Jenesis 26:3 - Uumeleembaa buŋa tere soomoŋgo gbilia

³ Niinoŋ maŋga Aabrahambaajoŋ soomoŋgo qaa muŋ ii jojopaŋ qaanoŋ jeŋ kotiiweti, ii mono galeŋ kombe hoŋawo koloowaa. Niinoŋ baloŋ kuuya koi ii gii ano goo gbiliuruga oŋoo buŋaga qeŋ oŋomaŋa. Kawaajoŋ saanoŋ baloŋ kokanoŋ rama waba laligona niinoŋ giwo laligoŋ kotuegoŋ gombe laligowaga.

Jenesis 26:3 Iomraidhean Croise

Jenesis 12:7

Kaeŋ laligogi Poŋnoŋ Abram asugiŋ muŋ kokaeŋ ijoro: “Baloŋ koi ii mono goo gbiliuruga buŋa qeŋ oŋomaŋa.” Kaeŋ ijoro Abramnoŋ Poŋ iwaanoŋ asugiroti, iwaajoŋ siimoloŋ ooŋoombaa alata moŋ mero.

Jenesis 13:15

Baloŋ kuuya koi iijaŋi, ii mono gii ano goo gbiliuruga oŋoo buŋa qewe kambaŋ tetegoya qaa buŋagiaga eŋ ubaa.

Jenesis 13:17

Niinoŋ baloŋ koi mono goo buŋaga qeŋ gonjeŋ. Kawaajoŋ saanoŋ waama kema kaŋ baloŋ kuuya koi bakabaka eugeŋ emugeŋ iima kotoŋ laligowa.”

Jenesis 15:18

Poŋnoŋ oro leelee iikawaa batugianoŋ kema kaŋ somaŋa kanoŋ Abrambo soomoŋgo areŋ ama (kaisareyanoŋ ii meŋ kotiiŋ) qaa kokaeŋ ijoro, “Niinoŋ baloŋ koi ii goo gbiliuruga ii buŋa qeŋ oŋomaŋa. Iikawaa jawoya ii Iijiptwaa apu gowoya (Nail) iikanoŋa kanaiŋ kaŋ koi uuguŋ kema apu bereŋa somata qata Yufreitis iikanoŋ tegowaa.

Jenesis 17:19

Kaeŋ qisiro Anutunoŋ kokaeŋ meleeno, “Embaga Saaranoŋ mono geeŋgaa mera dindiŋa mewaa. Ii mero qata Aisak (jomoja) qaba. Niinoŋ Aisakwo ano iwaa gbiliuruta yoŋowo soomoŋgo areŋna ambe kotiiŋ tetegoya qaa eŋ ubaa.

Jenesis 17:8

Gii Keinan balonoŋ wabaga laligojaŋi, niinoŋ baloŋ ii jinoŋa qaa gii ano goo gbiliuruga oŋoo buŋaga qeŋ oŋombe buŋagia tetegoya qaa eŋ uma ewaa. Kaeŋ ero niinoŋ mono oŋoo Anutugiaga kolooŋ laligomaŋa.”

Jenesis 20:1

Aabrahamnoŋ Mamre gomaŋ mesaoŋ toroqeŋ Saut waageŋ distrik qata Negew kanoŋ kema gomaŋ qagara Kaades ano Sur iyoroo batugaranoŋ laligoro. Kawaa gematanoŋ toroqeŋ taoŋ qata Gerar kanoŋ kema tawagadeeŋ laligoro.

Jenesis 25:11

Aabrahamnoŋ komuro Anutunoŋ meria Aisak kotuegoŋ muŋ laligoro. Iinoŋ Negew balonoŋ apu roŋ qata Ber Lahai Roi (Laaligoyawo laligoŋ niimakejiwaa apu roŋa) iikawaa kosianoŋ rama laligoro. Kiaŋ.

Jenesis 26:12

Aisaknoŋ baloŋ iikanoŋ nene gawoŋ koma komoro Poŋnoŋ kotuegoŋ muro yambu iikanoŋ hoŋa komoroti, ii 100:waa so seiŋ kolooro.

Jenesis 26:14

Iwaanoŋ lama, meme (noniŋ) ano bulmakao tuuŋa tuuŋa ii kolooŋ seigi. Kaaŋiadeeŋ weleŋqeqeuruta mamaga oŋono laligogi. Kawaajoŋ Filistin yoŋonoŋ ii iima kanaiŋ goroŋkiki ama gemaqeqe qaa jegi.

Jenesis 26:24

Beerseba keno gomantiiŋa iikanoŋ Poŋnoŋ asugiŋ muŋ kokaeŋ ijoro: “Niinoŋ maŋga Aabrahambaa Anutuya koloojeŋ. Niinoŋ giwo laligoŋ kotuegoŋ goma laligomaŋa. Kawaajoŋ toroko mende moba. Niinoŋ gawoŋ ejana Aabrahambaajoŋ ama goo gbiliuruga kolooŋseisei oŋombe jaŋgogianoŋ uuta koloowaa.”

