Luuk 7:2 - Uumeleembaa buŋa tere soomoŋgo gbilia

² Iikanoŋ Room kawali galeŋ mombaa gawoŋ ejianoŋ ji kiro komumambaa ano. Galeŋanoŋ iwaajoŋ moro uuta kolooro.

Luuk 7:2 Iomraidhean Croise

Jenesis 24:27

Mepeseeŋ kokaeŋ jero: “Oo Anutu, somatana Aabrahambaa Poŋa, niinoŋ gii mepeseeŋ gonjeŋ. Giinoŋ somatanaajoŋ kaleŋ moriambaa qaaga jeŋ somoŋgonati, ii tororo otaana mende looriro. Iikawaa so Poŋ giinoŋ nuana kana koriga koi kaŋ laligoŋ somatanaa tinitosauruta yoŋoo mirinoŋ koujeŋ.”

Jenesis 35:8

Betel kanoŋ laligogi Rebekawaa weleŋ embia Debora ii komuro. Komuro Betel gomaŋ baatanoŋ jujuu gere mombaa kanianoŋ roŋ koŋgi. Jiŋgeŋ qama saagitiwaajoŋ ama jujuu gere iikawaa qata ‘Jiŋgeŋ saawaa jujuu’ kaeŋ qagi.

Matuyuu 27:54

Kawali galeŋ ano manjaqeqe eja iwo Jiisaswaa jaagaleŋ meŋ laligogiti, iyoŋonoŋ naŋ mero iwoi tosia kuuya kolooroti, ii iima aaruŋ jeneŋgia mamaga ororo toroko ama kokaeŋ jegi, “Iinoŋ mono oŋanoŋ Anutuwaa meriaga kolooja.”

Luuk 23:47

Komuro iwoi kolooroti, kawali galenoŋ ii iima Anutu mepeseeŋ kokaeŋ jero, “Iinoŋ mono oŋanoŋ eja solaŋaga kolooja.”

Luuk 7:1

Jiisasnoŋ ejemba tuuŋlelembe batugianoŋ laligoŋ Buŋa qaaya kuuya ii iŋijoŋ oŋomesaoŋ Kaperneam taonoŋ kouro.

Luuk 7:3

Kawaajoŋ Jiisaswaa bujuya moma Juuda yoŋoo jotamemeya tosaaŋa wasiŋ oŋono Jiisaswaanoŋ kema kokaeŋ qisigi, “Mono kaŋ weleŋ ejia meŋ qeaŋgowa.”

Luuk 8:42

Merauruta qaato, borata guaŋ motooŋgo gbania 12:waa so laligoŋ komumambaajoŋ ano. Jiisas koma horoŋ mugi keno ejembanoŋ leelee ologoŋ utama mugi. Kiaŋ.

Aposol Gawoŋ Meme 10:1

Taoŋ qata Sisaria kanoŋ kawali galeŋ wabaya moŋ qata Kornilius laligoro. Iinoŋ manjaqeqe tuuŋ bakaya moŋ qata “Italiwaa manjaqeqe tuuŋ” qagiti, iikanoŋ manjaqeqe eja 100 yoŋoo galeŋgia laligoro.

Aposol Gawoŋ Meme 10:7

Siwe gajobanoŋ Kornilius qaa kaeŋ ijoŋ mesaoŋ keno. Mesaoŋ keno weleŋqeqeya woi oroono kari. Kari koipuya manjaqeqe eja moŋ kosianoŋ kaparaŋ koma Anutu motooŋgara goda qeŋ laligoriti, ii kaaŋagadeeŋ oono karo.

Aposol Gawoŋ Meme 22:26

Poolnoŋ kaeŋ ijoro kawali galenoŋ moma iikanondeeŋ kawali galeŋ waŋa iwaanoŋ kema buju qaa kokaeŋ ijoro, “Eja iikanoŋ Room gawmambaa (jeŋkooto) paaspoot meŋ laligoja. Kawaajoŋ gii mono nomaeŋ ambaga?”

Aposol Gawoŋ Meme 23:17

Jero moma kawali galeŋ moŋ qaro karo kokaeŋ ijoro, “Eja gbaworo koi kanoŋ qaa moŋ meŋ kajiwaajoŋ giinoŋ ii saanoŋ wama kawali galeŋ waŋaanoŋ kena qaa ii ijowaa.”

Aposol Gawoŋ Meme 27:1

Eja geria yoŋonoŋ nonoojoŋ qaa kokaeŋ somoŋgogi: “Nono waŋgonoŋ uniŋ haamonoŋ naŋgoro Itali kantrinoŋ kemboŋa.” Qaa kaeŋ somoŋgogi Pool ano kapuare eja tosaaŋa ii kawali galeŋ moŋ qata Julius iwaa boronoŋ nonooŋgi. Julius iinoŋ manjaqeqe tuuŋ bakaya moŋ qata “Room Siisakimbaa manjaqeqe tuuŋ” qagiti, iikanoŋ manjaqeqe eja 100 yoŋoo galeŋgiaga laligoro.

Aposol Gawoŋ Meme 27:3

Kema eŋ waama kanoŋ Saidon gomanoŋ keuniŋ. Keuniŋ Juliusnoŋ Pool ala meŋ muŋ jeŋ tegoro waŋgo mesaoŋ alauruta yoŋoonoŋ kema iŋiiro naa iwoiwaajoŋ amamaaroti, ii ilaaŋ mugi.

Aposol Gawoŋ Meme 27:43

Kaeŋ mogito, kawali galenananoŋ Poolwaa laaligoya somoŋgomambaajoŋ moma manjaqeqe ejaurutanoŋ kaeŋ ambubotiwaajoŋ aŋgoŋ koma oŋono. Aŋgoŋ koma oŋoma kokaeŋ jeŋ kotoŋ nonono, “Daeŋ oŋonoŋ kowe aotiŋ kekembaa kania mojuti, oŋo mono wala luguŋ kemeŋ kowe aotiŋ kema goraayanoŋ ubu.

Kolosi Tere 3:22

Weleŋqeqe oŋo mono namonoŋ galeŋurugia yoŋoo qaagia kuuya teŋ komakebu. Kondokondoowaa waŋ aŋgi ejembanoŋ iŋisosoroowutiwaajoŋ qaagoto, gbiŋgbaoŋ mesaoŋ Pombaa jeta uuguwombotiwaajoŋ sombugia moma uugia gawonoŋ ama meŋ laligowu.