Maak 3:5 - Uumeleembaa buŋa tere soomoŋgo gbilia

⁵ Qaagia bogoro ragi eleema iŋiiro uugianoŋ kotakota gojonotiwaajoŋ wosobiri moma uugerenoŋ iŋiiro. Kaeŋ iŋiima eja ii kokaeŋ ijoro, “Gii mono boroga qetetereewa.” Kaeŋ ijoro boria qetetereero mombo awaa kolooro.

Maak 3:5 Iomraidhean Croise

Jenesis 6:6

Ii iima ejemba mokolooŋ oŋono namonoŋ laligogiti, iikawaajoŋ Anutunoŋ moma boliŋ wosobirinoŋ uuta saa qero siimbobolo moma laligoro.

Matuyuu 12:13

Kaeŋ meleema eja ii ijoro, “Gii mono boroga qetetereewa.” Kaeŋ ijoro qetetereero wala anoti, iikawaa so awaa kolooŋ boria alia kaaŋa kolooro.

Maak 3:4

Kaeŋ ijoŋ kokaeŋ iŋijoro, “Kana qaa otaaŋ Sabat kendonoŋ iwoi awaa me bologa ambonaga? Saanoŋ mombaa waŋa somoŋgowoŋa me mesaoniŋ komuwaa? Moŋga me moŋga meniŋ sokombaa?” Kaeŋ jero moma qaagia bogoro ragi.

Luuk 13:15

Kaeŋ jeroto, Poŋnoŋ meleema kokaeŋ jero, “Oo uumeleembaa selesele ejemba, oŋo kuuya bulmakao ejiaga me doŋgigiaga ii Sabat kendonoŋ mirinoŋga isama uŋuaŋgi apunoŋ kema neŋkeju me qaago? Oŋoonoŋga moŋnoŋ ii mende aŋgoŋ koma oŋomakeja.

Luuk 17:14

Qama jegi iŋiima kokaeŋ iŋijoro mogi, “Oŋo mono jigo gawoŋ galeŋ yoŋoonoŋ kema selegia qendeema oŋombu.” Kaeŋ iŋijoro teŋ koma kananoŋ keŋgi selegianoŋ iikanoŋ solaŋaniŋ awaa kolooro.

Luuk 6:10

Kaeŋ jeŋ eleqeleema korebore iŋiidaboroŋ eja ii ijoro, “Gii mono boroga qetetereewa.” Kaeŋ ijoro boria qetetereero mombo awaa kolooro.

Oligaa Buŋa Jonoŋ Ooro 9:7

Timimeaŋ kokaeŋ jeŋ kotoro, “Gii mono Siloam apu aŋgonoŋ kema jaaga soŋgbambaa.” (Siloam qa ii ananaa qaanoŋ Wasiwasi eja.) Kaeŋ jeŋ kotoro kema jaaya soŋgbano tooro uuro asariro eleema mirianoŋ karo.

Room Tere 11:25

Oo uumeleeŋ alauruna, oŋoaŋgiaa momakooto qaganoŋ laŋ laligowubotiwaajoŋ mono qaa aasaŋgoya moŋ iŋisaambe moma asariwutiwaajoŋ mojeŋ. Qaa ii kokaeŋ: Momo bologanoŋ Israel kanagesowaa bakaya moŋ yoŋoo uugia gojono laligojuto, kambaŋ tetegoya qaa yaŋgiseŋ mende toroqeŋ laligowuya. Qaagoto, wala waba kantri yoŋoonoŋga kelemaleleŋ yoŋonoŋ uugia meleema Anutuwaa bentotoŋ uutanoŋ koubuya. Kaeŋ aŋgi Anutunoŋ jaŋgogia iiro sokombaati, kambaŋ iikanoŋ Juuda kanageso nonoo yaŋgiseŋ kambanananoŋ tegoro kuuya uugia meleembuya.

Korint Tere 2 3:14

Buŋa walagaa asamararaŋa iigito, uugianoŋ kileŋ gojono laŋ laligoŋ kougi. Kambaŋ kokaamba kaaŋagadeeŋ iwoi moŋnoŋ mono opo jokaŋa iikawaa so Juuda ejemba mamaga yoŋoo uugia gojono laligoju. Kawaajoŋ Soomoŋgo Walagaa Buŋa qaaya qaaya weeŋgojuti, iikawaa kanagia ii tororo mende moma asariŋkeju. Uugia meleema Kraistwo toroqegi iikaaŋa kanoŋ mono opo jakaŋgia ii qetegoro moma asariwuya.

Efesus Tere 4:18

Uumeleembaa gadokopa ejemba yoŋoo uumomogia-noŋ tiiro Anutuwo laaligowaajoŋ sisau ama sooju. Momo bologanoŋ uugia gojoma duurotiwaajoŋ ama poumapou ama tompiŋ laligoju. Kawaajoŋ Anutuwaanoŋ laaligo kotiganoŋ mende qokotaaŋkejuto, iyaŋgiodeeŋ laŋ toontooŋ laligoju.

Efesus Tere 4:26

Temboma kukupirinoŋ ambuti eeŋ, mono kileŋ siŋgisoŋgo mende ambu. Iriŋgia soombaati, qaagia ii mono uulaŋawo weeŋ jaayanoŋ mende tegoŋ kemero jeŋ tegogi solaŋaniwa.

Efesus Tere 4:30

Anutunoŋ buŋauruta dowenana mero Siwenoŋ uboŋati, kambaŋ iikawaajoŋ aiweseya kombombaŋa mokotaaŋ oŋono uugianoŋ kemeŋ Anutuwaa muŋgeŋa kolooja. Kawaajoŋ Anutuwaa muŋgeŋa Uŋa Toroya ii mono wosobiri mende qeŋ mubu.

Hibruu Tere 3:10

Kawaajoŋ ejemba tuuŋ somata kambaŋ iikanoŋ namonoŋ laligogiti, iyoŋoojoŋ ama iriŋna soono kokaeŋ jewe, ‘Yoŋonoŋ mono suulaŋ uugianoŋ kaamaa ama jinjauŋ kemakeju. Laaligowaa kana kuma oŋoma laligoweto, ii mende moma kotoŋ kougi. Qaago!’

Hibruu Tere 3:17

Ejemba daeŋ yoŋoojoŋ ama gbani 40 kawaa so iriŋa soono kazi ama oŋono laligogi? Ejemba siŋgisoŋgo aŋgi meŋ komuŋ oŋono sele busugianoŋ baloŋ qararaŋkoŋkoŋanoŋ kamaaŋ koŋgiti, iyoŋoonoŋ mono kaeŋ kolooro.

Hibruu Tere 5:9

Ii moma akadamuya kuuya mokolooŋgo oyaŋboyaŋ tetegoya qaa laligowombaa kondomondoo Toya kolooro. Kawaajoŋ ejemba iwaa jeta teŋ koma laligojuti, ii kuuya mono saanoŋ kondooŋ oŋono oyaŋboyaŋ koloowuya.

Isaisaaŋ 6:16

Iikanoŋ asaŋgoŋ baaŋa Toya ano seŋ sia Toya oŋooma kokaeŋ welema oŋoŋgi, “Oŋo mono baaŋa jeŋ tegogi bagoŋ kaŋ turuŋ nonombu. Jiŋkaroŋ duŋanoŋ raji, iinoŋ jaasewaŋ koma nonombabotiwaajoŋ ama Lama meriaa iriŋsoŋsooŋanoŋ nunuwabotiwaajoŋ mono jeŋ tegogi kojaŋgiŋ nonombu.” Kaeŋ welema oŋoŋgi.