Kolasiis 1:27 - Kuumeet Sinɔ Tɔɔnuk Ad Majaŋeeroŋk

²⁷ Yaaɓa Waakoyota kɛnɔ yaaŋɛ joopa gɛɛna dugtan sinɔ obiiŋɔŋk eemɛyɔnk kɛ obi a ɛtɛ ɛk joope sigɔɔgɛ moko Ayuuduk kɔɔr. Ege dugtan sini lak eemɛyɔn sinɔ obiiŋɔŋk sinɔ kɛ ar Keresee iinakɛ takik, nɛkoy kaasɛɛr eemɛyɔn Waakoyotoŋk.

Kolasiis 1:27 Iomraidhean Croise

Maatiyoos 13:11

Nɛɓa Yeese jumur sɛɛga kɛ, "Gaɓɛɛɓa iinaka ɗegerɔn any sinɔ dugaaŋɔŋk burɛ dariyoŋkuŋ. Mayakanaɓa sɛŋk sɛɛga kɛɛ gaamit.

Lukaas 17:21

Kirkoy joop oolɛ a tonur kɛ, 'Ɓɛɛlɛ seedi' maŋk kɛ, 'Ɓɛɛlɛ sooy, agut sinɔ ɓɛɛlɛ burɛ Waakoyotoŋk iinakɛ kɔɔr."

Yowanis 14:17

Sɛɛg Wɛɛŋa eekeeroŋk, sigɔ kir sɛɛg boŋiiɗ joop ɗookoŋk, agut sinɔɓa kirɗi taanta ɛ kirɗi ɗegerɔɔnuk. Ma sɔɔk ɗegerari sɛɛgiŋ agut sinɔ beeɗirɗi a iinakik ɛ atu iinakɛ takik.

Yowanis 14:20

Ɓeny sinaanɛkoy ɗegerarikoy kɛ arkaa sooy lak Baabɛɛk, ɛ atukari sooy lak eetik, ɛ arkaa sooy lak iinakik.

Yowanis 14:23

Nɛɓa Yeese jumurgeeɗ kɛ, "Iɗit sinɔtu poruŋɔŋk koorɛ pɛɛni naak. Nɛ ɓɔrɛ poru sɛɛn Baabɛɛŋ, nɛkɔɔ kusii son lak sɛɛnik nɛ beeɗii a sɛɛn agut omoŋ.

Yowanis 17:26

Mɛyin sinɛti poriiɗink kɛnɔ ar sooy lak sɛɛgik, ɛ kɛnɔ arkaa sɛɛge, araakɔ sɛɛg kɛnɔ ɗegerar iin, ɛkɔɔ ara sɛɛg kɛnɔnu ɗegerar."

Yowanis 6:56

Iɗit sinɔ ɗam buusɛ naakik ɛ ute yɛrom naakik beeɗ eete, maɓɔra beeɗaa sɛɛne.

Roome 11:33

Ɓukuur ɛk sinɔ sɛɛn ɗumaat olaata baŋɛk a ɗegerɔn a ɗegerɔn ɛɛkoŋk Waakoyotoŋk! Kɛɛ mermenɔɔn pirdi nɛɛk, kɛɛ ɗegerɔɔn gopan nɛɛk.

Roome 2:4

Maŋk daraayin mentanka nɛɛk, a ɓaŋkaawurɔɔn nɛɛkɛ jɛtik oolaanik? Kin ɗegerɔɔn kɛ gakiɓana Waakoyot mentanka nɛɛk a obiiŋ kɛnɔnu diile anta sinɔɔna weerikiɗin tikiyɛɛkɛ Waakoyotak?

Roome 5:2

Guugunyiikan goy nɛɛkɛk mɛyina a maariyeeta Waakoyotoŋk sineena ɛtɛɛɗiik, nɛ merii ɛɛk ŋaadiyɛɛkɛ sigaagɛ kookoriik sigɛ kaasɛɛɗii eemɛyɔn Waakoyotoŋkuk.

Roome 8:10

Yakana ɔkɔn ar Kerese iinakɛ takiŋ, nɛ ege taar noŋk reten agut tikiyɛ, mayakana ege wɛɛŋa goŋk bɔdtaanak agut mentanka taamɛkɛ Waakoyotoŋkuk.

Roome 9:23

Nɔɓa ariɗ sinik ɗɛyɛɓa kɛnɔ yaaŋɛ eemɛyɔn nɛɛk sinɛ obiiŋɔŋk, sinɛɓa gupatik eteŋka raŋana sigaaga eteŋk ola gɛɛŋk maariyeetoŋkuk, sigaagaɓa tin ragadi kɛnɔkoy boŋii eemɛyɔn nɛɛkik,

Omoŋ Korontoosuk 3:16

A kiir ɗegerɔɔn kɛ iinak Gode sinɔ Geetitank Waakoyotoŋk ɛ atu Wɛɛŋa sigɔ Geetitaanak iinakɛ taki?

Pɛɛyeen Korontoosuk 2:14

Yakana in dakɛr pɔɔsiyɛɛk Waakoyota sinaana tin ari a lɔsiɗikii Keresee ɓɛɛnyɔwɛ gɛɛŋk baŋɛ a tin yaaŋɛ a tin dɛnɛɛŋɔŋk, ɛ duuŋe ŋaaka nɛɛkɛ joopa baŋɛ goy naŋk.

Pɛɛyeen Korontoosuk 4:17

Agut sinɔ rakatɛ naŋk sini tɛmŋɔŋk ɛ ɔɔtɛya sinɔɔna balaaŋɔŋk ɗɔku tina any sinɔ reemɗi ɓayɛk a eemɛyɔn sinɛkoy nɔkoy nɔkoyk sinɔ kaalɛ rakatɛ naŋkik.

