomraidhean Croise

Lukaas 15:24

Rɛrgunkan Tɔn naak siniŋ, nɛɓɔ bɔdɛ sisɔŋ. Badikɛɛkanŋ, nɛkɔɓɔ laŋɛɛŋ.' Nɛ sɛɛga saadi yaaŋ.

Lukaas 15:32

Ɗɛyɛ a tina yaa jɛt agut sinɔ masookoy sini rɛrgunkan, nɛ bɔdɛŋ. Badɛɛkanŋ, nɛkɔɓɔ laŋɛɛŋ agut sini ɗɛyɛ a tina yaa jɛt."'

Lukaas 9:60

Nɛɓa Yeese tongeeɗ kɛ, "Toŋoɗu reteer nɔ sɛɛg kɔwar reter gɛŋk, ma seŋk mak nɔ kɛɛɗin rɔɔriyaakin agut burɛ Waakoyotoŋk."

Yowanis 5:21

Oko sinɛ Ɛpɛna boŋkuɗ joop sigɛkan rɛrark nɛ sɛɛga gaɓɛ wɛɛŋak, nɛ ɓɔrɛ Tɔn nɛɛkɛ gaɓɛ wɛɛŋa eta sinaana ɗɛyɛk oko sinɛk.

Yowanis 6:63

Sigɛ gaɓɛr bɔdɛɛk Wɛɛŋa sigɔ Geetitaanakik, ma kɛɛ any sinɔ kɔnyku ɓaŋkawuka etoŋkuk. Pɛɛni sinɛkɔ kɔna tonaak wɛɛŋa sigɔ gaɓɛr bɔdɛɛk.

Roome 4:17

oko sinɛɓa taapɛɛɗɛ Wargatɛɛ Waakoyotoŋk kɛ, "Ara kɔnu a ɛpɛn joopa sigɔɔga ɓɔɔkaaŋɔŋk." Yaaŋiyɛɛkɛ sigeege Waakoyo sinɛ ŋaadik sinɛ gaɓɛ wɛɛŋa reteerak ɛ ɗɔku ola sigɔɓa kɛɛ sɛɛgik a ɓɛɛlɛrŋɔŋk.

Roome 6:13

Kat ariir kaakastaana goŋk ɛɛkoŋk, a ola ijaagoŋk any sinɔ ŋɛɛwɛnŋɔŋk nɔ wideetar tikiyɛɛka, yakana in wideerɛɛ ɛkan goŋk Waakoyota, oko joop sigɔkɔ murarki ret bɔdɛɗaak, ɛ in arɛɛ kaakastaana goŋk ɛɛkoŋk Sɛɛna, oko ola ijaagoŋk mentanka taamɛkɛ Waakoyotoŋk.

Roome 8:11

Mayakana ɔkɔn atu iinakɛ tak Wɛɛŋa Waakoyotoŋk sigɛɓa boŋurku Yeese ret walasakiŋ, sɛɛn sinɛɓa boŋku Yeese Keresee ret walasak gaɓɛkoy kɔna bɔdɛ taara noŋk sinaana retenk goy Wɛɛŋa Gɛɛŋk sigɛ Geetitaanakik sigɛ atu iinakɛ takik.

Omoŋ Korontoosuk 15:36

Iin gaagɛ sini, ɔkɔn ki rerin ɗama sinɛ soowunkuŋ nɛ kiiki ɗiigarɔn.

Omoŋ Korontoosuk 15:45

Nɛ agut sini taapɛɛɓa Wargatɛɛ Waakoyotoŋk kɛ, "Adam iɗit sinɛɓa riiɓɛɛ tuki a lak wɛɛŋak," ma Adam sinɛ pediyaak Kerese sinɛ gaɓɛ wɛɛŋa sigɔ bɔdɛɛk.

Pɛɛyeen Korontoosuk 3:6

Ariɓa tin a gayii a eteŋk ijaageer kuumeet sinɔ tɔɔnuk, sinɛɓa tukiɗik Wɛɛŋakɛ sigɔɔgɛ Geetitaanakik, ma moko taaptaanakɛ raŋk, agut sinɔ ɗɔkarki taaptaana rer ma Wɛɛŋa sigɔ Geetitaanakik gaɓɛr bɔdɛ.

