Jenesis 21:2 - Uumeleembaa buŋa tere soomoŋgo gbilia

² Saaranoŋ koro ano Aabrahamnoŋ eja waŋa kolooro kileŋ iwaa meria ejaga mero. Anutunoŋ mera koloowaatiwaa qaaya walawala jeŋ somoŋgorotiwaa so ii mono kambaŋ iikanoŋadeeŋ kolooro.

Jenesis 21:2 Iomraidhean Croise

Jenesis 17:19

Kaeŋ qisiro Anutunoŋ kokaeŋ meleeno, “Embaga Saaranoŋ mono geeŋgaa mera dindiŋa mewaa. Ii mero qata Aisak (jomoja) qaba. Niinoŋ Aisakwo ano iwaa gbiliuruta yoŋowo soomoŋgo areŋna ambe kotiiŋ tetegoya qaa eŋ ubaa.

Jenesis 17:21

Kaeŋ koloowuyato, Saaranoŋ geeŋgaa meraga Aisak ii yambu eugeŋanoŋ kambaŋ kokaamba mewaati, niinoŋ mono neenaa soomoŋgo areŋna ii iwo ama meŋ kotiimaŋa.”

Jenesis 18:10

Kaeŋ jero eja yoŋoonoŋga moŋnoŋ kokaeŋ ijoro: “Yambu motooŋgowaa so tegoro niinoŋ oŋanoŋ eleema koi kawe embaga Saaranoŋ mono meriawo kolooŋ laligowaa.” Kaeŋ ijoroto, Saaranoŋ opo sel kuumbaa qaa ootayanoŋ loyaa gematanoŋ nama qaa ii gejianoŋ kemero moro.

Jenesis 18:14

Poŋnoŋ iwoi mombaajoŋ mende totooŋ osiŋkeja. Kawaajoŋ jejeŋi, ‘Yambu motooŋgowaa so tegoro niinoŋ oŋanoŋ eleema koi kawe Saaranoŋ mono meriawo kolooŋ laligowaa.’”

Luuk 1:36

Moba. Tinitosaga Elisabet iinoŋ kaaŋagadeeŋ ‘Kopiŋ laligoŋ mera memambaajoŋ amamaaja,’ jegito, kileŋ emba waŋa kolooŋ kambaŋ kokaamba koko merawaa koroyawo kolooro koiŋa 6 kolooja.

Aposol Gawoŋ Meme 7:8

“Anutunoŋ Aabraham kaeŋ ijoŋ aiwese kokaeŋ ambutiwaajoŋ jero moro, ‘Oŋo niwo soomoŋgo ambutiwaajoŋ mono noo aiwese asa koma eja selegia kotoŋ laligowu.’ Iikawaa so Aabrahamnoŋ meria Aisak kolooro weeŋ 8 tegoro kanoŋ Anutuwaa aiweseya meŋ selia kotoro. Aisaknoŋ meria Jeikob mekolooŋ aiwese ii kotoro ano Jeikobnoŋ merauruta mekolooŋ oŋoma iikawaa so kotoŋ oŋono. Jeikobwaa merauruta 12 yoŋonoŋ Israel nonoo ambosakoŋurunanaga koloogi.

Room Tere 9:9

Soomoŋgo qaa iikanoŋ Aabrahambaanoŋ kokaeŋ karo moro, “Gbani motooŋgo tegoro kanoŋ mombo kaŋ giibe Saaranoŋ mono meriawo koloowaa.”

Galesia Tere 4:22

Buŋa qaa moŋ kokaeŋ oogita eja: Aabrahambaa merawoita woi koloori: Moŋ weleŋqeqe emba kamaaŋqeqetanoŋ (sleiw) mero ano moŋ ii aŋaa suujariŋ embia (frii) solaŋa laaligoya iinoŋ mero.

Hibruu Tere 11:11

Kaaŋa laligoŋ eja waŋa kolooroto, momalaarianoŋ nemuŋ koma muro kotiiŋ maŋ kolooro. Aabrahambaa embia Saara iinoŋ kopiŋ laligoroto, ii kileŋ koro ama mera mero. Anutunoŋ Aabrahambaa kanagesoya somata koloowaatiwaa qaa somoŋgoŋ muroti, iwaajoŋ ama qaayanoŋ hoŋawo koloowaatiwaajoŋ moma laariŋ laligoro. Momalaaria iikanoŋ nemuŋ koma muro meria kolooro iiro.