Luuk 17:3 - Uumeleembaa buŋa tere soomoŋgo gbilia

³ “Kawaajoŋ mono oŋoaŋgia galeŋgia meŋ aoŋ laligowu. Alaga moŋnoŋ siŋgisoŋgo anji, ii mono jeŋ mindiŋgoŋ muba. Jeŋ mindiŋgoŋ muna moma boliŋ aoŋ wosoya mobaati eeŋ, gii mono siŋgisoŋgoya mesaoŋ muba.

Luuk 17:3 Iomraidhean Croise

Matuyuu 18:21

Kambaŋ kanoŋ Piitonoŋ Jiisaswaanoŋ kaŋ qaa kokaeŋ ijoro, “Poŋ, alananoŋ siŋgisoŋgo ama nomakeji, niinoŋ ii indiŋ dawiwaa so mesaowe sokombaa? Indiŋa 7 ii mamaga. Iikawaa so mesaowe sokombaa me qaago?”

Luuk 21:34

“Kambaŋ somata iikawaa lombotanoŋ ejemba kuuya namonoŋ laligowuti, iyoŋoo qagianoŋ kaeŋ kolooŋ ubaa. Kawaajoŋ iikanoŋ pilitik kaŋ siwa kaaŋa qeragoŋ oŋombabo. Kawaajoŋ namonoŋ laaligowaa majakakayanoŋ qagianoŋ uro jejelombaŋ ama apu kotiga neŋ eŋkaloloŋ ama uugia bimoowabotiwaajoŋ mono galeŋgia meŋ aoŋ laligowu.

Efesus Tere 5:15

Qaa iikawaa so nanamemeŋgia mono momakooto qaganoŋ ama meŋ laligowu. Moto kolooŋ tompiŋ laligowubotiwaajoŋ mono awaagadeeŋ galeŋ meŋ aoŋ laligowu.

Hibruu Tere 12:15

Moŋnoŋ Anutuwaa kaleŋmoriaŋa uuguŋ mende buŋa qeŋ aowabotiwaajoŋ mono galeŋ meŋ aoŋ laligowu. Nene gawonoŋ oro kaambogawo ii tiitawo qonjomakejoŋ. Iikawaa so uukaambowaa kania kuuya ii mono qewagowu. Mende qewagogi iikanoŋ somariiŋ kouma eŋkaloloŋ meŋ oŋono mamaga oŋoo uugianoŋ tiloowabo.

Jeimswaanoŋ Tere 5:19

Uumeleeŋ alauruna, oŋoonoŋga moŋnoŋ qaa hoŋaa kania qiwitigoŋ jinjauŋ keno moŋnoŋ ii mokolooŋ kana dindiŋanoŋ mombo wama ambaati eeŋ,

Jombaanoŋ Tere 2 1:8

Nononoŋ uuwaa gawoŋ meniŋ hoŋa uugianoŋ kolooroti, iikanoŋ sooŋ jaŋgoŋ qaombabotiwaajoŋ mojeŋ. Kawaajoŋ aŋgomokoloŋ ejembanoŋ eŋkaloloŋ ama oŋombubotiwaajoŋ mono galeŋgia meŋ aoŋ laligowu. Kaeŋ laligogi uugiaa hoŋanoŋ mende sooro Poŋnoŋ tawagia kuuya oŋondaborowaa.