Kolasiis 1:13 - Kuumeet Sinɔ Tɔɔnuk Ad Majaŋeeroŋk

¹³ Ariɓa tin a ŋaarkii ɓaŋkawukaat nyuuguroŋk, ɛɓa tin ari a guugunyii burɛya Tɔɔn nɛɛkik sinɛ poruk,

Kolasiis 1:13 Iomraidhean Croise

Maatiyoos 17:5

Saaɓa waasiɗiiɗi Petros sɛɛgak, nɛɓa sɛɛg miinye gumoy sinɔ ɗaawuŋɔŋk, nɛɓa gumoy nɛɛkɛ tak tiyɛɛ koŋgoy sinɔ ɗooru kɛ, "Tɔɔn naak sinɛta yaa sɛɛnek sinɛ poraak sɛɛn sini. In geleewɛɛ sɛɛna."

Maatiyoos 25:34

"Saakoyk tonukoy suumi nɛɛkɛ joopa sigaaga atu ɗiɗikakɛ gɛɛnɛkik kɛ, 'Iinak sigɛɓa kɔnu geeti Baabɛɛk, in kusɛɛ, nɔ moonɛɛ burɛ sinɛɓa kɔna ragadɛɛ a tukiɗi saaɓa riiɓeeɗɛɛ ɗook.

Maatiyoos 3:17

Nɛɓa tiyɛɛ koŋgoy dari sinɔ tonu kɛ, "Ege sini tɔɔn naak sinɛta yaa sɛɛnek sinɛ poraak."

Lukaas 13:24

"In paarɛɛ guugunyɔn a ɓaŋkawuŋ tugaat sinaanɛ tokoolŋɔŋk. Tona kɔnaaŋ, ɓɔɔka joop sigɛ paarir guugunyɔn tugaat sineenekiŋ, yakana kikoy sɛɛga gayɛ.

Lukaas 22:53

Saakan eet a iinak agut omoŋ ɓɛɛnyɔwɛ gɛɛŋk baŋɛ Godeey sinaanɛ Geetitank, nɛ kanti kiir ɓeesɛ. Yakanaɓɔ sisɔ ɔɔtɛ noŋk, a ɔɔtɛ ɓaŋkawuka nyuuguroŋk."

Yowanis 17:24

"Iin Baabɛɛ, agut sinɔkanti poriiɗin a inɓa kɛɛ riiɓɛɛ ɗook kɛnɔ dɛnɛr eemɛyɔn sinɛkanta gaɓunk joop sigikanta gaɓun sɛɛgik, ɗɛya kɛnɔ beeɗir a eet agut omoŋ saadi arkiɗaak.

Yowanis 3:35

Poru Ɛpɛna Tɔɔn nɛɛkiŋ, gageeɗɓa ɓaŋkawuka baŋɛ ariita.

Yowanis 5:24

"Eekeer tona kɔnaaŋ, iɗit sinɔ tiyɛ pɛɛni naak nɔ ŋaadi Waakoyo sinɛ kanti wosɛykik lak wɛɛŋa sigɛkoy nɔkoy nɔkoyk. Kɛɛkoy sɛɛne pɛrɛdɛɛt ekaŋkikɔ sɛŋk ret bɔdɛɛɗa.

Ijaag Wosɛytaanakoŋk 26:18

Arakɔɔnu kɛnɔ ɓuukun taamɛ gɛŋk, nɔ boŋkun sɛɛg nyuugur pɛɗɛrkaata kɛnɔ jumurkun sɛɛg ariit setanik son lak Waakoyok. Nɛkɔɔ sɛɛk laŋir tɔŋɔɗ tikiyɛɛkoŋk, nɛkoy laŋir nyon joope sigaagɛkan daamɛɛk kɔɔr agut ŋaadiyɛ eeteek.'

Roome 14:17

Agut sinɔ moko burɛ Waakoyotoŋk any sinɔ laŋiɗɛ ɗama a tuuk, ma mentanka taamɛkɛ Waakoyotoŋk, a bɔdɛ, a yaaka sinɛ ar Wɛɛŋakɛ sigɔɔgɛ Geetitaanakik.

Pɛɛyeen Korontoosuk 11:14

Moko sini any sinɔ reemɗigeeɗ ɓayaayk, agut sinɔ weerɛ aasi ɛɛk setan a gayi a wosɛytan pɛɗɛrkaatoŋkuŋ.

Pɛɛyeen Korontoosuk 4:4

Miinyeɓa ɓayɛtun joop sigɛ kir ŋaadiɗiitik setan sinɛ ɓali ɗoo sinik. Ariɓa a kir taanta pɛɗɛrka sinɛɓa tipeyɗi sɛɛga eemɛyɔɔn Pɛɛni sinɔ Ɓɛlkɛɛstank. Nɛɓa yaaŋɛ Keresee ɛɛk a gayi a Waakoyo.

