Maak 4:7 - Uumeleembaa buŋa tere soomoŋgo gbilia

⁷ Kota tosianoŋ kumuntiri waayawo iikanoŋ kemeŋ koŋgi. Kemeŋ koŋgi komuntirinoŋ kouma qeŋ turuŋ bibiloko meŋ oŋoŋgi. Kaeŋ kolooro hoŋa mende kuugi.

Maak 4:7 Iomraidhean Croise

Matuyuu 13:22

Nene kota qosono kumuntiri waayawonoŋ kemeŋ koŋgiti, ii kokaeŋ: Yoŋonoŋ Buŋa qaa mogi uugianoŋ kemejato, balonoŋ laaligowaa majakakaya ano moneŋ hina memewaa uugereya kolooŋ bimooŋ oŋomakeja. Qabuŋagiawo koloowombaajoŋ koposoŋgogi siiŋ kombombaŋa bologa tosianoŋ kaaŋagadeeŋ uugianoŋ duŋguŋ Buŋa qaa bibiloko meŋ muŋkeja. Kaeŋ kolooro hoŋgia qaa auta (gipeya) koloowuya.

Matuyuu 13:7

“Kota tosianoŋ kumuntiri waayawonoŋ kemeŋ koŋgi. Kemeŋ koŋgi iikanoŋ kouma qeŋ turuŋ bibiloko meŋ oŋoŋgi.

Matuyuu 13:8

Kaeŋ jaŋgoŋ qaonoto, kota tosianoŋ namo awaanoŋ kemeŋ koŋgi. Kemeŋ koma tosaaŋa kogia 100 koloogi. Tosia kogia 60, tosia 30 iikawaa so kolooŋ seigi.

Maak 4:6

Kougito, weeŋnoŋ kouma oŋooŋ jeŋ kotoŋ oŋono tiigia qaagotiwaajoŋ sooliŋ gororoŋgogi.

Maak 4:8

Kota tosianoŋ namo awaanoŋ kemeŋ koŋgi. Kemeŋ koma kuragagia juma waama geregiaa hoŋgia awaa asugigi. Tosianoŋ kogia 30, tosianoŋ kogia 60, tosianoŋ 100 iikawaa so kolooŋ seigi.”

Luuk 12:15

Kaeŋ jeŋ qaa kokaeŋ toroqero, “Esuhina tiwomalekugianoŋ afaaŋagadeeŋ me kelemaleleŋ enagati eeŋ, kileŋ laaligogiaa kania ii iikanoŋ mende eja. Laaligogia mende gosiŋ moneŋ esuhinanoŋ mondowuti eeŋ, mono tiwilaawu. Kawaajoŋ meŋgo mewombaa otoko (greed) kuuyawaajoŋ mono galeŋgia meŋ laligowu.”

Luuk 21:34

“Kambaŋ somata iikawaa lombotanoŋ ejemba kuuya namonoŋ laligowuti, iyoŋoo qagianoŋ kaeŋ kolooŋ ubaa. Kawaajoŋ iikanoŋ pilitik kaŋ siwa kaaŋa qeragoŋ oŋombabo. Kawaajoŋ namonoŋ laaligowaa majakakayanoŋ qagianoŋ uro jejelombaŋ ama apu kotiga neŋ eŋkaloloŋ ama uugia bimoowabotiwaajoŋ mono galeŋgia meŋ aoŋ laligowu.

Luuk 8:14

“Nene kota qosono kumuntiri waayawonoŋ kemeŋ koŋgiti, ii kokaeŋ: Yoŋonoŋ Buŋa qaa mogi uugianoŋ kemeŋkejato, balonoŋ laaligowaa majakakaya ano moneŋ hina memewaa uugereya kolooŋ bimooŋ oŋomakeja. Qabuŋagiawo koloowombaajoŋ koposoŋgogi siiŋ kombombaŋa bologa tosianoŋ kaaŋagadeeŋ uugianoŋ duŋguŋ Buŋa qaa bibiloko meŋ muŋkeju. Kaeŋ kolooro hoŋgia qaa auta (gipeya) koloowuya.

Luuk 8:7

“Kota tosianoŋ komuntiri waayawonoŋ kemeŋ koŋgi. Kemeŋ koŋgi iikanoŋ ororoŋ kouma uŋuuguŋ qeŋ turuŋ bibiloko meŋ oŋoŋgi.