Kolasiis 2:11 - Kuumeet Sinɔ Tɔɔnuk Ad Majaŋeeroŋk

¹¹ Yayawɛɛɓa kɔnu agut sinɔɓa ŋaadiɗiɗɔ sɛɛnek, yawɛ noŋk sini kɛnɔ aalɛɛ Keresee ɓɛɛl buusɛ sinɛ tikitank, ma moko yawɛ sinɔɓa ijaagɛɛ ariit etoŋkuk.

Kolasiis 2:11 Iomraidhean Croise

Markoos 14:58

"Tiyiikan a tonu kɛ, 'Aalakɔɔ Gode sini Geetitank sinikan kɛnyɛɛ ariitik, nɛkɔɔ kɛnya om ɗoŋikɛ sigɔɔgɛ jiitik sinɔkan moko kɛnyɛɛ ariitik.' "

Lukaas 2:21

Saaɓa ɓartɛɛɗɛɛ sasalɛ nɛɛkik, ɗoŋikɛ sigɔɔgɛ tula jiitik baŋiya, nɛ saaɓa gayɛɛɗ ɔɔtɛ sinɛ yawɛɛɗɛɛ sasalɛ nɛɛkik, nɛɓa riyɛ kɛ Yeesee tiriyaakɛ sigaagɛɓa riyɗi wosɛytan nɛɛkɛ a inɓa kɛɛ gamɛɛɗik.

Ijaag Wosɛytaanakoŋk 17:24

"Sɛɛn Waakoyo sinɛɓa riiɓe ɗook a ola sigɛ ɓɛɛlɛr ɗook nɛɛkɛ baŋɛk. Sɛɛn Suumi dari a ɗook. Ki sɛŋk beeɗit goroyɛɛkɛ sigɔɔgɛkan ijaagɛɛ ariit etoŋkuk.

Ijaag Wosɛytaanakoŋk 7:48

Mayakana kɛygun, Waakoyo sinɛ Obiik ki beeɗiit godeey sinɔɔnɛkan kɛnyɛɛ ariit etoŋkuk, oko sinɛɓa toniiɗ iɗit pɛrkaakoŋk kɛ,

Roome 2:29

Ma iɗit Ayuuduk eekeerɛ, iɗit sinɔ sɛɛn iɗit Ayuuduk takan nɛɛkɛ sɛɛn iɗit Ayuuduk ɛ sɛɛn eekerkan yawɛɛɗ ɓayaayoŋkuŋk, a wɛɛŋakɛ, ɛ moko taapiyɛɛkɛ. Moko pɔɔsiyɛ gɛɛŋk ete ma pɔɔsiyɛ gɛɛŋk sooy lak Waakoyok.

Roome 6:6

Ɗegerii kɛ laalawɛɛɓa ɛɛk naŋk sinɛɓa bɔɔlɔŋk a sɛɛn agut omoŋ, kɛnɔ aalɛ ɛɛk sinɛ tikiyɛɛkoŋk, ɛ kat dakii a laaŋoyeer tikiyɛɛkoŋk.

Roome 7:24

Eet rakatkan sinɔ ɓɛɛlɛ ɛkik! Wooɗ sinɛ oolɛ ati ebɔduku taare sineene dilɗi retaak?

Pɛɛyeen Korontoosuk 5:1

Agut sinɔ ɗegerii kɛ ɔkɔn aalɛɛ buusɛ naŋk sinɛ ɓɛɛlɛ ɔɔtɛya sinɔɔna balaaŋɔŋk a ito duukaanoyk, nɛ lakii nyon beeɗitoŋk dari sinɔkoy ɓɛɛlɛ nɔkoy nɔkoyk sinɛɓa kɛnyɛɛ Waakoyotek ma mokoɓa ariit etoŋk.

Pɛɛyeen Korontoosuk 5:17

Agut sini ɔkɔn iɗit ar Kereseeŋ, nɛ sɛɛn riiɓ sinɔ tɔɔnuk. Ɗoyukan sinɛ bɔɔlɔŋkuŋ, maɓɔ ɓɛɛlɛ riiɓ sinɔ tɔɔnuk.

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Gɛlatiyaa 5:24

Joop sigɛ atu Yeese Kereseek ɓokoturɓa taar a ijaag nɛɛk a ɗɛyan nɛɛk sinɔ ŋɛɛwɛnŋɔŋkuŋ.

Epesoon 4:22

Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak.

Pilipisiyoos 3:3

Ugumii seek Waakoyota wɛɛŋakɛ, a moko barɛɛɗ sinɔɔnɛ dɛnɛɛ taarek, yawɛɛkan tin eekeerɛ agut sinɔ ŋaadiɗiɗii Yeese Keresee dakɛɗak.

Kolasiis 3:5

In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Ibirawiyaan 9:11

Kusɓa Kerese a Sɛɛn ɔɗɔwen tapa ŋaadiyɛɛkoŋk olaata sigaaga mentaanak ɓɛɛlɛr sisɔk, duukaanoy sinɛɓa guugunygeeɗ sɛŋkik obi ɛ kɛɛ any sinɔ bitakɗiiɗik, mokoɓa ijaagɛɛ ariit etoŋk, ɛ moko riiɓ ɗoo sinik.

Ibirawiyaan 9:24

Kiɓa guugunyɔn Kerese rɔmɛɛɗa duukaanoy sinɔ eekerkank a Nyona sinɔɔna Geetitank sinɔɔnaɓa ijaagɛɛ ariit etoŋkuk, yakanaɓa guuguny sinaana ar darik kɛnɔ yaaŋɛ ɛɛk sisɔ taamɛkɛ Waakoyotoŋk agut eteŋk.