Kolasiis 1:23 - Kuumeet Sinɔ Tɔɔnuk Ad Majaŋeeroŋk

²³ Nɔ ɓɛɛlɛɛɗ oko sinikik saa beeɗirɗɔ a nomɛrɗɔ ŋaadiyɛ goŋk sigɔ ɛtɛr nyon sinɔɔnɛ ɓaŋkawuŋɔŋk, a kiir wideeɗ ɛɛk ŋaadiyɛɛkɛ sigaagɛ kookorarik Pɛɛnii sinɔɔnɛ Ɓɛlkɛɛstank. Nɛ ege sini Pɛɛni sinɔ Ɓɛlkɛɛstank sinɛɓa tiyɛɛrik ɛɓa waasɛɛ olaata sigaaga atu ɗook raŋk, eet ɓɔrɛ Paawuloos sinɛkɔ daka a laaŋoyenk Pɛɛniya sineena Ɓɛlkɛɛstank.

Kolasiis 1:23 Iomraidhean Croise

Markoos 16:15

Tonuɓa sɛɛga kɛ, "In kɛɛɗɛ ɗoo baŋɛ, nɔ kɛɛɗɛ waasɛ Pɛɛni sini Bɛlkɛɛstank joopa baŋɛ.

Lukaas 22:32

Yakana saak ɗanɗamaaka kɔna kɛnɔ kat badɛr ŋaadiyɛ goonɛk. Saakɔɔ weerikiɗin tikiyɛɛkɛ Waakoyotak baŋiya, ari masookoyak a in ɓaŋkaawurar."

Lukaas 6:48

Gayi a iɗit sinɔkan kɛny gode talaaɗɛ raŋk a kɔwu a ɓukuurŋɔŋk. gonarki maaw teeteyoŋk nɛ direr maawu gɛɛnɛ gode sinɛ, nɛkan ki oolɛ a ɓeesiɗiiŋ agut sinɔkan kɛnyɗɛ soodi ɓaŋkawuŋɔŋkuk.

Yowanis 15:6

Iɗit sinɔ ki beeɗit eeteek ito rɛkɛnan sinɔ oriirɛɛ walasa nɛ paalorŋɔŋk. Nɛkɔɔ tolɛɛ nɛ oriirɛɛ maɗa nɛ ɗamŋ.

Ijaag Wosɛytaanakoŋk 1:17

Yuudaa sɛɛnkan a eteŋk agut omoŋ ijaag naŋk."

Ijaag Wosɛytaanakoŋk 1:25

yaaŋ tina iɗit sinɛkɔɔ boŋu nyon Yuudaak sinɛkɔ ŋɔr ijaag nɛɛk wosɛyɛɛtoŋk saakɔ ŋaarɗi nyona nɛɛkaakik."

Ijaag Wosɛytaanakoŋk 1:8

Mayakana saakoy kɔna kurakiɗ Wɛɛŋa sigɔ Geetitaanakik raŋanaak nɛkoy boŋiir ɓaŋkawuka, nɛkoy waasiɗiikar agut eet sinɔɔnɛ Yorsaleemuk, sinɔɔnɛ ɗoo Yuudaak baŋɛ, sinɔɔnɛ Sɛmaariyaak, mɛlɛɛɗa kɛntɛya ɗookoŋk."

Ijaag Wosɛytaanakoŋk 11:23

Nɛ saaɓa kɛɛɗik dɛnɛɓa a kɔ gaɓɛ Waakoyot wookan nɛɛk joopa gɛɛnaakik, nɛɓa yaageeɗiŋ. Nɛɓa rɔɔriy sɛɛg kɛnɔ beeɗir a sɛɛg ŋaadɛɛ Waakoyote sɛɛg baŋɛ, ɓayɛ nɛŋk baŋɛ.

Ijaag Wosɛytaanakoŋk 14:22

Nɛɓa rɔɔriyar ŋaadtaanak saadi kɛnɔ ɛtɛr ŋaadiyɛɛkɛ gɛŋk a ɓaŋkawuŋ, nɛɓa tonur sɛɛga kɛ, "Ɗɛyɛ tina a laŋkii rakatɛ sinɔ obiiŋɔŋk nɔkoy guugunyɗii burɛya Waakoyotoŋkuk."

