Maak 2:7 - Uumeleembaa buŋa tere soomoŋgo gbilia

⁷ “Eja kokanoŋ mono nomaembaajoŋ kaeŋ jeja. Mono Anutu mepaegoja. Anutu motooŋgonoŋ siŋgisoŋgonana mesaoŋkejato, eja moŋnoŋ ii qaago.”

Maak 2:7 Iomraidhean Croise

Matuyuu 26:65

Qaa ii jero jigo gawoŋ galeŋ waŋa iinoŋ malekuya menjurama kokaeŋ jero, “Yei, maŋgaa siita! Mono Anutu mepaegoja. Tosianoŋ qaaya naŋgowutiwaajoŋ mombo mende qisiŋ oŋomboŋa. Anutu mepaegoji, ii keteda koi oŋoaŋgio modaboroju.

Matuyuu 9:3

Kaeŋ ijoro Kana qaawaa boi tosianoŋ nama uugianoŋ kokaeŋ romoŋgogi, “Eja koi kanoŋ mono Anutu mepaqepae ama muja.”

Maak 14:64

Anutu mepaegoji, ii mono oŋoaŋgio modaboroju. Kawaajoŋ mono oŋo nomaeŋ moju?” Kaeŋ jero yoŋonoŋ kuuya Jiisas koomuwaa buŋa koloowaatiwaajoŋ jeŋ tegogi.

Maak 2:6

Kaeŋ ijoro Kana qaawaa boi tosianoŋ batugianoŋ rama uugianoŋ kokaeŋ romoŋgogi,

Maak 2:8

Uugianoŋ kaeŋ romoŋgogi Jiisasnoŋ iikanondeeŋ uutanoŋ ii moma kotoŋ kokaeŋ iŋijoro, “Oŋo mono naambaajoŋ qaa kaaŋa uugianoŋ romoŋgoju?

Luuk 5:21

Kaeŋ ijoro Kana qaawaa boi ano Farisii yoŋonoŋ ii moma kanaiŋ kokaeŋ jeŋ romoŋgogi, “Eja koi moroga? Iinoŋ mono Anutu mepaegoŋ mepaqepae anja. Anutu motooŋgonoŋ siŋgisoŋgonana mesaoŋkejato, eja moŋnoŋ ii qaago.”

Luuk 7:49

Kaeŋ jero eja motooŋ nene neŋ ragiti, iyoŋonoŋ kanaiŋ iyaŋgiodeeŋ kokaeŋ jegi, “Siŋgisoŋgo soŋgbama mesaoji, iinoŋ mono moro ejaga koloomambaa moja?”

Oligaa Buŋa Jonoŋ Ooro 10:33

Jeŋ oŋono Juuda yoŋonoŋ meleema jegi, “Nononoŋ aŋgoleto somata anatiwaajoŋ ama mende jamonoŋ giliŋ guwombaajoŋ anjonto, Anutu mepaqepae ama mujaŋiwaa iroŋa ama gomboŋa. Gii baloŋ ejaga ano selega eeŋ meŋ uma Anutu kaaŋa koloomambaajoŋ jejaŋ.”

Oligaa Buŋa Jonoŋ Ooro 10:36

Ejemba omaya kaeŋ qama oŋonoto, Amanoŋ eja meŋ soraiŋ wasiro namonoŋ kamaaroti, oŋonoŋ mono nomaeŋ ama iwaajoŋ kokaeŋ jeju, ‘Gii Anutu mepaqepae ama muŋ laligojaŋ.’ Niinoŋ ‘Anutuwaa meria koloojeŋ,’ qaa kaeŋ jewe oŋonoŋ mono naambaajoŋ ii mogi mende sokonja? Oŋo Anutuwaanoŋ Buŋa qaa ii qeju me?