Joona 4:3 - Uumeleembaa buŋa tere soomoŋgo gbilia

³ Kete jaawo laligomambaajoŋ togoŋ koomunaajoŋ uuguŋ mobe awaa kolooja. Kawaajoŋ Poŋ, gii mono laaligona doloda koi nuamba. Qaa ii oŋanoŋ.”

Joona 4:3 Iomraidhean Croise

Joona 4:4

Kaeŋ welenoto, Poŋnoŋ kokaeŋ meleema ijoro: “Joona, gii kiaŋkoomuwaajoŋ iriŋsooŋsooŋ mojaŋi, ii sokonja me qaago?”

Joona 4:8

Weeŋnoŋ kouro Anutunoŋ jero haamo geriawo totooŋ ii gomaŋ jaaya koukoutanoŋga qero weeŋ jaayanoŋ waŋanoŋ kuuro kuuro iriŋa soono komumambaajoŋ moma moŋgandaboroŋ qama kooliŋ kokaeŋ jero: “Nii laligomambaajoŋ togoŋ komumambaajoŋ mobe afaaŋa kolooja. Qaa ii oŋanoŋ.”

Korint Tere 1 9:15

Niinoŋ saanoŋ qaa iikawaa so romoŋgoŋ uuwaa gawoŋ meŋ tawa nombutiwaajoŋ qisiŋ oŋombenagato, kotiŋ nanduŋ ambutiwaa qaa kuuya ii mesaowe. Moneŋ ambutiwaa qaa oojeŋi, ii oŋonoŋ kaeŋ ama nombutiwaajoŋ mende oojeŋ. Tawa memambaajoŋ romoŋgowe bimooro koomuwaajoŋ mobe afaaŋgoja. Neenaajoŋ ii qaa omaya qaagoto, tawa mende nombutiwaa qaaya ii mono selena mepeseeŋ jejeŋ. Noonoŋ qaa ii moŋnoŋ me moŋnoŋ qewagomambaajoŋ amamaaro laligomaŋa.