Kolasiis 1:6 - Kuumeet Sinɔ Tɔɔnuk Ad Majaŋeeroŋk

⁶ Mɛlɛɛrɓa sini son lak iinakik tuki nɛɛkɛ a tukiɗi saaɓa tiyɛrɗɔ kɛ ɗɔm Pɛɛni sinɛ Ɓɛlkɛɛstank kɛ ege wookan Waakoyotoŋk eekeerk nɛ gaɓɛ taamɛ ɛ ɓɔlɔɔrɛ ɗook raŋk, oko sinɛ gaɓɛɛɗ taamɛ ɛ ɓɔlɔɔrɛɗ iinakɛ kɔɔrk.

Kolasiis 1:6 Iomraidhean Croise

Maatiyoos 24:14

Waasɛɛkoy Pɛɛni sini Ɓɛlkɛɛstank burɛ Waakoyotoŋkuk ɗoo baŋɛ, kɛnɔkoy dakɛ a misikiri joopa ɗookoŋk baŋɛ, nɛkoy ɓaane saadi mɛlki pedtan nɛɛk.

Maatiyoos 28:19

Sisɔ in kɛɛɗɛɛ nɔ kaar ariir joop ɗookoŋk baŋɛ a nomtaanak nɔ aadiir sɛɛg tiriyaakɛ Ɛpɛn eteŋkaak a Tɔɔn nɛɛkik a Wɛɛŋa sigɔ Geetitaanakik,

Markoos 16:15

Tonuɓa sɛɛga kɛ, "In kɛɛɗɛ ɗoo baŋɛ, nɔ kɛɛɗɛ waasɛ Pɛɛni sini Bɛlkɛɛstank joopa baŋɛ.

Markoos 4:8

Ma wɛykɔk ɔgɔɔk ɗiirtar ɗooka sinɔɔna mentanŋɔŋk nɛ ɗiigararkiŋ, nɛ gaɓɛr taamɛ a ɓɔɔkaaŋ, gaɓɛ omaay taamɛ a ruumer iɗit a aarin, ma omaay gaɓɛ a pɔlpɔlɛ joop jiitik ma omaay gaɓɛ a ɗibɛ."

Yowanis 15:16

Mokokanti daamari iinak, makan kɔnu daama eet, suumakan kɔnu kɛnɔ ŋaarari nɔ kaar gaɓɛɛr taamɛ a ɓɔɔkaaŋ kɛnɔkoy beeɗir taamɛ sigɛ gaɓɛɛrik ɓɛɛnyɔwɛ gɛɛŋk baŋɛ. Nɛ any sinɛ kalɛyiir Baabɛye tiriyaakɛ gaanɛk baŋɛ gaɓɛkɔɔ kɔnaaŋ.

Yowanis 17:19

Kɛnɔkɔɔ sɛɛg geetitaanak eekeerɛ, ara ɛɛk naak a eet geetitan.

Yowanis 4:23

Mayakana joop sigɛ ugumergeeɗ eekeerɛk mɛlkikoy ɔɔtɛ sinɔkoy ugumerɗɔ Baabɛya Waakoyota wɛɛŋakɛ a eekeerɛkiŋ. Mɛlkikɔ ɓɔrɛ sisɔŋ. Ɗɛyɛ Baabɛ Waakoyot joop sigɔ ugumergeeɗ oko sinikik.

Ijaag Wosɛytaanakoŋk 11:18

Saaɓa tiyɛrɗi any sinik, nɛɓa nyɛyɛr palamɛ nɛɛk nɛ dakɛr kɛ many. Nɛɓa pɔɔsɛr Waakoyo kɛ, "Sisɔ gaɓɛkɔ Waakoyot joopa sigɔɔga moko Ayuuduk weerɛɛt tikiyɛɛkɛk, sinɔ ari sɛɛg a laŋir wɛɛŋa sigɛkoy nɔkoy nɔkoyk."

