Kolasiis 1:18 - Kuumeet Sinɔ Tɔɔnuk Ad Majaŋeeroŋk

¹⁸ Nɛ ege Kerese ɔɗɔ gode Sambatɛyoŋk sinɛ ɛɛk nɛɛkik. Agut sinɔ kɛnɔ dakɛ a tuktan olaatɛ baŋɛk, nɛɓa ɓɔrɛ ŋaarin ret walasak ɔɗɔwen ɛ Sɛɛn tuktan.

Kolasiis 1:18 Iomraidhean Croise

Maatiyoos 23:8

"Mayakana sɔɔk kat kɔnu riyɛ kɛ rɔɔriytaan, ege rɔɔriytan noŋk omoŋ, ma sɔɔk ito iinak masiikeenak sigɔ rɔmaaŋɔŋk baŋɛ.

Maatiyoos 28:18

Wideerɓa Yeese ɛɛk son lak sɛɛgik nɛ tonu sɛɛga kɛ, "Gaɓɛɛɓata ɓaŋkawuka baŋɛ dari a ɗook.

Yowanis 1:1

Olaatɛ baŋɛ tuki nɛɛkɛɛk lakɛɓa Pɛɛni. Pɛɛni nɛɛk arɓa sooy lak Waakoyok. Pɛɛni sini Waakoyoɓa.

Yowanis 1:16

Boŋiikɔ wookan wookaana raŋana eteŋk baŋɛ enyaakaat mɛyin nɛɛkik.

Yowanis 1:27

Mɛlkikɔɔ sɛŋk eete baŋi, kaa saak oolɛ a woora melti saamɛyɛ gɛɛŋkikŋ."

Ijaag Wosɛytaanakoŋk 26:23

Tonurɓa sɛɛk kɛ, 'Laŋkikoy Keresee rakatɛ, ŋaarkikoy ɔɗɔɔkɛ ret walasa sɛɛn. Nɛkoy yaaŋɛ pɛɗɛrka bɔdɛɛɗoŋk joopa Israeelik, a joopa sigaaga moko Ayuuduk.' "

Roome 8:29

Agut sinɔ ruumeɓa jeemɛ Waakoyot joopa sigaagaɓa ɗeger sɛɛg jeemɛ kɛnɔ gayar Tɔɔn nɛɛk, kɛnɔ dakɛ a tekaayan manyaakakɛ sigaagɛ ɓɔɔkaak kɔɔr,

Omoŋ Korontoosuk 11:3

Ɗɛya kɛnɔ ɗegerari kɛ ege Keresee ɔɗɔ moojakoŋk baŋɛ, maɓɔrɛ ɔɗɔ jartiyoŋk mooy, ma ɔɗɔ moojoŋk Waakoyo.

Omoŋ Korontoosuk 12:27

Iinak ɓɔrɔ ɛɛk Kereseek, iinak a omoŋ omoŋ iinak nyonitaak ɛɛk nɛɛkik.

Omoŋ Korontoosuk 15:25

Agut sinɔ ɗɛyɛ a tapaaɗani Kereseeŋ mɛlɛɛɗa nɔkoy sɛɛna Waakoyot ariiɗ gumaakeer gɛɛŋk a atu derakɛ gɛɛnɛ goyse ɗeekik.

Epesoon 1:10

Saakoy gayɛɛɗ eme sinɛɓa gaamu Waakoyotuk, nɛkoy sonysoomɛ ola sigɛ atu dari a ɗookuk baŋɛ a atu ɓaŋkawukaat suumiikent nɛɛkɛ goyse ɗeek.

Epesoon 5:23

agut sinɔ baabuy ɔɗɔ jartiyoŋk oko sinɛ ege Kerese ɔɗɔ gode Sambatɛyoŋkuk, nɛ Sɛɛn ebɔdtan gode Sambatɛyoŋk sinɛ sɛɛn ɛɛk nɛɛkik.

