Maak 10:11 - Uumeleembaa buŋa tere soomoŋgo gbilia

¹¹ Qisiŋ mugi kokaeŋ iŋijoro, “Eja moŋnoŋ embia otaaŋ emba moŋ mewaati, iinoŋ mono oloŋkalu serowiliŋ ambaa.

Maak 10:11 Iomraidhean Croise

Matuyuu 19:9

Niinoŋ kokaeŋ iŋijowe mobu: Embianoŋ oloŋkalu mende ano kileŋ otaaŋ emba moŋ mewaati, iinoŋ mono serowiliŋ ambaa. Moŋnoŋ emba mesamesaoya mewaati, iinoŋ mono serowiliŋ ambaa.”

Maak 10:10

Jiisasnoŋ kaeŋ jeŋ oŋoma miri uutanoŋ uro gowokourutanoŋ qaa iikawaajoŋ mombo qisiŋ mugi.

Luuk 16:18

“Eja moŋnoŋ embia mesaoŋ emba moŋ mewaati, iinoŋ mono oloŋkalu ambaa. Eja moŋnoŋ emba loyanoŋ mesaoroti, ii mewaati, iinoŋ mono kaaŋagadeeŋ oloŋkalu ambaa.” Kiaŋ.

Room Tere 7:3

Kawaajoŋ loyanoŋ jaawo laligoro eja mombaajoŋ Ooŋ jero mewaati eeŋ, iwaa qata mono oloŋkalu embaga jeŋkejoŋ. Kaeŋ jeŋkejonto, loyanoŋ komuwaati eeŋ, Kana qaa iikanoŋ mende toroqeŋ somoŋgoro laligowaa. Kaaŋa laligoŋ eja moŋ mewaati, iinoŋ mono oloŋkalu embaga mende koloowaa.

Korint Tere 1 7:4

Embiaa selianoŋ mono aŋaa buŋaga mende kolooro aŋa ii mende galeŋ komakejato, loyanoŋ ii galeŋ komakeja. Loyaa selianoŋ kaaŋagadeeŋ aŋaa buŋaga mende kolooro aŋasiri mende galeŋ komakejato, embianoŋ ii galeŋ komakeja.

Hibruu Tere 13:4

Ejemba oloŋkalu ano serowiliŋ anjuti, Anutunoŋ ii jeŋ tegoŋ oŋombaa. Kawaajoŋ kuuya oŋonoŋ mono loemba laaligo ii goda qegi soraaya kolooro loemba batugaranoŋ kiiqetete qaa jewoŋa moŋ mende ewa.