Kolasiis 1:12 - Kuumeet Sinɔ Tɔɔnuk Ad Majaŋeeroŋk

¹² In pɔɔsɛɛ Waakoyo yaakaat sinaanɛɓa kɔnu ari a gayɛɛr kɛnɔ iinak kaastaanak any sinɛkoy boŋur joop sigɛ geetitaanakik sigɛ atu burɛɛ pɛɗɛrkaatoŋk.

Kolasiis 1:12 Iomraidhean Croise

Maatiyoos 25:34

"Saakoyk tonukoy suumi nɛɛkɛ joopa sigaaga atu ɗiɗikakɛ gɛɛnɛkik kɛ, 'Iinak sigɛɓa kɔnu geeti Baabɛɛk, in kusɛɛ, nɔ moonɛɛ burɛ sinɛɓa kɔna ragadɛɛ a tukiɗi saaɓa riiɓeeɗɛɛ ɗook.

Yowanis 14:6

Nɛɓa Yeese jumurgeeɗ kɛ, "Eet gopan, a eekeer, a wɛɛŋa. Kɛɛ iɗit sinɔkoy mɛlɛ son lak Baabɛɛk eete sɔgɔɔsɔyk.

Yowanis 20:17

Nɛɓa Yeese tongeeɗ kɛ, "Inka ŋaarin son lak Baabɛɛk, nɛ katti kumun, mayakana mak son lak manyaakak eetaak nɔ kɛɛɗin tonun sɛɛga kɛ, 'Ŋaaraakɔɔ saak son lak Baabɛɛ a Ɓaaɓa noŋkuk, son lak Waakoyo naak a Waakoyo noŋkuk.' "

Yowanis 4:23

Mayakana joop sigɛ ugumergeeɗ eekeerɛk mɛlkikoy ɔɔtɛ sinɔkoy ugumerɗɔ Baabɛya Waakoyota wɛɛŋakɛ a eekeerɛkiŋ. Mɛlkikɔ ɓɔrɛ sisɔŋ. Ɗɛyɛ Baabɛ Waakoyot joop sigɔ ugumergeeɗ oko sinikik.

Ijaag Wosɛytaanakoŋk 20:32

"Sisɔ gaɓaakankɔnu a adarat Waakoyota a pɛɛniya wookan nɛɛkik sinɔ ari kɔnu a ɛtɛɛriŋɔŋk, ɛ oolɛ akɔna gaɓɛ any sinɛɓa ŋɔɗɛɛk geetitaanakɛ kɔɔruk.

Ijaag Wosɛytaanakoŋk 26:18

Arakɔɔnu kɛnɔ ɓuukun taamɛ gɛŋk, nɔ boŋkun sɛɛg nyuugur pɛɗɛrkaata kɛnɔ jumurkun sɛɛg ariit setanik son lak Waakoyok. Nɛkɔɔ sɛɛk laŋir tɔŋɔɗ tikiyɛɛkoŋk, nɛkoy laŋir nyon joope sigaagɛkan daamɛɛk kɔɔr agut ŋaadiyɛ eeteek.'

Roome 11:17

Ɔkɔn bɔsɔɔta rɛkɛnak yuuyɛ sinɔkan waayɛɛŋɔŋk a omoŋ omoŋ ɛ ɗaabɛɛrɛ nyona nɛɛka yuuyɛ ɗukoŋkuŋ, iinak joop sigɔ moko Ayuuduk ito ɓɔrɔ iinak yuuyɛ sinɛ ɗukoŋk sinɛkan ɗaabɛɛrɛk, ɛ sisɔ iinak kaastaanak geet nɛɛkik nɛ kaasɛɛr ɓaŋkawuka nɛɛk a wori joop Ayuuduk.

Roome 15:27

Yaakan sɛɛga ɔɗɔwa nɛŋk kɛnɔ ijaagir any sini, nɛ ɗɛyɛ sɛɛga eekeerɛ a kɔnyɛr sankaanak sigɛŋ. Agut sinɔkan joop Ayuuduk kaastaanak geet wɛɛŋakoŋk a joop sigɔ moko Ayuuduk agut omoŋɔŋk, joop sigɔ moko Ayuuduk ɗɛyɛ a ijaagɗi joopa Ayuuduk geet woriyoŋk.

Roome 8:17

Ɔkɔn sisɔ eteŋk tɔɔmɔkuŋ, nɛ eteŋk joop sigɛkoy mooniik, eteŋk Waakoyotoŋk sigɛkoy mooniik a Keresee agut omoŋɔŋk. Ɔkɔn eteŋk kaastaanak rakatɛ nɛɛkik a sɛɛn agut omoŋ eekeerɛŋ, nɛɓɔrɛ eteŋk sigɛkoy kaasii eemɛyɔn nɛɛkik a sɛɛn agut omoŋɔŋk.

