Joona 4:5 - Uumeleembaa buŋa tere soomoŋgo gbilia

⁵ Kaeŋ ijoro Joonanoŋ siti mesaoŋ kamaaŋ weeŋ koukoutanoŋ baageŋ kema kana goraayanoŋ endu kuuŋ qeŋ iikawaa umuganoŋ raro. Rama sitiwaajoŋ kaeŋ me kaeŋ koloowaati, ii iimambaajoŋ uuŋ uuŋ raro.

Joona 4:5 Iomraidhean Croise

Joona 1:5

Kaeŋ kolooro waŋgo gawoŋ eja yoŋonoŋ toroko moma iyaŋgiaa beŋurugiaa so aŋa aŋa qama kooliŋ oŋoŋgi. Kaeŋ ama waŋgonoŋ afaaŋgowaatiwaajoŋ kawaa hina iwoi kuuya meŋ borogi kowenoŋ kemeroto, Joonanoŋ waŋgo dutaa uutanoŋ kemeŋ iikanoŋ oloŋ koma gaoŋ komunagbiili ero.

Joona 4:4

Kaeŋ welenoto, Poŋnoŋ kokaeŋ meleema ijoro: “Joona, gii kiaŋkoomuwaajoŋ iriŋsooŋsooŋ mojaŋi, ii sokonja me qaago?”

Joona 4:6

Kaeŋ raroto, Poŋ Anutunoŋ Joona keraqeeaŋgo qeŋ mumambaajoŋ moma jero aloŋaloŋ moŋ asugiŋ koriŋ kouma Joonawaa waŋa aoŋ koma muro. Aoŋ koma muro aloŋalombaajoŋ keraqeeaŋgo somata moma raro.