Ijaag Wosɛytaanakoŋk 12:24

Maɓa ɛnyɛnyɛ pɛɛni Waakoyotoŋk a bakaanyirŋ.

Ijaag Wosɛytaanakoŋk 16:14

Lakɛɓa jartiyatɔkɛ sigaagɛɓa geleewɛrk kɔɔr sinɔ riyɛ kɛ Lidiyaak sinɔɓa kus katamɛɛ Tiyatiroonuk, nɛɓa sɛŋk ɓaɓaliiɗ abiyak sigɔ dɛɛtaŋɔŋk. Lidiya jarti sinɔɓa ugume Waakoyotak, nɛɓa ɓuuke Waakoyot ɓayɛ nɛɛk, nɛɓa tiyɛ any sinɛ tonu Paawuloosuk nɛ mɛlgeeɗiŋ.

Ijaag Wosɛytaanakoŋk 26:18

Arakɔɔnu kɛnɔ ɓuukun taamɛ gɛŋk, nɔ boŋkun sɛɛg nyuugur pɛɗɛrkaata kɛnɔ jumurkun sɛɛg ariit setanik son lak Waakoyok. Nɛkɔɔ sɛɛk laŋir tɔŋɔɗ tikiyɛɛkoŋk, nɛkoy laŋir nyon joope sigaagɛkan daamɛɛk kɔɔr agut ŋaadiyɛ eeteek.'

Roome 1:13

Iinak manyaakak eeta sigɛ dooytaanakik, ɗɛykaaya ɓɔrɛ a gun laŋa ŋaadtaanak a ɓɔɔkaaŋ iinakɛ kɔɔr, oko sinɛkan laŋiiɗa ŋaaditaanak a ɓɔɔkaaŋ joope sigɔɔgɛ moko Ayuuduk kɔɔruk. Yakana ɗɛya kɛnɔ ɗegerari kɛ gaamakan ɔɔtɛ agut ɓɔɔkaaŋ, nɛ yakanakanti ɓaarɗɛ nɔ mɛlɛɛɗa sisɔwa.

Roome 15:19

Ɛɓɔrɛ mera ɛɛk agut sinɔkan ariɗ joop sigɔ moko Ayuuduk a tiiɗi Waakoyota Wɛɛŋakɛ sigɔɔgɛ Geetitaanakik sɔɔriyɛɛkɛ sigɔɔgɛ boobɛrŋɔk a olaatɛ sigɔɔgɛ reemɗi ɓayɛɛk, ant sineene waasakan pɛɛni sinɔ ɓɛlkɛɛstank Kereseek a weeweriika sinɔɔnɛ Yorsaleemuk mɛlɛɛɗa Ilwaarikoona.

Roome 15:28

Agut sini saakɔɔ ruumeeɗa sinik, ɛkɔɔ gaɓa sɛɛga tɔkɔny sinɛkan tolɛɛk, nɛkɔɔ kɛɛɗa ɗoya sinɔɔnɛ lak iinakik Ispeena.

Roome 16:26

Sisɔ eekeer sigiɓa dugiɗiik dɛnɛɛkɔ sɛɛg kɛ ɗɔm wargatɛyɛɛkɛ joop pɛrkaakoŋk, kɛnɔkoy ŋaadir joop baŋɛ ɛ tiɗii Waakoyota sinaanakoy nɔkoy nɔkoyk.

Pɛɛyeen Korontoosuk 10:14

Kiikan kaalɛt nyon ijaagoŋk sinɛkan tina gaɓɛɛk, agut sinɔ eteŋk joop sigɛkan diileerii Pɛɛni sinɔ Ɓɛlkɛɛstank Kereseek son lak iinakik.

Pɛɛyeen Korontoosuk 6:1

Kalɛyii kɔnu kɛ kat ŋɔɗɛɛ wookan Waakoyotoŋk sinɛkan boŋiirik kanysɛya oko sinɛ ijaagɗiɗii a Waakoyo agut omoŋɔŋk.