Ijaag Wosɛytaanakoŋk 2:5

Saaɓak joop Ayuuduk sigɔɓa ɓaŋkaawar ɗanɗamɔɔnuk sigɔɓa kurak ɗokanɛɛkɛ sigaagɛ ɓɛɛlɛr ɗook raŋk ɓɛɛlɛrɓa Yorsaleeme.

Ijaag Wosɛytaanakoŋk 20:24

Yakana kaa aasi saak koɓiit wɛɛŋaka gaanak, nɔkoy ruumeeɗa ijaag naak wookan Waakoyotoŋk a rɔɔriyɔn Pɛɛni sinɔ Ɓɛlkɛɛstank ɛ nɔkoy ruumeeɗa ijaag sinɛɓata gaɓɛ Suumi Yeeseek.

Ijaag Wosɛytaanakoŋk 26:16

Ŋaari raŋana nɔ ɛtin. Yaaŋa kɔna ɛɛk kɛnɔnu daama kɛnɔta dakin a ijaagen nɔ waasin joopa any sinɛkɔ dɛnin agut eetik a sinɛkɔɔna yaaŋa ɔɗɔɔkak.

Ijaag Wosɛytaanakoŋk 4:12

Laki bɔdɛ sɛɛn dakɛɗa. Kɛɛ dari goyse ɗeek iɗit sinɔɓa gagiɗɛ tiriya sigɔkoy bɔdɛɛɗiiŋɔŋk sɛɛne sɔgɔɔsɔyk."

Roome 10:18

Yakana kɔɔniyaaka kɛ kirɓa weenta? Tiyɛrɓa eekeerɛ oko sinɛ toniiɗ Wargatɛ Waakoyotoŋk kɛ, "Tiyɛɛɓa koŋgoy nɛŋk ɗoo baŋɛ, mɛlɛɓa any sinɛ tonurk kɛntɛya ɗookoŋk."

Roome 15:16

kɛnɔ daka a ijaagen Yeese Keresee joopa sigɔɔga moko Ayuuduk tapaaɗiikent ŋaadiyɛɛkoŋk sinɔɔnɛ ijaagiɗa pɛɛni sinɔ ɓɛlkɛɛstank Waakoyotoŋk, kɛnɔ boŋɛɛ uduŋeet joop sigɔ moko Ayuuduk a yaaŋ, ɛ geetɛ sɛɛg Wɛɛŋakɛ sigɔɔgɛ Geetitaanakik.

Roome 2:7

Gaɓɛkoy sɛɛga bɔdɛ sinɛkoy nɔkoy nɔkoyk joopa sigaaga ɛtɛr a ɓaŋkawuŋɔŋk ijaaga any sinɔ mentanŋɔŋk ɛ ɗɛyɛr eemɛyɔn, a pɔɔsiyɛ, a any sinɔkoy ki badɛɛk,

Roome 5:5

Kir tin ariiɗ ŋaadiyɛ sigɛ kookoriik a lakii keeny, agut sinɔ gupatɗiik kan tina mɛyin Waakoyotoŋk ɓayɛtunɛɛka gaŋk goy Wɛɛŋa sigɔ Geetitaanakik sigɛɓa tina gaɓɛɛk.

Omoŋ Korontoosuk 15:58

Iinak manyaakak eeta sigɛ dooytaanakik sigɛ porɛɛk, In ɛtɛɛ a ɓaŋkawuŋ. Kat ɓeesiɗiikari ant omalte. In ɓaŋkaawurɛɛ otoop kɛnɔ ijaagiir ijaag Suumiyoŋk, a kat yawɛɛriɗ a ɗegerari kɛ moko bɔɔlakari ijaaga Suumiyoŋk kanysɛya.

Omoŋ Korontoosuk 3:5

A ege sɛŋk Apiloos wooɗ? Maɓɔrɛ Paawuloos wooɗ? Egetɔ sɛɛk ijaageer sigɛkan kɔnu arir kɛnɔ ŋaadiɗikarik. Ijaagɗiɗ sɛɛk ijaag sinɛkan sɛɛga gaamu Suumii a omoŋ omoŋɔŋk.

