Luuk 2:9 - Uumeleembaa buŋa tere soomoŋgo gbilia

⁹ Kaeŋ laligogi gomantiiŋa kanoŋ Pombaa gajoba moŋnoŋ kosogianoŋ asugiŋ oŋono. Asugiŋ oŋono Pombaa asamararaŋanoŋ liligoŋ oŋoma asariro sombugia moma jeneŋgia ororo.

Luuk 2:9 Iomraidhean Croise

Matuyuu 1:20

Kaeŋ romoŋgoŋ ero Pombaa gajoba moŋnoŋ gaonoŋ asugiŋ muŋ kokaeŋ ijoro, “Joosef Deiwidwaa gbili, Uŋa Toroyanoŋ mono Maria meŋ letoma muro koroyawo laligoja. Kawaajoŋ gii mono ii wama miriganoŋ kaŋ embaga koloowaatiwaajoŋ toroko mende moba.

Luuk 1:28

Gajobanoŋ Mariawaanoŋ kema kokaeŋ ijoro, “Oo Maria, weeŋga awaa. Poŋnoŋ kaleŋmoriaŋ goma giwo namba.”

Luuk 2:8

Betlehem taoŋ gomaŋ kanoŋ eja tosianoŋ gomantiiŋa so baloŋ koria iikanoŋ kema lama tuuŋgia galeŋ koma oŋoma laligogi.

Luuk 24:4

Kawaajoŋ uugia uma kamaaro moma naŋgi eja woi malekugara taaŋa kokobilibiliawo yoronoŋ bagianoŋ nani iriigi.

Oligaa Buŋa Jonoŋ Ooro 12:41

Jiisasnoŋ Siwewaa asamararanoŋ asariŋ laligoro Aisaianoŋ kaeŋ iima kania jeŋ asariŋ qaa ii jero.

Aposol Gawoŋ Meme 12:7

Gaoŋ egito, Pombaa gajoba moŋnoŋ uulaŋawo asugiŋ Piitowaa kooroŋanoŋ nano kasa miriwaa uuta asaridabororo Piitowaa maroŋanoŋ qeŋ ijoro, “Mono uulaŋawo waaba.” Kaeŋ ijoro gbado (tape) woiyanoŋ iikanondeeŋ Piitowaa borianoŋga eeŋ suni.

Aposol Gawoŋ Meme 27:23

“Niinoŋ beŋ qata Anutu iwaa buŋa kolooŋ weleŋa qeŋ laligojeŋ. Gomantiiŋa gaoŋ ewe iinoŋ Siwe gajobaya moŋ wasiro noo kosonanoŋ kaŋ nanja.

Aposol Gawoŋ Meme 5:19

Oŋooŋgito, gomantiiŋa kanoŋ egi Pombaanoŋ gajoba moŋnoŋ kapuare miri naguya naguya horoŋ uŋuama seleeŋgeŋ kamaaŋ kokaeŋ iŋijoro,

Korint Tere 2 3:18

Kawaa so uunana meleeniŋ Pombaa asamararaŋanoŋ kuuya ananaa jaa wambusoonananoŋ kuuro bilibili ano jaanana mende esuuniŋ ejembanoŋ niniima Anutuwaa akadamuya awaa soro ii atatonoŋ uuŋ ii-iitaa tani iimakeju. Nono ii somariiŋ seiŋ iimakebutiwaa so letomakeboŋa. Kaeŋ letoma akadamuya awaa soro ii somariiŋ asariŋ Pombaa tanitani kolooŋkeboŋa. Poŋnoŋ Uŋaya kolooji, iwaa asamararaŋanoŋ mono kaeŋ meŋ letoma nonomakeja. Kiaŋ.

Korint Tere 2 4:6

Kania kokaembaajoŋ weleŋ qeŋ oŋomakejoŋ: Anutunoŋ kanakanaiyanoŋ kokaeŋ jeŋ kotoro, “Asasaganoŋ mono paŋgamaŋ qero asariwa.” Kaeŋ jeroti, iinoŋ mono Buŋayaa asasaga ano uunana kuuro asariro. Kraistnoŋ nanamemeŋa ama mero Anutuwaa asamararaŋanoŋ jaasewaŋanoŋ asariro iigiti, Anutunoŋ nono iikawaa kania moma kotowombaajoŋ kaparaŋ komakeja. Asasagaa kania jeŋ seiwombaajoŋ ama asasaga ii nonono.

Timotiwaa Tere 1 3:16

Anutunoŋ hamoqeqewaa kania aasaŋgoya ninisaanoti, nononoŋ Buŋa qaa ii moma asariŋ kokaeŋ jeŋ mokolooŋkejoŋ: Buŋa Toya iyaŋo namo ejaga kolooŋ batunananoŋ asugiro. Asugiro qaa jakeyanoŋ oombombaa qaaya tondu moŋgama bimbimgogi Uŋa Toroyanoŋ kania solaŋa asuganoŋ qendeeno. Ii qendeema kuuro Poŋ kolooŋ waama Siwe gajoba galeŋ koma oŋono akadamuya uuŋ iigi. Ii iigi Anutunoŋ wano Siwenoŋ uma Anutuwo rama galeŋ koma nonomakeja. Galeŋ koma nonono Buŋa qaaya ii kantria kantria liligoŋ jeŋ asarigi mamaga yoŋonoŋ moma laariŋ muŋkeju. Kaeŋ jokolooniŋ oŋanoŋ akadamuyawo kolooja. Kiaŋ.

Hibruu Tere 12:21

Iwoi kanjaŋawo totooŋ ii uuŋ iigi Moosesnoŋ kokaeŋ jero, “Nii mono toroko moma jenena ororo nanjeŋ.”

Isaisaaŋ 18:1

Kawaa gematanoŋ Siwe gajoba moŋ ku-usuŋa uuta iibe Siwenoŋga asugiŋ kamaaro asamararaŋanoŋ baloŋ meŋ asariro.

Isaisaaŋ 20:11

Kawaa gematanoŋ jiŋkaroŋ duŋ somata taaŋa ano iikanoŋ raji, ii iibe. Iibe siwe namonoŋ iwaa jaasewaŋanoŋga qaoma kemaliri. Kemaliŋ mombo iriiboŋatiwaa so mende koloori.