Jenesis 32:3 - Uumeleembaa buŋa tere soomoŋgo gbilia

³ Jeikobnoŋ kananoŋ kema laligoŋ qele ejauruta tosaaŋa wala wasiŋ oŋono Edom kantrinoŋ baloŋ qata Seir kanoŋ data Iisoo iibombaajoŋ keŋgi.

Jenesis 32:3 Iomraidhean Croise

Jenesis 14:6

Hoor kanageso ii Seir baloŋ baaŋawo kanoŋ uŋuŋ oŋotaaŋ kema kema El Paran gomaŋ kanoŋ keuma haamo ama oŋoŋgi. El Paran ii baloŋ qararaŋkoŋkoŋaa goraayanoŋ eja.

Jenesis 25:30

Kaeŋ kiro Jeikob kokaeŋ ijoro: “Selena bimooro wosona mamaga nijiwaajoŋ mono uulaŋawo koziŋ qaaŋa nejoŋgbala ii nona nemaŋa.” Kawaajoŋ qata Edom (nejoŋgbala) qagi.

Jenesis 32:11

“Dana Iisoonoŋ kananoŋ kaŋ neena, nemuŋ ano meraboraurunana nono nunuŋ tiwilaaŋ nonombabotiwaajoŋ nii keena mojeŋ. Kawaajoŋ giinoŋ mono ilaaŋ nonoma iwaa borianoŋga metogoŋ nonomba.

Jenesis 32:7

Kaeŋ jegi moma awawaliŋ konjiliŋ somata moro. Kaeŋ moma nama kanagesouruta iwo kagiti, ii ano lama meme tuuŋa tuuŋa, bulmakao tuuŋa tuuŋa ano kameluruta ii mendeema oŋono tuuŋ woi koloogi.

Jenesis 33:14

Kawaajoŋ eja poŋna, gii saanoŋ wala kena weleŋ ejaga niinoŋ sosooda gemaganoŋ gotaaŋ kamaŋa. Oro oŋotaawe wosonanoŋ wala kembuti ano meraborauruna esuŋgiaa so osoŋosoŋ kaŋ kaŋ era Seir gomanoŋ somatana goonoŋ kouboŋa.”

Jenesis 33:16

Kaeŋ jero Iisoonoŋ weemboria iikanoŋadeeŋ eleema kema Seir gomaŋanoŋ keuro.

Luuk 9:52

Kema qele waladeeŋ ano wala keŋgi. Kananoŋ kema laligoŋ Samaria prowinswaa gomaŋ moŋnoŋ keuma “Jiisas kawaatiwaajoŋ mozoqozojoŋ amboŋatiwaajoŋ kajoŋ,” jegi.