Pɛɛyeen Korontoosuk 10:1

Eet Paawuloos kalɛya kɔnu rikiteet ɛɛkoŋk a mentankaat Kereseek. Saa eet a iinakik agut omoŋ nɛti tonɛɛ kɛ leemkank, ma saa yowɛrkiɗa kɔnek nɛti tonɛɛ kɛ diirkank.

Pɛɛyeen Korontoosuk 11:23

Sɛɛg ijaageer Kereseeki? Eet ɓɔrɛ ijaagen Kereseek a kaala sɛɛg. Tona sini okokɔ maratikaanoŋk. Bɔɔlaakakan ijaag agut ɓɔɔkaaŋ a kaala sɛɛg, korkoɗɛɛkanti agut ɓɔɔkaaŋ a kaala sɛɛg, ɗiŋɛɛkanti agut ɓɔɔkaaŋ, ŋayɗiikakan rakatɛɛ retoŋk agut ɓɔɔkaaŋ,

Pɛɛyeen Korontoosuk 3:6

Ariɓa tin a gayii a eteŋk ijaageer kuumeet sinɔ tɔɔnuk, sinɛɓa tukiɗik Wɛɛŋakɛ sigɔɔgɛ Geetitaanakik, ma moko taaptaanakɛ raŋk, agut sinɔ ɗɔkarki taaptaana rer ma Wɛɛŋa sigɔ Geetitaanakik gaɓɛr bɔdɛ.

Pɛɛyeen Korontoosuk 4:1

Agut sinɔkan tina gaɓɛɛɗ Waakoyot ijaag sini mentankaat nɛɛkɛkik, nɛ kii yawɛɛɗ ŋaadiyɛ sigɛ kookoriik.

Pɛɛyeen Korontoosuk 6:1

Kalɛyii kɔnu kɛ kat ŋɔɗɛɛ wookan Waakoyotoŋk sinɛkan boŋiirik kanysɛya oko sinɛ ijaagɗiɗii a Waakoyo agut omoŋɔŋk.

Gɛlatiyaa 4:11

Kaɗiigiɗa sinɔ kɛ kaɗɛɛŋ bɔɔlaaka kanysɛya agut iinakik.

Gɛlatiyaa 5:5

Yakana seek kookorii mentanka ŋaadiyɛɛkoŋk goy Wɛɛŋa sigɔ Geetitaanakik a ŋaadiyɛɛkɛ.

Gɛlatiyaa 5:7

Reerirkɔɔkɔ a mentan mɛlɛɛɗa sisɔwa. Anɛ kɔnu sisɔ ɓaarɗi wooɗ kɛnɔ kirɗɔ tiiɗit eekeeraak?

Gɛlatiyaa 6:9

Agut sini kat bɔɔlaakii ijaag any sinɔ mentanŋɔŋk. Ɔkɔn kii jibaatɛtiŋ, nɛkɔɔ ɗootiɗikii saakɔɔ gayɛɛɗ ɔɔtɛ ɗootaanoŋkuŋ.

Epesoon 1:18

Ɗanɗamaaka kɛnɔ ɓuukiɗi kalbiyɛ goŋk ɛ kɛnɔ ɗegerari kɛ riygiɗɛɛkan kɔnu ŋaadiyɛ sigɛ kookoriik kɛ jikonak ɛ kɛnɔ ɗegerari kɛ obi geet sinɛkoy gaɓɛ Waakoyot joopa gɛɛnaakik a ɛtɛ ɛk.

Epesoon 2:21

Arɛɛ kɛnɔ in ɓɔlɔɔrɛ a Gode sinɔ Geetitank Suumiyoŋk, nɛ tootokɛɛ gode nɛɛk baŋɛ sɛɛne.

Epesoon 3:17

ɛɓɔrɛ ɗanɗamaaka kɛnɔ beeɗ Kerese ɓayɛtunɛɛkɛ goŋk ŋaadiyɛɛkɛ, ɛɓɔrɛ kɛnɔ gaɓɛɛr tiltilɛ ɛ kɛnyari ɛɛk mɛyin,

Epesoon 4:16

Tootoki Sɛɛne nyonitaak ɛɛk etoŋk sigɛ ɓɛɛlɛr kundiyaakɛk. Tootokii ɛ gaagami ɛkan baŋɛ meelatɛɛkɛ, agut sini nyonitaak ɛɛk etoŋkuk a omoŋ omoŋ ijaagiiɗ ijaag sinɛɓa gagiɗɛɛk, nɛ ɓɔlɔɔrɛ ɛɛk baŋɛ nɛ enya mɛyin.