Kolasiis 1:24

Yaata sisɔ agut rakatɛ sinɛ laŋka agut iinakik buusɛɛ naakɛkik, agut sinɔ enyɛɛrakɔ any sinɛ bitak sɛɛnek rakatɛɛ sinaanɛɓa laŋkik agut gode Sambatɛyoŋk sinɛ ɛɛk nɛɛkik sinaanɛ kaasɛɗa rakatɛ Kereseek.

Kolasiis 2:19

Iɗit sinɔ ito sinik kiiɗɛ lalaŋ a Keresee sinɛ ɔɗɔ ɛɛkoŋkuk. Aawoy Waakoyot omaayikeen ŋaadtaanakoŋk oko ɗɛyan nɛɛk Keresee, oko sini tootokiiɗ nyonitaak ɛɛkoŋk baŋɛ meelatɛɛkɛ agut omoŋ nɔ ɓɔlɔɔrɛrɗik.

Omoŋ Yowanisik 1:1

Taapiɗiira kɔna sisɔ agut Pɛɛni Wɛɛŋakoŋk sinɛɓa ɓɛɛlɛ olaatɛ baŋɛ tukik. Sɛɛn sinɛɓa tiyiik ɛɓa dɛnii tamunɛɛkɛ gaŋkik, nɛɓa mermenii ɛ gaamii arnɛ gaŋkik.

Dɛnɛɛ Pɛrka Yowanisik 1:18

ɛ Eet bɔdtank makan rɛɛrkaayaŋ, nɛ dɛnko Eetɓɔ bɔdtan nɔkoy nɔkoyk. Laka kulpiyɛ retoŋk a siiooluk ariit naakɛk.

Dɛnɛɛ Pɛrka Yowanisik 1:5

a Yeese Keresee sinaanɛ waasigiɗɛɛ eekeerik, sinɛ tekaayan reteerɛɛk, a sinɛ ɓali suumiyɛ ɗookoŋkuk. Sɛɛna sinaana tin poruk ɛɓa tin boŋku tikiyɛɛkɛ gaŋk yaakata yɛrom nɛɛkɛkik

Dɛnɛɛ Pɛrka Yowanisik 1:8

Tonu Suumii Waakoyot sinɛ ɓɛɛlɛ, ɛɓa ɓɛɛlɛk, ɛkoy mɛlkik, sinɛ Oolɛ ola Baŋɛk kɛ, "Eet sinɛ Alpaa ɛ Omeegaak."

Dɛnɛɛ Pɛrka Yowanisik 11:15

Gotɛkan wosɛytan Waakoyotoŋk tula pɛɛyeen nɛɛkɛ luuri nɛɛk, nɛkan tiyɛ koŋgoyiik sigɔ ɗoorurŋɔŋk dari a tonur kɛ, "Dakɛkan burɛ ɗookoŋk a burɛ Suumi Waakoyo naŋkik ɛ Kereseek, ɛkoy tapaaɗaani nɔkoy nɔkoyk."

Dɛnɛɛ Pɛrka Yowanisik 21:6

Ɛkanta tonu kɛ "Dusanɛɛkɔŋ, Eet sinɛ Alpaak ɛ Omeegaak, sinɛɓa tukik ɛ sinɛkoy pediyaak. Gijaakoy iɗit sinɛ lak paark maawu tuny wɛɛŋakoŋk sɔkɔn aki ɓaliɗ.

Dɛnɛɛ Pɛrka Yowanisik 22:13

Eet Alpaa ɛ Omeegaa, sinɛɓa ɔɗɔɔkɛk a sinɛkoy baŋiyaak, sinɛɓa tukik ɛ sinɛkoy pediyaak.

Dɛnɛɛ Pɛrka Yowanisik 3:14

"Taapar wargatɛ wosɛytaana Waakoyotoŋk gode Sambatɛyoŋk sinaana ar Lodokiyaakeek, Ege sigi pɛɛniyɛ Ameenik, iɗit sinɛ ŋaadɛɛ ɛ eekerkank sinɛ waasɛ eekeerik, ɛ ɓali riiɓ Waakoyotoŋkuk.