Roome 9:23

Nɔɓa ariɗ sinik ɗɛyɛɓa kɛnɔ yaaŋɛ eemɛyɔn nɛɛk sinɛ obiiŋɔŋk, sinɛɓa gupatik eteŋka raŋana sigaaga eteŋk ola gɛɛŋk maariyeetoŋkuk, sigaagaɓa tin ragadi kɛnɔkoy boŋii eemɛyɔn nɛɛkik,

Omoŋ Korontoosuk 8:6

Nɛ lakii Baabɛ naŋk Waakoyo sinɔ omoŋɔŋk dakɛɗa sinɛɓa riiɓe ola baŋɛk ɛ sinɛ eteŋk gɛɛŋkik, ɛɓɔrɛ lakii Suumi Yeese Keresee sinɔ omoŋɔŋk sinɛɓa riiɓɛɛ ola baŋɛ Sɛɛnek ɛɓɔre beeɗii Sɛɛnek.

Omoŋ Korontoosuk 9:23

Ijaaga sini baŋɛ kɛnɔ waasa Pɛɛni sinɔ Ɓɛlkɛɛstank, kɛnɔ laŋa yaaka sinɛ laŋɛɛ wookaan Pɛɛni sinɔ Ɓɛlkɛɛstank.

Pɛɛyeen Korontoosuk 11:14

Moko sini any sinɔ reemɗigeeɗ ɓayaayk, agut sinɔ weerɛ aasi ɛɛk setan a gayi a wosɛytan pɛɗɛrkaatoŋkuŋ.

Pɛɛyeen Korontoosuk 5:5

Waakoyo sini Sɛɛn sinɛkan tin ragadi anta sineenak, gaɓɛkan tina sɛŋk Wɛɛŋa gɛɛŋk a kabdi.

Epesoon 1:11

Daamɓa tin jeemɛ oko sinɛɓa gaamiiɗ Waakoyot sinɛɓa ijaag any baŋɛ oko ɗɛyan nɛɛkik oko sinɛɓa gaamiiɗ kɛnɔ eteŋk tɔɔmɔk gɛɛŋk.

Epesoon 1:18

Ɗanɗamaaka kɛnɔ ɓuukiɗi kalbiyɛ goŋk ɛ kɛnɔ ɗegerari kɛ riygiɗɛɛkan kɔnu ŋaadiyɛ sigɛ kookoriik kɛ jikonak ɛ kɛnɔ ɗegerari kɛ obi geet sinɛkoy gaɓɛ Waakoyot joopa gɛɛnaakik a ɛtɛ ɛk.

Epesoon 2:18

Agut sinɔ ege sini Keresee sinɛ wideerii ɛɛk goy nɛɛkɛ son lak Ɛpɛn eteŋkaak Wɛɛgakɛ sigɔɔgɛ Geetitaanakik.

Epesoon 3:6

Ege sini any sinɔ dugaaŋɔŋk sinɔ kɛ joop Ayuuduk a joop sigɔ moko Ayuuduk sɛɛg kaastaanak geetiyɛ Waakoyotoŋk ɛ sɛɛg nyonitaak ɛɛk sinɔ omoŋɔŋk. Sɛɛg kaastaanak pɛɛniya ŋaadiyɛ sigɛ kookoriik goy Pɛɛni sinɔ Ɓɛlkɛɛstank Yeese Keresee a joop Ayuuduk agut omoŋ.

Epesoon 4:6

Ɛɓɔrɛ lakɛ Waakoyo a omoŋ Ɛpɛn joopa baŋɛ sinɛ ar rakaay olaatɛ baŋɛk, sinɛ ijaagɗi olaatɛ baŋɛk, sinɛ beeɗ olaatɛ baŋɛk.

Epesoon 5:11

Kat ɓɛɛlɛɛr a ijaag nyuuguroŋk sinɔ ŋɛɛwɛnŋɔŋk kiiɗɛ taamɛk agut omoŋ, ma in boŋkɛɛ pɛɗɛrkaata kɛnɔ yaaŋɛɛ.

Epesoon 5:20

ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.

Epesoon 5:4

Kikɔna ɗɛyɛɛ a toniir any sinɔ keerɛŋɔŋk a any sinɔ ɓɛɛl kanysɛyaak maŋk sinɔ ŋɛɛwɛnŋɔŋk, ma in wideerɛɛ pɔɔsiyɛ Waakoyota.

Epesoon 5:8

Agut sinɔ atukariɓa jeemɛ nyuugur tak, mayakanaɓɔ sisɔ atukari pɛɗɛrkaat Suumiyoŋk. Agut sini in ɓɛɛlɛɛ oko tɔɔmɔk sigɔ beeɗir pɛɗɛrkaatik.