Pɛɛyeen Korontoosuk 4:6

Agut sinɔ ariɓa a ɗaawu pɛɗɛrka nɛɛkɛ ɓayɛtunɛɛkɛ gaŋk tak Waakoyo sinɛɓa tonu kɛ, "In pɛɗɛrkaat ɗaawu nyuugur takik," kɛnɔ tina gaɓɛ taamɛkɛ Kereseek pɛɗɛrka ɗegerɔɔn eemɛyɔn nɛɛkɛk.

Pɛɛyeen Korontoosuk 6:16

Gode sinɔ Geetitank Waakoyotoŋk a raŋaawo latu lalaŋ kɛ jikon? Agut sinɔ eteŋk Gode sinɔ Geetitank Waakoyo sinɛ bɔdɛɛk oko sinɛɓa toniiɗ Waakoyot kɛ, "Araakoy nyon naak beeɗitoŋk joope gaanɛ kɔɔr, nɛkoy weeweriiki a sɛɛg agut omoŋ. Dakakoy sɛɛga a Waakoyo nɛŋk, makoy ɓɔrɛ sɛɛg joop gaaŋk."

Gɛlatiyaa 2:20

Beeɗ sisɔ Kerese eete tak, ma saak kaa beeɗit wɛɛŋaka gaanak. Beeɗit naakɛ sinaanɛ taareek beeɗa a ŋaadiɗika Toomoy Waakoyotoŋk sinaanɛɓati poru nɔɓa gaɓɛ ɛɛk nɛɛk agut eetik.

Gɛlatiyaa 4:19

Iinak tɔɔmɔk gaaŋk, suusuwiti amɗ mɛlɛɛɗa nɔkɔɔ dɛnɛɛɗɛɛ ɓɛɛl Kereseek iinakɛk.

Epesoon 1:7

Laŋiiɓa tɔŋɔɗ tikiyɛ gaŋkik ɓaliiɗ yɛrom tɔɔn nɛɛk sinɛ poruk oko obiika wookan nɛɛkik.

Epesoon 2:22

Kɛnyɛ ɓɔrɛ kɔnu Wɛɛŋakɛ Kereseek kɛnɔ iinak gode sinɔ beeɗiɗ Waakoyotuk.

Pilipisiyoos 4:19

Enyɛrkɔɔ kɔna Waakoyot any sinɛ kɔna ɗɛyɛk baŋɛ worii sinaanɛkoy ki pediik eemɛyɔɔn nɛɛkɛk goy Yeese Kereseek a ŋaaŋayikiŋ.

Kolasiis 1:5

Tiyɛɛrkan saakan mɛlɛrkiɗ tuki nɛɛkɛ ŋaadiyɛ sigɛ kookorarik son lak iinakik eekeer Pɛɛni sinɔ Ɓɛlkɛɛstankiŋ, agut sini ŋaadiyɛ goŋk a mɛyin noŋk tukɛɛɓa ŋaadiyɛɛkɛ a ŋaadiyɛɛkɛ sigaagɛ kookorarik raŋk sigaagɛɓa ragadkuunɛɛ nɔkɔnu kookorarkun darik.

Kolasiis 2:3

Dugiɗiɓa sooy lak sɛɛnik ɗegerɔn sinɔ kiiɗɛ sukuk a ɗegerɔn ɛɛkoŋk baŋɛ.

Kolasiis 3:11

Ant sineene kɛɛ pakakat joope sigɔɔgɛ moko Ayuuduk a joope Ayuuduk, a joope sigɔɔgɛɓa yayawɛɛŋɔŋk a sigɔɔgɛɓa kɛ yayawɛɛk, a joope sigɔɔgɛɓa kir gayɛ a sigɔɔgɛɓa gayɛrŋɔŋk, a joope sigɔɔgɛ laaŋoyeerk a sigɔɔgɛ atu yaakaatik kɔɔr. Keresee baŋɛ, beeɗ joope baŋɛ.

Omoŋ Timotiyoosuk 1:1

Ege sini wargatɛ sinɔ taapɛɛrɛ seey lak Paawuloos sinɛ wosɛytan Yeese Kereseek sekiyɛɛkɛ Ebɔdtan naŋk, Waakoyote a ŋaadiyɛɛkɛ gaŋk sigaagɛ kookoriik Yeesee,

Ibirawiyaan 6:19

Ŋaadiyɛ sigi kookoriik wɛɛŋaka gaŋk sigɔ ito awɛ sinɔ ɗiliŋɔŋk sinɔ ki ɓeeɓesiitik, nɛ tin arir a guugunyirii Geetitaana Geetitaanakoŋk dariyoŋk takana ant sinaanɛɓa biriitɛɛk goyse baŋiyaak.

Omoŋ Yowanisik 4:4

Iinak tɔɔmɔk gaaŋk, sigɔ tɔɔmɔk Waakoyotoŋk, agut sinɔ kaalɛrɗi wɛɛŋa sigɛ latukarik wɛɛŋa ɗookoŋk baŋɛk, nɛɓa lɔsɛɛr rɔɔriytaanak sigɛ nyonkaanakiŋ.

Dɛnɛɛ Pɛrka Yowanisik 3:20

Dɛnko, ɛta tugaat nɛ ɓɔɔkɛyɗikaaŋ. Ɔkɔn lakɛ iɗit sinɔ tiyɛ koŋgoy naak nɛta tayɛ tuga nɛɛkiŋ, nɛ guugunyura son lak sɛɛnik nɛ ɗamikii a sɛɛn agut omoŋ, maɓɔrɛ ɗamikii a Eet agut omoŋ.