Jenesis 2:9 - Uumeleembaa buŋa tere soomoŋgo gbilia

⁹ Oono laligoro jeŋ kotoro namonoŋga gere tanigia kania kania asugiŋ waagi. Gere ii iimasiiŋsiiŋgiawo kolooro hoŋgia neneya ii naaŋgiawo. Oyaŋboyaŋ gawoŋ biiwianoŋ laaligo kotigaa geria ano momakootowaa geria ii motooŋ jeŋ kotoro asugiri. Momakootowaa geriaa kania ii kokaeŋ: Hoŋa neŋ iikanoŋ awaa ano bologa iikawaa kania ii moma kotowaobo.

Jenesis 2:9 Iomraidhean Croise

Jenesis 2:17

Kaento, momakootowaa gere hoŋa ii mono mende newa. Ii neŋ awaawaa kania ano bologaa kania moma kotowagati eeŋ, gii mono weemboria iikanoŋadeeŋ koomu kotiga komuwaga. Kawaajoŋ ii mono mende newa.”

Jenesis 3:22

Kaaŋa laligori Poŋ Anutunoŋ kokaeŋ jero: “Yai! Ejemba ii nonoonoŋga mombaa so kolooŋ awagaa kania ano bologaa kania mendeema orombaotiwaajoŋ mojao. Kaeŋ kolooro laaligo kotigaa gere kota mende newaotiwaajoŋ soŋgo ambeto, yoronoŋ kambaŋ kokaamba toroqeŋ borogara boraama ii kaaŋagadeeŋ meŋ neŋ iikaaŋanoŋ mende komuŋ tetegoya qaa kotiiŋ laligoŋ ubaobo.”

Jenesis 3:24

Ejemba kaeŋ konjoma oroma oyaŋboyaŋ gawoŋ Eedembaa leegeŋanoŋ weeŋ koukoutanoŋ baageŋ zerubim gajoba tosaaŋa kuuŋ oŋono laaligo kotigaa gere iikawaa kania utuŋ galeŋ koŋgi. Yoŋoo borogianoŋ manjawaa sooya somata ano iikanoŋ gere bolaŋ kaaŋa bilibiliawo jeŋ batanoŋ gematanoŋ liligoŋ bilisikwaa so kolooro nama galeŋ koma laligogi. Kiaŋ.

Jenesis 3:3

Jeroto, gawoŋ biiwianoŋ gere moŋ nanji, iikawaa hoŋa ii neŋ komuwobotiwaajoŋ mono kokaeŋ jero: ‘Ii mono mende newao. Ii mende oosiriwao.’ Kaeŋ jeŋ kotoŋ norono laligojo.”

Jenesis 3:5

Kaento, gere iikawaa hoŋa neri weemboria iikanondeeŋ mono jaagaranoŋ tooro Anutu kaaŋa kolooŋ awaawaa kania ano bologaa kania moma kotowaota. Anutunoŋ kaeŋ koloowabotiwaajoŋ moma qaa kaeŋ jero.”

Oligaa Buŋa Jonoŋ Ooro 6:48

“Niinoŋ laaligo kombombaŋaa nene hoŋa koloojeŋ.

Korint Tere 1 8:1

Oŋo nene tando lopiombaa nanduŋ aaŋa kawaa tere oogi gejanono kokaeŋ jemaŋa: Uujopanoŋ mono ilaaŋ oŋombaa. Niinoŋgiinoŋ jegi tosianoŋ kokaeŋ jeŋkeju, “Kuuya nononoŋ tando lopiombaa kanagia moma yagoniŋ omaya kolooja.” Qaa ii hoŋaboŋaga kolooji, ii mojoŋ. Oŋo momo kaaŋia jeŋ laligogi uugianoŋ waaro koŋaiŋ kaaŋa terereeŋ awelegoŋkeju. Kaeŋ ama deema sisau laligoju. Kana qaa waŋa ii uujopa. Kana iikaaŋa kanoŋ mono ananaa uunana meagoŋ meŋ kotiiŋ aowoŋa.

Isaisaaŋ 2:7

“Oŋoonoŋga moronoŋ gejiawo laligoji eeŋ, Uŋa Toroyanoŋ zioz tuuŋa tuuŋa ananaajoŋ qaa jeŋkeji, iinoŋ mono ii geja ama moma kotowa. “Moŋnoŋ aŋgobato bologa kuuya uuguŋ haamo ambaati, niinoŋ ii wambe Anutuwaa oyaŋboyaŋ gawonoŋ (paradais) eukanoŋ uma laaligo kotigaa gere umuganoŋ rama kota neŋ laligowaa.” Kiaŋ.

Isaisaaŋ 22:14

“Niinoŋ ejemba malekugia galeŋ komakejuti, iyoŋoojoŋ kiropo naguya horowe saanoŋ siti uutanoŋ ugi mende aŋgoŋ koma oŋombe laaligo kotigaa gere hoŋa newuya. Kawaajoŋ opo malekugia galeŋ koma soŋgbamakejuti, ejemba iyoŋonoŋ mono simbawoŋawo ano oyaŋboyaŋ kolooju.

Isaisaaŋ 22:2

Apu gowoya iikanoŋ sitiwaa kana somatanoŋ kamaaŋ biiwia metetereeŋ kotoŋ karo. Apu gowoyaa goraayanoŋ leelee kanoŋ laaligo kotigaa gereya ii nano. Gere iikawaa hoŋanoŋ mono gbani so somaŋa 12, ii koiŋ motomotoombaa uutanoŋ kolooŋkeju. Gere iikawaa seŋanoŋ mono kantria kantria ejembanoŋ qeeaŋgo mokoloowutiwaajoŋ ama nanju.