Kolasiis 2:2

Ara ɗɔŋkɔɔlɛ kɛnɔ ɓaŋkaawurar ɓayɛtun gɛŋk kɛnɔ sɛɛg omoŋ mɛyin ɛ kɛnɔ latu koɓi sinɔ daktank baŋɛ sinɔ ŋaaŋayikŋɔŋk, kɛnɔ degerar Keresee sinɛ dugtan Waakoyotoŋk.

Kolasiis 3:15

Nɛ in obulur bɔdɛɛɗ ɓayɛtunɛɛkɛ goŋk. Riyɛɛɓa kɔnu a iinak nyonitaak ɛɛk sinɔ omoŋɔŋk agut bɔdɛ sini. In pɔɔsɛɛ Waakoyo.

Kolasiis 3:17

In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Tiito 2:14

Gaɓɛɓa Yeese ɛɛk nɛɛk agut eteŋk kɛnɔ tin ebɔdɛ tikiyɛɛkɛ sigaagɛ ɓɛɛlɛrk, kɛnɔ tin ari a mentankii taamɛkɛ Waakoyotoŋk a eteŋk joop sigɔ pakattaanak sɛɛnak a ijaagii any sinɔ mentanŋɔŋk.

Ibirawiyaan 12:23

son tolɛɛɗa yaakaatoŋk tɔɔmɔk sigɛ tekaayanɛ sigɛɓa taapɛɛ tiriya gɛŋk darik, son lak Waakoyo sinɛ pɛrɛdɛ joope baŋɛk, son lak wɛɛŋa joop sigɛ mentaana taamɛkɛ Waakoyotoŋk sigɛɓa ari sɛɛg a kɛɛ any sinɔ bitakɗi sɛɛgek,

Ibirawiyaan 3:1

Iinak manyaakak eeta sigɛ geetitaanakik sigɛkan kɔnu riyɛ Waakoyotek, in koɓɛɛ Yeesee sinɛ Sɛɛn wosɛytan ɛ ɔɗɔwen tapa ŋaadiyɛɛkoŋk ŋaadiyɛ gaŋkik.

Ibirawiyaan 3:14

Eteŋk koy kaastaanak Kereseek, ɔkɔn gaamii a ɓaŋkawuŋ ŋaadiyɛ sigɛɓa lakii tuki mɛlɛɛɗa pediyaakiŋ.

Yaykoob 3:9

Kaɗa pɔɔsɛɛɗii Baabɛɛ naŋk Waakoyo ɛ lamɛɛɗii iɗit sinɛɓa riiɓɛɛ a gayi a Waakoyok.

Omoŋ Petrosuk 5:1

Rɔɔriya gutarɛɛ Gode Sambatɛyoŋk sigɛ atu iinakɛ kɔɔruk. Eet sinɛ gutarin Gode Sambatɛyoŋk eet a sɛɛgik ɛɓa dɛna kɛnɔ ɗegera rakatɛ ɛ kaasa eemɛyɔn sinɛkoy yaaŋɛ ɛɛk ɔɗɔɔkak.

Omoŋ Yowanisik 1:3

Tonii kɔna any sinɛɓa dɛniik a sinɛɓa tiyiik kɛnɔ latukari omaayikeen a eteŋk, a Baabɛɛ a Tɔɔn nɛɛk, Yeese Keresee.

Dɛnɛɛ Pɛrka Yowanisik 21:23

Ki ɗɛyɛ katamɛya nɛɛka a tipeyɗigeeɗ waawuy a ɛyɛn, agut sinɔ ege eemɛyɔn Waakoyotoŋk pɛɗɛrka nɛɛk, maɓɔrɛ ɗaawan nɛɛk Jiŋkuy nɛɛk.

Dɛnɛɛ Pɛrka Yowanisik 22:14

Geetitaanak joop sigɛ aadir abiyak gɛŋk kɛnɔkoy pɛgɛɗɛɛ sɛɛga nɔ mɛlɛr kɛɛta sinaana wɛɛŋakoŋk, ɛ kɛnɔ guugunyar katamɛya nɛɛka tugaateerɛ gɛɛnɛkik.

Dɛnɛɛ Pɛrka Yowanisik 22:5

Ɛkoy kɛɛ kaay ara, kikoy sɛɛga ɗɛyɛ pɛɗɛrka ɗaawanoŋk maŋk waawuyoŋk, agut sinɔ dakɛkoy sɛɛga Suumi Waakoyot a pɛɗɛrka, ɛkoy tapaaɗaanir nɔkoy nɔkoyk.