Kolasiis 1:25

Gaɓɛkanta Waakoyot ɔɗɔwikeen ijaag gode Sambatɛyoŋk kɛnɔ kɔna waasa Pɛɛni nɛɛk a kɛɛ sinɔ ŋɔɗaak.

Kolasiis 2:7

in gaɓɛɛ tiltilɛ sɛɛne, ɛ kɛnyɛɛ beeɗit noŋk sɛɛne, in beeɗɛɛ a ɛtɛɛ ŋaadiyɛɛkɛ a ɓaŋkawuŋ oko sinɛɓa kɔnu rɔɔriyɗɛɛk. In wideerɛɛ pɔɔsiyɛ sigɔ ɓɔɔkaaŋɔŋk.

Omoŋ Tɛsɛlonkeek 3:3

Nɛkɔ kɔnu ar rakatɛ sini laŋirkɔɔk kɛnɔ kat lakɛ iɗit sinɔ ɓeesiɗiik. Ɗegerari kɛ ege rakatɛ sini any sinɛkan tina gaamɛɛk.

Omoŋ Tɛsɛlonkeek 3:5

Agut any sini kaaɓɔ oolɛ a koorika oolaan seedi sonŋɔŋk, nɛkan wosɛyɛɛra Timotiyoos son lak iinakik kɛnɔ ɗegera ŋaadiyɛ goŋk. Kaɗiigiɗakan any sinɔ kaɗɛɛŋ paari kɔnu setan nɛkɔ ijaag naŋk dakɛ kanysɛya.

Omoŋ Tɛsɛlonkeek 5:8

Mayakana agut sinɔ seek eteŋk joop pɛɗɛrkaatoŋkuk, nɛkoy beeɗii a koorii ɛɛk kɛ ɗɔm, koy kadii ŋaadiyɛ a mɛyin oko any kaarnoŋk sinɔ koldɛ kokomk, koy kadii ŋaadiyɛ sigɛ kookoriik bɔdɛɛɗoŋk oko dooroy kaarnoŋk.

Pɛɛyeen Tɛsɛlonkeek 2:16

Suumi naŋk, Yeese Keresee ɔɗɔwa nɛɛka, a Ɛpɛn eteŋka Waakoyo sinɛɓa tin poru wookaan nɛɛkɛkik, ɛɓa tina gaɓɛ gaananit sinɛkoy nɔkoy nɔkoyk, goy wookan nɛɛkik a ŋaadiyɛ sigɛ kookoriik sigɛ koy nokoy nokoyk sigɛ mentaanaŋɔŋk,

Omoŋ Timotiyoosuk 1:12

Pɔɔsa Suumi naŋk Yeese Keresee sinɛkanti ari a eekerkank, ɛ kanti daam nɛta gaɓɛ ɓaŋkawuka kɛnɔ ijaagɗika sɛɛnakiŋ.

Omoŋ Timotiyoosuk 2:7

Tona eekeer, ma moko tona nyon. Daamɛɛkanti a ito eet rɔɔriytan a wosɛytan kɛnɔ laaganya any sini joopa sigɔɔga moko Ayuuduk agut ŋaadiyɛ a eekeer.

Omoŋ Timotiyoosuk 3:16

Ege sini obiiŋɔŋk dugtan ŋaadiyɛ gaŋkik sinɛ kiigiɗɛ koɓiiɗak a pɛɛyk. Yaaŋɛɓa Sɛŋk ɛɛk a sɛɛn iɗit, ɗegerɛɛɓa eekeer gɛɛŋk kɛ mentan taamɛkɛ Waakoyotoŋk Wɛɛŋakɛ, ɛɓa yaaŋɛ ɛɛk wosɛytaanaka Waakoyotoŋk, ɛɓa waasɛɛ joopa baŋɛ, ɛɓa ŋaadiɗiiɗ joop ɗookoŋk baŋɛ, ɛɓa ŋaar eemɛyɔɔn dariya.

