Kolasiis 1:24 - Kuumeet Sinɔ Tɔɔnuk Ad Majaŋeeroŋk

²⁴ Yaata sisɔ agut rakatɛ sinɛ laŋka agut iinakik buusɛɛ naakɛkik, agut sinɔ enyɛɛrakɔ any sinɛ bitak sɛɛnek rakatɛɛ sinaanɛɓa laŋkik agut gode Sambatɛyoŋk sinɛ ɛɛk nɛɛkik sinaanɛ kaasɛɗa rakatɛ Kereseek.

Kolasiis 1:24 Iomraidhean Croise

Markoos 10:39

Nɛɓa sɛɛk tonur kɛ, "Ii, ooliiŋ." Nɛɓa Yeese tonu sɛɛga kɛ, "Eekeerɛ uteerkɔɔ tuu sinɛkɔɔ utaakiŋ, ɛkɔɔ kɔnu aadɛɛ aadiit sinaanɛ kɔɔtu aadiiɗɛkiŋ,

Ijaag Wosɛytaanakoŋk 5:41

Nɛɓa ŋaararki wosɛytaana saadi ma yaa sɛɛgaŋ, agut sinɔkan ariiɗ Waakoyot a gayɛr nɔ daraayɛɛ sɛɛg agut tiriya Yeeseek.

Roome 5:3

Moko sineene dakɛɗa, yaaɓɔrɛ tina rakatɛɛ naŋkiŋ, agut sinɔ ɗegerii kɛ laŋɛɛ rakatɛɛ ɓaŋkaawurɔɔn oolaanik,

Roome 8:17

Ɔkɔn sisɔ eteŋk tɔɔmɔkuŋ, nɛ eteŋk joop sigɛkoy mooniik, eteŋk Waakoyotoŋk sigɛkoy mooniik a Keresee agut omoŋɔŋk. Ɔkɔn eteŋk kaastaanak rakatɛ nɛɛkik a sɛɛn agut omoŋ eekeerɛŋ, nɛɓɔrɛ eteŋk sigɛkoy kaasii eemɛyɔn nɛɛkik a sɛɛn agut omoŋɔŋk.

Omoŋ Korontoosuk 12:27

Iinak ɓɔrɔ ɛɛk Kereseek, iinak a omoŋ omoŋ iinak nyonitaak ɛɛk nɛɛkik.

Pɛɛyeen Korontoosuk 12:15

Yaata a kɛygun gaɓa wori sinɛ lakaak baŋɛ, a wɛɛŋa gaaŋk agut iinakiŋ. Anɛ ɔkɔn kɔnu pora a ɛtɛ oko sinikiŋ, nɛti poriir a balaaŋ?

Pɛɛyeen Korontoosuk 6:10

Kɛygun sanɗikaayiŋ nɛ tina yaa ɓɛɛnyɔwɛ gɛɛŋk baŋɛ, a eteŋk giroykaanak nɛ arii joop a ɓɔɔkaaŋ a worikaanak, a tine kɛɛ any ara ma ege any baŋɛ naŋk.

Pɛɛyeen Korontoosuk 7:4

Laka ŋaadiyɛ sigɔ ɓɔɔkaaŋɔŋk iinakɛ raŋk. Laka meri ɛɛkoŋk sinɔ obiiŋɔŋk iinakɛ raŋk. Gaanana ɛɛk iinakɛ, yaata jɛt rakatɛɛ naŋk baŋɛ.

Epesoon 1:23

Sɛɛn ɛɛk sinɛ enyɛr ola baŋɛ olaatɛ baŋɛk enyakaat nɛɛkɛkik.

Epesoon 3:1

Eet Paawuloos sinɛ korkortan Yeese Kereseek ɗanɗamaaka Waakoyota agut iinak sigɛ moko joop Ayuuduk.

Epesoon 3:13

Kalɛya kɔnu kɛ kat jibaatɛɛ agut rakatɛ sinɛkan laŋka agut iinakik, ege sini eemɛyɔn noŋk.

Pilipisiyoos 3:10

Ma omaay kɛnɔ ɗegera Keresee a ɓaŋkawuka ŋaarin nɛɛk ret walsak kɛnɔ ɓɔra laŋa rakatɛ nɛɛk, ɛ kɛnɔ gaaya sɛɛn ret nɛɛkɛk.

Kolasiis 1:18

Nɛ ege Kerese ɔɗɔ gode Sambatɛyoŋk sinɛ ɛɛk nɛɛkik. Agut sinɔ kɛnɔ dakɛ a tuktan olaatɛ baŋɛk, nɛɓa ɓɔrɛ ŋaarin ret walasak ɔɗɔwen ɛ Sɛɛn tuktan.

Pɛɛyeen Timotiyoosuk 1:8

Kat lakin keeny waasiyɛɛka agut Suumi naŋkik. Ɛ ɓɔrɛ kat lakin keeny eete sinaanɛkanti korkoɗɛɛ agut Sɛɛnik. Yakana daki a iin kaastan rakatɛyoŋk a eet agut omoŋ agut Pɛɛni sinɔ Ɓɛlkɛɛstank ɓaŋkawukaat sinaanɛ tina gaɓɛ Waakoyotuk,

Yaykoob 1:2

Iinak manyaakak eeta sigɛ dooytaanakik, saa laŋirkiɗɔ rakatɛyɛ sigɔ ɓɛɛlɛr kundiyaakɛk nɛ in boŋɛ a itokɔna yaaŋ baŋɛ.