Luuk 2:13 - Uumeleembaa buŋa tere soomoŋgo gbilia

¹³ Gajobanoŋ kaeŋ jero iikanondeeŋ gajoba tuuŋ somatanoŋ Siwenoŋga asugiŋ iwo aitoŋgoŋ Anutuwaa mepemepesee rii qama kokaeŋ jegi,

Luuk 2:13 Iomraidhean Croise

Isaisaaŋ 5:11

Rii dologa kaeŋ qama jegi moma toroqeŋ uuŋ Siwe gajoba jaŋgogia tauseŋa tauseŋa ano milyoŋa milyoŋa ii iŋiima rii otoŋgia mobe. Yoŋonoŋ jiŋkaroŋ duŋ kosianoŋ nama beŋ jawiŋuruta 4 ano Anutuwaa jotamemeya 24 ii liligoŋ oŋoma rii qagi.

Hibruu Tere 1:14

Meriaajoŋ qaaya qaaya kaeŋ jeroto, Siwe gajoba ii moroga kolooju? Kuuya yoŋonoŋ Anutuwaa weleŋqeqe uŋauruta kolooju. Kaaŋa kolooŋ ejemba oyaŋboyaŋ buŋa qeŋ aowuti, ii ilaaŋ oŋombutiwaajoŋ wasiŋ oŋono laligoju. Kiaŋ.

Luuk 15:10

Iikawaa so niinoŋ kokaeŋ iŋijowe mobu: Siŋgisoŋgo ejemba moŋnoŋ uuta meleeno Anutuwaa gajobauruta yoŋonoŋ iwaajoŋ korisoro uuta ambuya.” Kiaŋ.

Efesus Tere 3:10

Anutunoŋ momakootoya kania kania qaita moŋ ninisaano kambaŋ kokaamba uumeleeŋ zioz tuuŋ batunananoŋ amiŋ moniŋ asuganoŋ kolooŋ seiŋkeja. Anutunoŋ uusiiŋa kokaeŋ momakeja: Beŋ kawali galeŋ ano poŋ qereweŋa gajoba uuta ano kamaaŋqeqeta Siwe namo batugaranoŋ ilawoila kuuya galeŋ komakejuti, iyoŋonoŋ kaaŋagadeeŋ Anutuwaa momakootoya ii geja ama mobutiwaajoŋ momakeja.

Jenesis 28:12

Gaoŋ eŋ iikanoŋ gaoŋ kuku moŋ kokaeŋ iiro: Do mombaa kitia namonoŋ kuugi kema qaga ii Siwenoŋ uma kuuŋ nano Anutuwaa gajobauruta yoŋonoŋ iikanoŋ riiŋ uma kamaaŋ aŋgi.

Piitowaanoŋ Tere 1 1:12

Hamoqeqe Toyaa kania moŋgama qiqisi ama moma gosiŋ laligogi Uŋa Toroyanoŋ momo kokaeŋ iŋisaama iŋijoro, “Oŋo mono oŋoaŋgia weleŋ mende qeŋ aowuto, ejemba kanageŋ kolooŋ qaagia weeŋgowuti, mono ii ilaaŋ oŋoma laligowu.” Kaeŋ iŋijoŋ gejatootoo qaa oŋonoti, nono tosianoŋ ii kambaŋ kokaamba liligoŋ jeŋ asariŋ oŋoniŋ mogi. Kraistnoŋ Uŋa Toroya Siwenoŋa wasiro kamaaŋ ejemba sololooŋ inaaŋ oŋono Oligaa Buŋa jeŋ uukuukuu meŋ oŋoma laligogiti, iyoŋonoŋ Buŋa qaa iikayadeeŋ jeŋ laligogi. Gejatootoo qaa iikawaa hoŋa kolooro Siwe gajobaurunananoŋ kaaŋagadeeŋ ii uuŋ iima kania moma asariwombaajoŋ awelegoŋ laligoju. Kiaŋ.

Luuk 2:12

Qaa iikawaa aiweseya ii kokaeŋ: Oŋo mono kema mera sayawo oponoŋ esuuŋ bulmakao juuyanoŋ aŋgi eji, ii mokoloowu.”

Luuk 2:14

“Anutuwaa qabuŋaya mepeseeniŋ Siwenoŋ eukanoŋ uja. Iinoŋ ejemba iyaŋaajoŋ meweeŋgoŋ oŋonoti, iyoŋoojoŋ uuqeeaŋgo moma balonoŋ luae ama oŋonja.” Kiaŋ.

Timotiwaa Tere 1 3:16

Anutunoŋ hamoqeqewaa kania aasaŋgoya ninisaanoti, nononoŋ Buŋa qaa ii moma asariŋ kokaeŋ jeŋ mokolooŋkejoŋ: Buŋa Toya iyaŋo namo ejaga kolooŋ batunananoŋ asugiro. Asugiro qaa jakeyanoŋ oombombaa qaaya tondu moŋgama bimbimgogi Uŋa Toroyanoŋ kania solaŋa asuganoŋ qendeeno. Ii qendeema kuuro Poŋ kolooŋ waama Siwe gajoba galeŋ koma oŋono akadamuya uuŋ iigi. Ii iigi Anutunoŋ wano Siwenoŋ uma Anutuwo rama galeŋ koma nonomakeja. Galeŋ koma nonono Buŋa qaaya ii kantria kantria liligoŋ jeŋ asarigi mamaga yoŋonoŋ moma laariŋ muŋkeju. Kaeŋ jokolooniŋ oŋanoŋ akadamuyawo kolooja. Kiaŋ.