Tiito 3:7

Nɔkan ariiɗ sinik kɛnɔ mentankii taamɛkɛ Waakoyotoŋk wookaan nɛɛkɛk, kɛnɔkoy moonii wɛɛŋa sigɛkoy nɔkoy nɔkoyk sigɛ kookorii sɛɛg ŋaadiyɛɛkɛk.

Ibirawiyaan 10:38

ɛɓɔrɛ iɗit sinɔ mentan taamɛkɛ Waakoyotoŋk beeɗ ŋaadiyɛɛkɛ, ma ɔkɔn weeri baŋiyaaŋ, nɛ ki yaaka ɓayɛ naakɛ agut sɛɛn."

Ibirawiyaan 3:14

Eteŋk koy kaastaanak Kereseek, ɔkɔn gaamii a ɓaŋkawuŋ ŋaadiyɛ sigɛɓa lakii tuki mɛlɛɛɗa pediyaakiŋ.

Ibirawiyaan 3:6

mayakana ŋaadɛɛ Keresee a ito tɔɔn wɛyoŋk Godeey Waakoyotoŋk. Eteŋk gode nɛɛk ɔkɔn gaamii a ɓaŋkawuŋ ŋaadiyɛ sigɛ kookoriik a sigɛ meriiɗii ɛɛkikiŋ.

Ibirawiyaan 4:14

Koy gaamii ŋaadiyɛ gaŋk a ɓaŋkawuŋ agut sinɔ lakiɗii ɔɗɔwen tapa ŋaadiyɛɛkoŋk sinɔ obiiŋɔŋk sinɛɓa ŋaar dariyaak Yeesee Tɔɔn Waakoyotoŋk.

Ibirawiyaan 6:19

Ŋaadiyɛ sigi kookoriik wɛɛŋaka gaŋk sigɔ ito awɛ sinɔ ɗiliŋɔŋk sinɔ ki ɓeeɓesiitik, nɛ tin arir a guugunyirii Geetitaana Geetitaanakoŋk dariyoŋk takana ant sinaanɛɓa biriitɛɛk goyse baŋiyaak.

Omoŋ Petrosuk 1:3

In dakɛr pɔɔsiyɛɛk Waakoyota Ɛpɛna Yeese Kereseya, Suumiya naŋk. Ɓartɛkan tin Sɛŋk ɓartiyɛɛkɛ sigɔɔgɛ tɔɔmɔkuk a ŋaadiyɛɛkɛ sigaagɛ kookoriik sigɛkoy kir badɛɛk agut maariyeet Nɛɛk sinɛ obiiŋɔŋk a ŋaarin ret walasak Yeese Kereseek,

Omoŋ Petrosuk 1:5

Kookorɛɛɓa ɓɔrɛ kɔnu goy ŋaadiyɛɛkoŋk, ɓaŋkawukaat Waakoyotoŋk bɔdɛɛɗa sinaanaɓa ragadɛɛ nɛkoy mɛlki waawuy sinaanɛkoy pediyaak,

Omoŋ Yowanisik 2:27

Agut sinɔ atukuɗ Wɛɛŋa sigɛkan boŋiir sɛɛg sooy lak Sɛɛnik iinakɛ takik, ki kɔna ɗɛyɛ rɔɔriytan om. Rɔɔriyar kɔnu sɛɛk olaatɛ baŋɛ, eekeer any sinɛ kɔnu rɔɔriyarɗik, ma moko nyon. Agut sini in beeɗɛɛ Keresee.

Dɛnɛɛ Pɛrka Yowanisik 2:10

Kat ɓurun rakatɛ sinɛkɔɔna mɛlkik. Dɛnko, gaɓɛkɔɔ kɔnu setan a omoŋ omoŋ godeya korkoɗɔɔnoŋk kɛnɔ kɔnu paariɗ, nɛkɔɔ laŋirkɔ rakatɛ a ɗoŋ aarin. In iin eekerkan kɛygunnu arkaayɛ a ito rɛɛrin, nɛkɔɔna gaɓa dooroy eemɛyɔɔnoŋk wɛɛŋakoŋk.