Epesoon 3:2

Tiyɛɛrkan eekeerɛ kɛ gaɓɛkanta Waakoyot wookan nɛɛk ijaagoŋk agut iinak.

Epesoon 4:21

Tiyɛɛrɓa agut Sɛɛn eekeerɛ, agut sinɔ iinak gɛɛŋkik, ɛɓa tiyɛɛr sini nɛɓa barɛɛr eekeer sigɛ atu Yeeseekiŋ.

Epesoon 4:23

In arɛɛ kalbiyɛ goŋk a tɔɔmɔk wɛɛŋakɛ.

Epesoon 5:9

Agut sinɔ gaɓɛ pɛɗɛrkaat mentanka baŋɛ, a mentanka taamɛkɛ Waakoyotoŋk, a eekeer.

Pilipisiyoos 4:17

Moko tona sini ma ɗɛya kɛnɔ laŋa tigi noŋk, ma ɗɛya kɛnɔ kɔna obulur tigi wori noŋkuk.

Kolasiis 1:10

ɛ ɗanɗamaakii kɛnɔ beeɗiir oko sinɛ ɗɛyɛɛɗ Waakoyotuk nɔ ariir Suumi a yaageeɗ olaatɛ baŋɛ, kɛnɔ kɔne laŋɛɛ taamɛ ijaag any sinɔ mentanŋɔŋk a ɓɔlɔɔrɛɛr a ɗegerari Waakoyo.

Kolasiis 1:23

Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Omoŋ Tɛsɛlonkeek 1:5

Saakan kɔna waasɛɛɗii Pɛɛni sinɔ Ɓɛlkɛɛstank mokokan pɛɛni dakɛɗa, makan ɓaŋkawukaat a Wɛɛŋakɛ sigɔɔgɛ Geetitaanakik, ɛɓɔrɛ dakɛɛr a eekerkaanak agut Pɛɛni sinɔ Ɓɛlkɛɛstank. Ɛɓɔrɛ ɗegerari kɛ saakan arkiɗii saay lak iinakik kɛ beeɗiikan ɛk agut iinakiŋ.

Omoŋ Tɛsɛlonkeek 2:13

Ɛ ɓɔrɛ pɔɔsii Waakoyo a kii nyɛyɛ. Agut sinɔ saakan boŋurɗɔ Pɛɛni Nɛɛk sinɛɓa tiyɛɛr eteŋkɛɛk, nɔkan boŋiir oko Pɛɛni Waakoyotoŋk sinɛ ijaagɗi iinakɛ sigaagɛ ŋaadiɗikarik eekeerɛk, ma mokokan boŋiir oko pɛɛni etoŋk.

Pɛɛyeen Tɛsɛlonkeek 2:13

Iinak manyaakak eeta sigɛ kɔnu porɛɛ Suumiik, ɗɛyɛ sɛŋk eteŋka a pɔɔsii Waakoyo agut iinak ɓɛɛnyɔwɛ gɛɛŋk baŋɛ, agut sinɔɓa kɔnu daamɗu jeemɛ kɛnɔkoy bɔdɛɛriɗ, ɛɓa kɔnu geetiɗɛɛ Wɛɛŋakɛ sigɔɔgɛ Geetitaanakik, ɛ agut sinɔ ŋaadirɗɔ eekeer gɛɛŋkik.

Omoŋ Petrosuk 5:12

Taapɛɛrakan kɔna wosɛ sini a diny goy Siilaasik sini koɓa kɛ manya eteŋka sinɔ ŋaadɛɛŋɔŋk, kɛnɔ kɔnu rɔɔriy ɛ kɔna yaaŋa kɛ ege sini wookan Waakoyotoŋk sinɔ eekerkank. Nɛ in ɛtɛɛ a ɓaŋkawuŋ wookaan sineene Waakoyotoŋk.