Pɛɛyeen Korontoosuk 5:19

Ege sini sinɔ kɛ taakiɗiɓa Waakoyot a joop a ɛɛk nɛɛk goy Kereseek, kiɓa sɛɛga ikomiit tikiyɛ gɛŋk, maɓa eteŋka gaɓɛ wosɛ nɛɛk taakiiyɛɛkoŋk.

Epesoon 2:1

Iinakɓa reteer beeɗit wɛɛŋakoŋk agut ŋɛɛwɛnka noŋk a tikiyɛ goŋk.

Epesoon 2:11

Agut sini in koɓukɛ sinɛɓa kɔnu daraayɛrɗi joop Ayuuduk iinak sigɛ ɓartiyɛɛkɛ moko joop Ayuuduk kɛ, "Iinak sigiɓa kɛɛ yayawɛɛk," a merir ɛɛk agut sinɔɓa yayawuɗɛɛ taara gɛŋk ariit etoŋkuk.

Epesoon 5:14

Agut sinɔ ege any sinɛ dɛnɛɛk baŋɛ pɛɗɛrkaak, agut sini tonɛɛɓa kɛ, "Iin sinɛ ɗeegarink ɓeɗik, teŋaarak ret walasa, tipeyɗiirkɔɔna Kereseeŋ."

Kolasiis 2:12

Saaɓa kɔnu aadiiɗɛk nɛɓakɔnu kɔɔwɛ a Keresee agut omoŋ. Nɛɓa ŋaararkɔ ret walasa a sɛɛn agut omoŋ, nɔɓa ŋaararkiɗɔ ret walasak agut sinɔɓa ŋaadiɗiɗɔ ɓaŋkawukaat Waakoyo sinɛɓa boŋku Keresee ret walasak.

Omoŋ Timotiyoosuk 5:6

Mayakana jarti sinɔɓa rɛr baabuy nɛɛkɛŋɔŋk ɔkɔn beeɗ yaakaata ɗoo sinik dakɛɛɗaŋ, nɛɓa rɛr wɛɛŋakɛɛŋ.

Omoŋ Timotiyoosuk 6:13

Sekaana taamɛkɛ Waakoyo sinɛ gaɓɛ bɔdɛ olaata baŋɛk a Yeese Keresee sinaanɛɓa waasɛ eekeer taamɛkɛ Pilatoosuk.

Ibirawiyaan 6:1

Agut sini koy ɗoyii rɔɔriyɔɔn sinaanɛɓa tukik sinɛɓa gaɓɛɛ agut Kereseek, makoy kɛɛɗii aaɗikaata sinɔɔna peditank. A tukii nyon kɛkar rɔɔriyɔn sinɔ weerikiɗii tikiyɛɛkɛ sigɔɔgɛ dilɗi retaak, a ŋaadiyɛ Waakoyotek,

Ibirawiyaan 9:14

Anɛ ŋaɗɛ a geetitan a kaalɛ a ɛtɛ ɛk kalbiyɛ gaŋk ijaag sinɔɔnɛkan rɛrŋɔŋk yɛrom Keresee sinɛkan wideer ɛɛk nɛɛk Waakoyota a uduŋeet sinɔ kiiɗɛ any sinɔ keerɛɛk goy Wɛɛŋa sigɔ Geetitaanakik sigɛkoy nɔkoy nɔkoyk kɛnɔ ijaagɗikii Waakoyota sinaana bɔdɛɛk?

Yaykoob 2:17

Oko sinik ŋaadiyɛ sigɔ kir ijaagɛ any sinɔ mentanŋɔŋk rɛrarɓaŋ.

Yaykoob 2:20

Iin gaagɛy, kin ɗegerɔɔn kɛ kɛɛ ɔɔtɛ ŋaadiyɛɛkɛ sigɔɔgɛ kiiɗɛ ijaagikiŋ?

Yaykoob 2:26

Buusɛ sinɔɓa pakakati a wɛɛŋak rɛrɓaŋ, nɛɓɔrɛ ŋaadiyɛ sigɔ pakakata a ijaagik rɛrarɓaŋ.

Omoŋ Yowanisik 2:12

Iinak tɔɔmɔk gaaŋk, taapiɗiira kɔna agut sinɔkan kɔne ŋɔɗurkuɗɛɛ tikiyɛ goŋk tiriyaakɛ gɛɛnɛkik.