Kolasiis 1:14 - Kuumeet Sinɔ Tɔɔnuk Ad Majaŋeeroŋk

¹⁴ Eɓa tin ɓalkɛɛ sɛɛne, kɛnɔ laŋii tɔŋɔɗ tikiyɛɛkoŋk goy Tɔɔn nɛɛkik.

Kolasiis 1:14 Iomraidhean Croise

Maatiyoos 20:28

Kusɓa Tɔn Etoŋk kɛnɔ kɔnyɗi ɛ gaɓɛ wɛɛŋa gɛɛŋk a guma agut joop sigɔ ɓɔɔkaaŋɔŋk, ma mokoɓa kɛnɔ kɔnyɛɛ sɛɛn.

Lukaas 5:20

Nɛɓa Yeese dɛnɛ ŋaadiyɛ gɛŋk, nɛ tonu eta sinaana kɛ, "Iin iɗit sini, ranyjɛɛrɛ kɔne tikiyɛ gooŋkuŋ."

Ijaag Wosɛytaanakoŋk 10:43

Waasɛrɓa joop pɛrkaakoŋk baŋɛ kɛ joop sigɛ ŋaadiɗi sɛɛnek baŋɛ, kɛnɔkoy laŋir tɔŋɔɗ tikiyɛɛkoŋk tiriyaakɛ gɛɛnɛk."

Ijaag Wosɛytaanakoŋk 2:38

Nɛɓa Petros tonu sɛɛga kɛ, "In weerikɛ tikiyɛɛkɛ Waakoyota nɔ kɔnu aadɛɛ a omoŋ omoŋ tiriyaakɛ Yeeseek, nɔkɔɔ kɔne ranyjɛɛrɛ tikiyɛ goŋk. Boŋiirkɔɔ Wɛɛŋa sigɔ Geetitaanakik sigɛ tigiik.

Ijaag Wosɛytaanakoŋk 20:28

Daamarkan kɔnu Wɛɛŋa sigɔ Geetitaanakik a iinak koortaanak pony nɛɛkik, nɛɓɔ in koorɛɛ ɛɛk noŋk a pony nɛɛk. In lowɛɛ joop Waakoyotoŋk sigɛkan sɛɛga gaɓɛ yɛrom Tɔɔn nɛɛkik a any gaamitoŋk.

Ijaag Wosɛytaanakoŋk 26:18

Arakɔɔnu kɛnɔ ɓuukun taamɛ gɛŋk, nɔ boŋkun sɛɛg nyuugur pɛɗɛrkaata kɛnɔ jumurkun sɛɛg ariit setanik son lak Waakoyok. Nɛkɔɔ sɛɛk laŋir tɔŋɔɗ tikiyɛɛkoŋk, nɛkoy laŋir nyon joope sigaagɛkan daamɛɛk kɔɔr agut ŋaadiyɛ eeteek.'

Omoŋ Korontoosuk 1:30

Yakanaɓa kɔnu ari Waakoyot kɛnɔ latukari omaayikeen a Yeese Keresee. Agut sini ariɓa Waakoyot Yeese Keresee a ɗegerɔn naŋk, a mentanka naŋk, a geetiit naŋk, a koyi guma naŋkik.

Gɛlatiyaa 3:13

Ɓalkikan tin Kerese koony sinɔɔnɛ kus goy higiyoŋk a itokan koonyɛɛ agut eteŋk, agut sinɔɓa taapɛɛɗɛɛ Wargatɛɛ Waakoyotoŋk kɛ, "Iɗit sinɔkoy laalawɛɛ keet raŋk sɛɛn koonykank."

Epesoon 1:7

Laŋiiɓa tɔŋɔɗ tikiyɛ gaŋkik ɓaliiɗ yɛrom tɔɔn nɛɛk sinɛ poruk oko obiika wookan nɛɛkik.

Epesoon 4:32

Ma in dakɛɛ ɛkanɛɛkɛ goŋk a mentankɛɛ a kɔna sanɗi joop, nɛ in ŋɔŋɔɗiirɛɛ ɛkanɛɛkɛ goŋk oko sinɛɓa kɔne ŋɔɗiitarkiɗ Waakoyot Kereseek.

Epesoon 5:2

In ɓɔrɔ beeɗɛɛ mɛyin nɛɛkɛk oko sinɛ tin poriiɗ Kerese sinɛɓa gaɓɛ ɛɛk nɛɛk agut eteŋkik a tigi a uduŋeet sinɔ ŋaaɗɛ yaagarŋɔŋk a ari Waakoyo a yaageeɗŋɔŋk.

Kolasiis 2:13

Iinakɓa reteer agut tikiyɛ goŋk ɛ agut sinɔɓa kɔnu kiiɗɛ yawɛɛɗ buusɛɛ noŋk a ŋaadiir Kereseek. Yakanakɔɓɔ sisɔ ari kɔnu Waakoyot a iinak bɔdtaanak a Keresee agut omoŋ. Ɛɓa kɔne ŋɔɗur tikiyɛ goŋk baŋɛ.

