Maak 9:4 - Uumeleembaa buŋa tere soomoŋgo gbilia

⁴ Kaeŋ kolooro Elaija ano Mooses yoronoŋ asugiŋ oŋoma Jiisaswo qaa amigi.

Maak 9:4 Iomraidhean Croise

Matuyuu 11:13

Bentotombaa kania ii Mooseswaa Kana qaanoŋ ano gejatootoo ejemba kuuya yoŋoo Buju Terenoŋ oogi weeŋgoŋ laligoŋ kouniŋ Jonoŋ kolooŋ hoŋa asuganoŋ iŋisaano.

Maak 9:3

Malekuyanoŋ tualalakota asamararaŋawo kolooro. Balonoŋ opo taaŋa gbabulunoŋ (saife, omo) soŋgbamakejuti, mono ii uuguŋ taaliro.

Maak 9:5

Amigi Piitonoŋ kanaiŋ qaa jeŋ Jiisas kokaeŋ ijoro, “Somatanana, nononoŋ kokanoŋ uukorisoro mojoŋ. Kawaajoŋ nononoŋ saanoŋ kuuŋ karooŋ mewoŋa: Goojoŋ moŋ, Mooseswaajoŋ moŋ ano Elaijawaajoŋ moŋ.”

Luuk 24:27

Kaeŋ irijoŋ Mooses ano gejatootoo ejemba kuuya yoŋonoŋ qaa jegiti, iikanoŋa kanaiŋ iyaŋaa qaa kuuya oogita eji, iikawaa kania jeŋ asariŋ orono.

Luuk 24:44

Nero iigi kokaeŋ iŋijoro, “Nii oŋowo laligoŋ kambaŋ kanoŋ qaa iŋijowe mogiti, iikawaa hoŋa ii kambaŋ kokanoŋ kolooro iiju. Niinoŋ kokaeŋ jeŋ laligowe: Noo qaa ii Mooseswaa Kana qaa ano gejatootoo eja yoŋoo Buju Tere ano Ondino (Buŋa rii) buknoŋ oogita eji, ii kuuya mono hoŋawo koloodaborowaa.”

Luuk 9:19

Iŋijoro meleema kokaeŋ jegi, “Tosianoŋ ‘Gii Jon Oomulu ejaga koloojaŋ,’ jeŋkejuto, tosianoŋ ‘Gii Elaija koloojaŋ,’ jeŋkeju ano tosianoŋ toroqeŋ kokaeŋ jeŋkeju, ‘Gii gejatootoo eja walaga yoŋoonoŋga moŋnoŋ koomunoŋga waama laligojaŋ.’”

Oligaa Buŋa Jonoŋ Ooro 5:39

“Oŋo laaligo kotigaa kania ii Buŋa Terenoŋ eŋ oŋonja, iikaeŋ romoŋgoŋ ii weeŋgoŋ uu konoŋgianoŋ ama Siwewaa buŋa koloowombaajoŋ moju. Kaeŋ mojuto, tereya tereya kuuya yoŋonoŋ mono noo kaniana naŋgoŋ iŋisaamakeju. Ii moma yagoju me qaago?

Isaisaaŋ 19:10

Siwe gajobanoŋ kaeŋ nijoro niinoŋ iikanondeeŋ iwaa waeya meŋ mepeseeŋ mumambaajoŋ moma iwaa kanianoŋ simiŋ kuma usugoweto, iinoŋ kokaeŋ nijoro, “Ae! Kaeŋ mende amba. Gii ano goo uumeleeŋ alauruganoŋ Jiisaswaa kania naŋgoŋ jeŋ laligogi weleŋ qeŋ oŋomakejoŋi, niinoŋ iyoŋoonoŋga moŋ koloojeŋ. Jiisasnoŋ Buŋa qaa hoŋa iŋisaanoti, iikawaa esuŋanoŋ mono gejatootoo ejemba inaaŋ oŋono Uŋa Toroyaa qaaya moma jeŋ seigi. Kawaajoŋ mono Anutuwaajoŋ usugoŋ waeya meŋ mepeseeŋ laligowa.” Kiaŋ.