Jenesis 26:7 - Uumeleembaa buŋa tere soomoŋgo gbilia

⁷ Laligoro gomaŋ iikawaa ejia yoŋonoŋ embiaajoŋ qisiŋ mugi kokaeŋ jero, “Ii naanaga.” Kaeŋ jeŋ uutanoŋ kokaeŋ romoŋgoro: “Rebekawaa kaitanianoŋ iima-aiŋaiŋawo koloojiwaajoŋ eja iyoŋonoŋ mono iwaajoŋ ama nii nugi komumambo.” Kaeŋ romoŋgoŋ “Ii embanaga,” kaeŋ jemambaajoŋ keeta moma laligoro.

Jenesis 26:7 Iomraidhean Croise

Jenesis 12:11

Kananoŋ kema Iijipt dodowigi Abramnoŋ embia Saarai qaa kokaeŋ ijoro: “Moba, giinoŋ emba iimasiiŋsiiŋgawo koloojaŋi, ii mojeŋ.

Jenesis 12:13

Kawaajoŋ gii mono kokaeŋ jewa: ‘Nii iwaa naaŋaga.’ Kaeŋ jenago goojoŋ ama awaagadeeŋ ama noma noo laaligona gou gajona koŋgi laligomaŋa.”

Jenesis 12:15

Iikanondeeŋ Faarao kiŋ pombaa poŋ qereweŋa jawiŋuruta yoŋonoŋ ii iigitiwaajoŋ Faarao kimbaanoŋ kema Saaraiwaa selia mepeseegi moro. Ii moma jero Saarai wama kiŋ pombaa jiŋkaroŋ miri uutanoŋ ugi.

Jenesis 20:11

Qisiŋ muro kokaeŋ meleeno: “Niinoŋ qaa ii kokaeŋ romoŋgoŋ jewe: ‘Baloŋ kokawaa kanageso oŋonoŋ Anutuwaa jeta uuguwubotiwaajoŋ toroko mende mobuyaga. Kawaajoŋ nii embanaajoŋ ama nugi komumambo.’

Jenesis 20:2

Kanoŋ laligoŋ ejemba ii kokaeŋ iŋijoro mogi: “Saara ii naanaga.” Kaeŋ iŋijoro Gerarwaa kiŋa Abimelek iinoŋ qaa ano keno Saara wama jiŋkaroŋ mirianoŋ kagi.

Jenesis 20:5

Aabrahamnoŋ mono aŋo kokaeŋ nijoro: ‘Emba ii naanaga.’ Embanoŋ kaaŋagadeeŋ kokaeŋ nijoro: ‘Aabraham ii naanaga.’ Kawaajoŋ uunanoŋ gbiŋgbaoŋ mende ero emba ii jewe karo boronanoŋ kaamaa moŋ mende anjeŋa.”

Jenesis 24:16

Emba iikawaa kaitania ii iima-aiŋaiŋawo totooŋ kolooro emba saraŋ jumuŋa ejanoŋ mende memetaga laligoro. Iinoŋ kamaaŋ apu roŋnoŋ kemeŋ apu kosoŋ kouro.

Jenesis 26:6

Anutunoŋ kaeŋ jero Aisaknoŋ toroqeŋ Gerar taonoŋ rama laligoro.

Jenesis 26:8

Aisaknoŋ iikanoŋ kambaŋ koriga laligoŋ kouma kambaŋ moŋnoŋ embiawo suuŋgoŋ aŋgoŋ aori Filistin yoŋoo kiŋgia Abimelek iinoŋ jeŋgenanoŋga seleeŋgeŋ jaa riro kemero ii iriiro.

Jenesis 29:17

Leawaa jaayanoŋ iima-aiŋaiŋawo kolooroto, Reizel seliaa kaitania ano jaasewaŋa ii kuuya iima-aiŋaiŋawo totooŋ kolooro.

Matuyuu 10:28

“Tosianoŋ selegia qeŋ komuwuyagato, uŋagia qeŋ komuwombaajoŋ amamaawuyati, iyoŋoojoŋ toroko mende moma laligowu. Ii qaagoto, iwoi jegeŋa koi: Moŋnoŋ ku-usuŋ meŋ uŋa ano sele kaaŋgadeeŋ tiwilaaŋ orono gere sianoŋ kemebaoti, iwaajoŋ mono toroko moma laligowu.

Efesus Tere 5:25

Kraistnoŋ iyaŋaa uumeleeŋ kanagesoya jopagoŋ nonoma ananaajoŋ ama laaligoya togoŋ qeleenoti, iikaaŋa eja oŋonoŋ mono kaaŋagadeeŋ embaurugia jopagoŋ uukaleŋ ama oŋoma laligowu.

Kolosi Tere 3:9

Oŋo uu walaga ano iikawaa nanamemeŋa aŋgonjora-yawo ii yakariŋ qeŋ komuŋ laligojuti eeŋ, qaa qoloŋmoloŋgoya mono mende amiŋ mobu.