Joona 1:3 - Uumeleembaa buŋa tere soomoŋgo gbilia

³ Kaeŋ ijoroto, Joonanoŋ Pombaa jaasewaŋanoŋga oloŋ kok koma weeŋ kemekemetanoŋ baageŋ kemambaajoŋ keno. Kema gomaŋ qata Jopa (Jaffa) kanoŋ kemeŋ waŋgo moŋ mokolooŋ jero, “Yoŋowo saanoŋ Tarsis gomanoŋ Spein kantrinoŋ kemaŋa.” Kaeŋ jeŋ kana sewaŋa meŋ waŋgonoŋ uro. Kaeŋ uma Pombaa jaasewaŋanoŋga kokomomola meŋ keno.

Joona 1:3 Iomraidhean Croise

Jenesis 3:8

Rari weeŋ jaaya kemero gomaŋ gooriro Poŋ Anutunoŋ oyaŋboyaŋ gawonoŋ riiŋ karo kana otoŋa mori. Ii moma loemba yoronoŋ Poŋ Anutuwaa jaasewaŋanoŋga kokomomola meŋ oyaŋboyaŋ gawombaa gere uugianoŋ kema asaŋgori.

Jenesis 4:16

Kaeŋ ano Pombaa jaasewaŋa mesaoŋ kema kema baloŋ qata Lansaŋ ewaewaŋ (Nood) kanoŋ keuma laligoro. Baloŋ ii Eeden weeŋ koukoutanoŋ baageŋ eja. Kiaŋ.

Joona 1:10

Iinoŋ gawoŋ osiqosiawo nono togoŋ Pombaa jaasewaŋanoŋa oloŋ kok koma kajeŋ.” Kaeŋ meleeno moma aaruŋ lalaŋaniŋ kokaeŋ ijoŋ jeŋ mugi: “Yei! Gii mono naambaajoŋ ama kaeŋ anjaŋa?”

Joona 4:2

Iriŋa soono Poŋ welema muŋ kokaeŋ ijoro: “Ae! Poŋ, gii kiaŋkoomuwaa beŋa laligoŋ saanoŋ niniima kobooŋkejaŋ. Goo kaleŋmoriaŋga ii honoŋa qaa ero iriŋga ii uulaŋawo mende sooŋkeja. Kaeŋ uuga uulaŋawo olomooro wosomomo ama kanageso moŋ meŋ kileeŋ oŋomambaajoŋ mende momakejaŋ. Ii neenaa gomanoŋ laligoŋ moma yagoŋ gijoweti, ii duduujaŋ me qaago? Kania kawaajoŋ ama kambaŋ kanoŋ “Tarsis kemaŋa,” jeŋ uulaŋawo kokomomola meŋ kema laligowe.

Luuk 9:62

Ijoroto, Jiisasnoŋ meleeno, “Moŋnoŋ baloŋ meenjaŋgowaa kinoŋ ii hoos gematanoŋ somoŋgoŋ borianoŋ kinoŋ maayanoŋ meŋ nano keno mombo eleema gematanoŋ uuji, iinoŋ mono Anutuwaa bentotonoŋ keuma gawoŋa mewaatiwaa so mende kolooja.” Kiaŋ.

Aposol Gawoŋ Meme 15:38

Kaeŋ moroto, Jonoŋ wala Pamfilia taonoŋ looriŋ oromesaoŋ yorowo toroqeŋ gawoŋ mende mero. Kawaajoŋ Poolnoŋ ii wama kembombaajoŋ moro mende sokono.

Aposol Gawoŋ Meme 26:19

“Oo kiŋ Agripa, Jiisasnoŋ kaeŋ nijoro niinoŋ Siwenoŋga jaameleeŋ uŋa iima kania moma ii kolatiŋ laligomambaajoŋ moma osiwe. Kawaajoŋ niinoŋ jaameleeŋ uŋa iikawaa qaaya ii teŋ koma gawoŋ meŋ laligowe.

Aposol Gawoŋ Meme 9:36

Jopa taonoŋ gowoko emba moŋ qata Tabita laligoro. (Qa ii Griik qaanoŋ Dorkas, ananaa qaanoŋ nembaro, Iŋglis qaanoŋ deer.) Iinoŋ kambaŋ so gawoŋ awaa awaa meŋ kaleŋ seiseiya mendeema ejemba kamaaŋqeqeta ilaaŋ oŋoma laligoro.

Aposol Gawoŋ Meme 9:38

Lida ii Jopa taoŋ kosianoŋ raro. Kawaajoŋ Piitonoŋ Lida laligoroti, gowoko yoŋonoŋ ii moma eja woi wasiŋ oroŋgi kema Piito kokaeŋ qisiŋ muri, “Gii mono uulaŋawo kana norowo Jopa taonoŋ kemboŋa.”

Aposol Gawoŋ Meme 9:42

Iikawaa buju qaa ii Jopa uutanoŋ miri so keno moma ejemba mamaganoŋ kanaiŋ Poŋ moma laariŋ mugi.

Aposol Gawoŋ Meme 9:43

Piitonoŋ Jopa kanoŋ somaŋa tosaaŋa toroqeŋ laligoŋ Saimombaa mirinoŋ rama ero. Eja ii kana esu mewutiwaajoŋ bulmakao selia orasiŋ soŋgbama meagoŋ laligoro. Kiaŋ.

Korint Tere 1 9:16

Oligaa Buŋa jeŋ seiŋkejeŋi, iikawaajoŋ selena mepeseemambaa so mende koloojeŋ. Niinoŋ Anutuwaa jeŋkooto baatanoŋ laligoŋ ii jeŋ seimambaa so koloojeŋ. Gawoŋ ii mono mesaomambaajoŋ amamaajeŋ. Oligaa Buŋa mende jeŋ seiwenagati eeŋ, iikawaajoŋ lombonoŋ qananoŋ uro niima ilipizi jewutiwaa so koloowenaga.

Tesalonaika Tere 2 1:9

Poŋnoŋ mono “Yamageŋ (kozigeŋ)!” jeŋ jaasewaŋanoŋga konjoma oŋono Anutuwaa ku-usuŋa asamararaŋawonoŋ mende ubuyato, seleeŋgeŋ laligoŋ gere siawaa siimboboloya tetegoya qaa moma laligowu.