Jenesis 28:13

Kaeŋ aŋgi Poŋnoŋ iwaa kosianoŋ nama qaa kokaeŋ ijoro: “Niinoŋ Poŋ, asaga Aabrahambaa Anutuya ano maŋga Aisakwaa Anutuya koloojeŋ. Baloŋ koi ejaŋi, niinoŋ ii gii ano goo gbiliuruga oŋoo buŋaga qeŋ oŋomaŋa.

Jenesis 28:15

Moba, niinoŋ giwo laligoŋ daeŋ daeŋ kema kaŋ laligowagati, iikawaa so mono sopa somoŋgoŋ goma laligoŋ uma guambe baloŋ kokanoŋ mombo eleema kawaga. Niinoŋ gii mende gomesaoŋ qaa jeŋ somoŋgoŋ gombeti, iikawaa so ambe hoŋa koloodaborowaa.”

Jenesis 31:3

Kaeŋ moma asariro Poŋnoŋ Jeikob kokaeŋ ijoro: “Gii mono eleema maŋasauruga yoŋoo balonoŋ kema tinitosauruga yoŋowo laligowa. Kema laligona niinoŋ giwo nama laligomaŋa.”

Jenesis 35:12

Niinoŋ baloŋ Aabraham ano Aisak buŋa qeŋ orombeti, ii mono goo buŋa qemaŋa ano goo gemaganoŋ gbiliuruga yoŋoo buŋagia kaaŋagadeeŋ koloowaatiwaajoŋ ii qemaŋa.”

Jenesis 39:2

Kaeŋ ama laligoro Poŋnoŋ Joosefwo nano iwoi kuuya ama meŋ laligoroti, iikanoŋ toomoriaŋ mokolooro. Iinoŋ toya Iijipt eja iwaa mirinoŋ laligoro.

Jenesis 39:21

Joosefnoŋ kapuare miri iikanoŋ laligoroto, Poŋnoŋ Joosefwo nama kotuegoŋ kiaŋkoomu muŋ laligoro kapuare miriwaa galeŋ waŋanoŋ ii iima iwaajoŋ iima-aiŋaiŋ moro.

Jenesis 48:21

Israelnoŋ kotuegoŋ oŋono tegoro Joosefwaa qaa kokaeŋ jero: “Moba, niinoŋ komumambaajoŋ anjento, Anutunoŋ oŋowo laligoŋ ubaa. Iinoŋ mono uŋuano maŋ asaurugia yoŋoo balonoŋ eleema kembuya.

Jenesis 50:24

Kawaa gematanoŋ Joosefnoŋ daremuŋuruta yoŋoojoŋ qaa kokaeŋ iŋijoro, “Nii komumambaajoŋ anjento, Anutunoŋ mono kalaŋ koma oŋono laligowuya. Iinoŋ oŋo baloŋ kokainoŋga uŋuama baloŋ Aabraham, Aisak ano Jeikob yoŋoo buŋaga koloowaatiwaajoŋ jeŋ tegoŋ jojopaŋ qaanoŋ jeŋ kotiiroti, mono iikanoŋ kema laligowu.”

Filipai Tere 4:9

Noo nanamemena iima Buŋa qaana moma uu konoŋgianoŋ ama buŋa qeŋ aogiti, oŋo mono ii koma gbiliŋ ama meŋ laligowu. Kaeŋ laligogi luae Toya Anutu iinoŋ oŋowo nambaa. Kiaŋ.

Hibruu Tere 11:9

Kema kema Anutunoŋ baloŋ iwaa buŋa koloowaatiwaajoŋ jeŋ somoŋgoroti, mono iikanoŋ keuro. Keuma waba kolooŋ ejemba nanamemeŋgia mende moroto, momalaarianoŋ nemuŋ koma murotiwaajoŋ mono kileŋ opo kuuŋ meŋ maama kanoŋ eŋ laligogi. Esameria Aisak Jeikob yoronoŋ kaaŋagadeeŋ Anutunoŋ baloŋ oŋombaatiwaajoŋ soomoŋgo qaaya iikayadeeŋ buŋa qeŋ aoŋ baloŋ iikanoŋ toroqeŋ opo kuuŋgia meŋ maama eŋ laligogi.

Hibruu Tere 6:17

Iikawaa so Anutunoŋ qaaya Aabrahambaa gbiliuruta anana mobombaajoŋ somoŋgoŋ jero. Qaa areŋa ii moŋnoŋ qewagoŋ utegomambaajoŋ amamaaji, gbiliuruta anana soomoŋgo qaa iikawaa kania ii tororo moma yagowombaajoŋ moro. Kawaajoŋ soomoŋgo qaaya ijoro mutuya kolooro qaa ii mombo jojopaŋ qaayanoŋ jeŋ kotiiro indiŋ woi kolooro.