Jenesis 5:2 - Uumeleembaa buŋa tere soomoŋgo gbilia

² Kaeŋ meŋ eja ano emba laligowaotiwaajoŋ mokolooŋ oroma kambaŋ kanoŋ qagara ejemba qama kotuegoŋ orono.

Jenesis 5:2 Iomraidhean Croise

Jenesis 1:27

Kaeŋ jeŋ kotoŋ iyaŋaa kaitaniaa so eja mokolooro. Anutuwaa kaitania kaaŋa laligowaatiwaajoŋ ii mokolooŋ muro. Eja ano emba laligowaotiwaajoŋ ii mokolooŋ orono.

Jenesis 1:28

Mokolooŋ oroma ii kotuegoŋ kokaeŋ jeŋ kotoŋ orono: “Oro mono gbili mokoloori kolooŋ seiŋ ama baloŋ sokoma laligowu. Kaeŋ laligoŋ baloŋ toya koloowu. Kaeŋ kolooŋ kowewaa soraya, kanakeewambaa kooŋa ano oro mokoleŋ lagiso buubuu namonoŋ kema kaŋkejuti, mono ii kuuya galeŋ koma poŋgia kolooŋ laligowu.”

Jenesis 2:15

Kaeŋ kolooro Poŋ Anutunoŋ eja wama oyaŋboyaŋ gawoŋ Eeden koma komoma galeŋ kombaatiwaajoŋ jeŋ oono.

Jenesis 2:23

Wama karo ejanoŋ ii iima kokaeŋ jero: “Yai! Koi neenaa taninaga. Iwaa sii busuya ii neenaa sii busunoŋga asugija. Anutunoŋ ii ejawaa sele kitianoŋga mero letoma eja tani kaaŋa laligojiwaajoŋ qata emba (=ejawaa alia) qabu.”

Jenesis 5:3

Aadamnoŋ laligoro yambuya 130 tegoro meria moŋ kolooro. Ii Aadam iyaŋaa kaitaniaa so laligoro qata Seet qaro.

Matuyuu 19:4

Qisiŋ mugi meleema kokaeŋ iŋijoro, “Mokomokoloo Toyanoŋ mono kanakanaiyanoŋa ii ‘Eja ano emba laligowutiwaajoŋ mokolooŋ oŋono.’ Buŋa qaa ii weeŋgogi me qaago?

Maak 10:6

Ooŋ oŋonoto, Anutunoŋ kanakanaiyanoŋ ilawoila kuuya mokolooroti, kambaŋ iikanondeeŋ ‘Eja ano emba laligowutiwaajoŋ mokolooŋ oŋono.

Aposol Gawoŋ Meme 17:26

“Iinoŋ wala eja motooŋgo mokolooro iwaanoŋga seiŋ deema gbala injaŋa ano sele tosaaŋa kolooŋ baloŋa baloŋa kuuya sokoma laligojoŋ. Iinoŋ kambanana kuuya tororo areŋgoŋ nonono iikawaa so laligojoŋ ano miri gomaŋ daeŋgeŋ daeŋgeŋ eŋ rama laligojoŋi, iikawaa goraaya ano aasoya ama jeŋ kotoro iikawaa so laligojoŋ.