Kolasiis 3:13

In ɓaŋkaawurɛɛ oolaan ɛkanɛɛkɛ goŋk, ɔkɔnkɔ iinakɛ iɗit omaay tike mɛɛnoŋ, nɛ in ŋɔŋɔɗiirɛ ɛkanɛɛkɛ goŋk. In ɓɔrɔ ŋɔɗiirɛ oko sinɛɓa kɔne ŋɔɗiitarkiɗ Kereseek.

Omoŋ Timotiyoosuk 2:6

Gaɓɛɓa ɛɛk nɛɛk gumaaka kɛnɔ ɓalki joop baŋɛ tikiyɛɛkɛ. Ege sini any sinɔkoy yaaŋɛ saakoy mɛlkiɗ ɔɔtɛ sinɛ likik.

Tiito 2:14

Gaɓɛɓa Yeese ɛɛk nɛɛk agut eteŋk kɛnɔ tin ebɔdɛ tikiyɛɛkɛ sigaagɛ ɓɛɛlɛrk, kɛnɔ tin ari a mentankii taamɛkɛ Waakoyotoŋk a eteŋk joop sigɔ pakattaanak sɛɛnak a ijaagii any sinɔ mentanŋɔŋk.

Ibirawiyaan 9:12

Mokoɓa sɛŋk guuguny a diile yɛrom kemtekoŋk a jeguyatɔkoŋk, maɓa guuguny Nyona sinɔɔna Geetitan Geetitaanakoŋkuk agut omoŋ a pedtan a diile yɛrom nɛɛk, nɛɓa ari a laŋii ɓali sinɛkoy nɔkoy nɔkoyk oko sinik.

Ibirawiyaan 9:22

Eekeerɛ oko higi Muuseek olaatɛ sigɔɔgɛ tekerŋɔŋk sɔgɔɔsɔyk ŋaɗɛɛ ola baŋɛ yɛrom, ɔkɔn kiiki gupatɗit yɛrom, nɛ kɛɛ tɔŋɔɗ tikiyɛɛkoŋk.

Omoŋ Petrosuk 3:18

Rɛrɓa Kerese agut omoŋ agut tikitaanak kɛnɔ kɔnu wideer son lak Waakoyok. Saa Sɛɛn iɗit sinɔ mentan taamɛkɛ Waakoyotoŋkuk nɛɓa rɛr agut tikitaanak, rɛrɓa sɛŋk taare ma Sɛɛn bɔdtan Wɛɛŋakɛ.

Omoŋ Yowanisik 1:9

Ɔkɔn yaaŋii tikiyɛ gaŋk Waakoyotaŋ, agut sinɔ ŋaadiɗɛɛŋɔŋk ɛ mentan, ŋɔɗurkɔɔ tine tikiyɛ gaŋkiŋ, ɛkɔɔ tine aadiir ŋɛɛwɛnka naŋk baŋɛ.

Omoŋ Yowanisik 2:12

Iinak tɔɔmɔk gaaŋk, taapiɗiira kɔna agut sinɔkan kɔne ŋɔɗurkuɗɛɛ tikiyɛ goŋk tiriyaakɛ gɛɛnɛkik.

Omoŋ Yowanisik 2:2

Ranyjɛɛ tikiyɛ gaŋk ɔɔtɛ rer nɛɛkik, moko tikiyɛ gaŋk dakɛɗa, ma tikiyɛ joopoŋk baŋɛ.

Dɛnɛɛ Pɛrka Yowanisik 1:5

a Yeese Keresee sinaanɛ waasigiɗɛɛ eekeerik, sinɛ tekaayan reteerɛɛk, a sinɛ ɓali suumiyɛ ɗookoŋkuk. Sɛɛna sinaana tin poruk ɛɓa tin boŋku tikiyɛɛkɛ gaŋk yaakata yɛrom nɛɛkɛkik

Dɛnɛɛ Pɛrka Yowanisik 14:4

Ege sigi joop sigɔkan kir ariiɗ ɛkan gɛŋk a somkaanak ɗeegarɔɔn a peetakik, agut sinɔ koorɛrkan sɛɛk ɛkan gɛŋk a mentaanaŋ. Nomɛrɗikan sɛɛk Jiŋkuy nɛɛk saana kegeeɗik baŋɛ. Sɛɛg joop sigɔkan bɔdɛr joope kɔɔr kɛnɔ dakɛr a tigi sinɔ pakattank Waakoyota a Jiŋkuya nɛɛkaak.

Dɛnɛɛ Pɛrka Yowanisik 5:9

Ɛkan iiliyar iiliya sigɔ tɔɔmɔkuk kɛ, "Lakin ɓaŋkawuka sinɔ oolɛɗin a boŋun wargatɛ sinɛ, ɛ ɓakatin dikoyɛ sigɛ taapiyɛɛkoŋk, agut sinɔ ŋɔɔlɛɛɓani kɛnɔ ɓalin yɛrom nookɛ joop Waakoyota, komoyeerɛ baŋɛ a atutunɛ baŋɛ a joope baŋɛ a tuukaanakɛ baŋɛ.