Epesoon 1:6

ariɓa sini kɛnɔ in pɔɔsɛɛ wookan sinɛ eemɛyɛɛk sinɛɓa tina gaɓɛ sɔkɔnk goy Tɔɔn nɛɛk sinɛ porɛɛ jɛtik.

Epesoon 4:18

Kɔjurarɓa kalbiyɛ gɛŋkiŋ, yowɛrjuɓa sɛɛk wɛɛŋakɛ Waakoyotoŋkuŋ, agut sinɔ koriiɓa kalbiyɛ gɛŋkiŋ, ɛɓa kilarar ɓayɛtun gɛŋk.

Epesoon 5:5

In ɗegerɛɛ kɛ iɗit sinɔ ibiɗiiŋɔŋk a sinɔ ijaag somakɔɔk maŋk ɓukurka amɗoŋk sinɔ ito ugumɛɛ raŋaawotakaak kiiɗɛ koy nyon burɛɛ Waakoyotoŋk.

Epesoon 5:8

Agut sinɔ atukariɓa jeemɛ nyuugur tak, mayakanaɓɔ sisɔ atukari pɛɗɛrkaat Suumiyoŋk. Agut sini in ɓɛɛlɛɛ oko tɔɔmɔk sigɔ beeɗir pɛɗɛrkaatik.

Epesoon 6:12

Moko kaarin naŋk a joop, ma kaarin naŋk a ɔɗɔweer sigɔ ŋɛɛwɛŋɔŋk, a ɓaŋkawukaatak sigɛ ɓalɗi nyuugurak sigɛ ɓalir ɗoo sinik, a wɛɛŋa sigɔ somkaanakik sigɔ atu darik.

Omoŋ Tɛsɛlonkeek 2:12

Ɗegerar kɛ ariikan kɔna adarat a ɓaŋkaawurari ɛ kɔnu rɔɔriyii, kɛnɔ koy boŋiir Bbrɛ nɛɛk ɛ koy iinak kaastaanak eemɛyɔn nɛɛkik. Ɛ kɛnɔ beeɗiir beeɗiit sinɔ ari Waakoyo sinɛkan kɔnu riyk a yaageeɗŋɔŋk.

Ibirawiyaan 2:14

Oko sinɛ tɔɔmɔk Waakoyotoŋk sɛɛg joop sigɔ latu buusɛ a yɛromk, nɛɓɔrɛ ɓɛɛlɛ Yeese a iɗit oko sɛɛg, ijaagɓa sini kɛnɔ sɔɔkɛ diyabiloos sinɛ lak ɓaŋkawuka ret raŋk goy rer nɛɛkik.

Omoŋ Petrosuk 2:9

Mayakana sɔɔk iinak joop sigɔɓa daamɛɛŋɔŋk, iinak tapa ŋaadiyɛɛkoŋk Suumiyoŋk, iinak joop sigɔɓa geetɛɛŋɔŋk ɛ iinak joop sigɔɓa kɔnu ijaag Waakoyot ɛɛka nɛɛkakik sigɔɓa riykɛɛ nyuugur pɛɗɛrkaata sinɔɔna reemɗi ɓayɛk kɛnɔ waasɛɛr any Waakoyotoŋ sinɔ reemɗi ɓayɛk.

Pɛɛyeen Petrosuk 1:11

nɛ agut sini gaɓɛɛkɔɔ kɔna oolan sinɔ guugunyarɗɔ enyakaat burɛya Suumi naŋk ɛ Ebɔdtan naŋk Yeese Kereseek sinaanakoy nɔkoy nɔkoyk.

Omoŋ Yowanisik 2:8

Yakana taapɛɛra kɔna sekiyɛ sigɔ tɔɔmɔkuk, sigɛ dɛnɛɛ eekeer gɛɛŋk Keresee a iinakɛk. Agut sinɔ aalɛkan nyuugur nɛɛk nɛ tipeyɗi pɛɗɛrka sinɔ eekerkank.

Omoŋ Yowanisik 3:14

Ɗegerii ekaŋɛɛt naŋk ret bɔdɛɛɗaakiŋ, agut sinɔ seek poriɗii manyaakak eteŋkaaŋɔŋk. Ma iɗit sinɔ kiiɗɛ mɛyink beeɗ ret.

Omoŋ Yowanisik 3:8

Iɗit sinɔ ijaag tikiyɛɛk sɛɛn tɔɔn diyabiloosuk agut sinɔɓa diyabiloos ijaagiiɗ tikiyɛ tukik. Maɓa sɛŋk kus Tɔn Waakoyotoŋk kɛnɔ aalɛ ijaag diyabiloosuk.