Jenesis 13:7 - Uumeleembaa buŋa tere soomoŋgo gbilia

⁷ Amamaaŋ Abram ano Loot yoroonoŋ oro galeŋurugara yoŋoo batugianoŋ balombaa aŋgowowoya asugiro. Kambaŋ kanoŋ Keinan kanageso ano Periz kanageso yoŋonoŋ baloŋ iikawaa toya koloogi yoŋowo motooŋ laligogi.

Jenesis 13:7 Iomraidhean Croise

Jenesis 10:19

Kaeŋ deeŋqeeŋgi Keinan kanageso yoŋoonoŋ baloŋ goraaya ii gomaŋ qata Saidon iikanoŋa kanaiŋ kema Gerar gomanoŋ kema Gaza kanoŋ tegoja. Kaaŋagadeeŋ Sodom baageŋ kema Gomora kema Adma ano Zeboim kema Lasa kanoŋ tegoja.

Jenesis 12:6

Abramnoŋ baloŋ kanoŋ kema laligoŋ gomaŋ qata Sekem kanoŋ kouma jujuu gere somata qata More kawaa kosianoŋ kuuŋ meŋ raro. Kambaŋ kanoŋ Keinan ejemba yoŋonoŋ baloŋ iikanoŋ laligogi.

Jenesis 21:25

Kaeŋ jeroto, Abimelekwaa weleŋqeqeurutanoŋ apu roŋ moŋ iyaŋgiaajoŋ aŋgoŋ koŋgiti, Aabrahamnoŋ iikawaajoŋ Abimelek jeŋ muro.

Jenesis 26:20

Ii mokoloogito, Gerar yoŋoo lama bulmakao galeŋgianoŋ Aisakwaa lama bulmakao galeŋuruta yoŋowo kanaiŋ aŋgowowo ama qaa kokaeŋ jegi, “Oo ii nonoonoŋga!” Iyaŋawo aŋgowowo qaa kaeŋ jegitiwaajoŋ ama Aisaknoŋ apu roŋ iikawaa qata Esek (Aŋgowowo) qaro.

Jenesis 34:30

Kaeŋ aŋgi Jeikobnoŋ Simeon ano Liwai kokaeŋ irijoro: “Oro kaeŋ ani kakasililiŋ somataa qaayanoŋ mono noo qananoŋ uro laligomaŋa. Baloŋ kokawaa toya Keinan kanageso ano Periz kanageso yoŋonoŋ mono kazi moma noma laligowu. Nii oŋoo kanatuuruna nono afaaŋanoŋ laligojoŋ. Kawaajoŋ yoŋonoŋ manjaqeqe ejaurugia kululuuŋ oŋoma qotogoŋ nonoma manja qeŋ nombuti eeŋ, yoŋonoŋ mono saanoŋ japaleleŋ nuŋ nii ano kanatuuruna tiwilaaŋ nonombuya.”

Jenesis 46:34

“Kaeŋ qisiŋ oŋono oŋo kokaeŋ meleema mubu: ‘Weleŋqeqeuruga nononoŋ mono au asaurunana wala meŋ laligogitiwaa so meraanananoŋga lama bulmakao galeŋkoŋkoŋ gawoŋa meŋ laligoŋ kouma laligojoŋ.’ Kaeŋ meleema mugi iinoŋ saanoŋ Goosen prowinsnoŋ rara dunduŋgia meagowutiwaajoŋ “Ooŋ!” jero laligowuya. Iijipt ejemba yoŋonoŋ lama bulmakao galeŋ koŋkoŋ ejemba kuuya yoŋoojoŋ mogi arokuukuugiawo kolooŋkeju.” Joosefnoŋ qaaya kaeŋ iŋijoro.

Maak 3:25

Kaaŋagadeeŋ miri mombaa kanageso yoŋonoŋ batugianoŋ aŋgowowo ama deembuti eeŋ, mono galeŋkoŋkoŋ gawoŋgia meŋ nambombaajoŋ amamaawuya.

Korint Tere 1 3:3

Oŋo toroqeŋ balombaa nanamemeŋ bologa metetereeŋ laligoju. Oŋo uugianoŋ uunoŋ junjuŋ moma aŋgowowo ama qaa jejegianoŋ nuuguna guuguwe amakeju. Kaeŋ aŋgi uu selewaa siiŋgia kombombaŋa bologanoŋ galeŋ koma oŋono uumeleembaa gadokopa ejemba omaya yoŋoo tanigiaeŋ kolooŋkeju.

Galesia Tere 5:20

Tando lopioŋ waegia meŋ beŋgia mepeseeŋ oŋoŋgi uugia sololooŋ oŋono oweŋ jenaŋ amakeju. Kere kolooro aŋgowowo ama aoŋkeju. Mombaanoŋ iwoiwaajoŋ uutanoŋ motoqoto moma baagoŋ yoŋ jeŋ uuduuduu momakeju. Iyaŋgiaajoŋadeeŋ romoŋgoŋ iwoi horoŋ kiririnjaba meŋkeju. Juma mendeema aoŋ tuuŋa tuuŋa meŋ jejewili ama aoŋkeju.

Kolosi Tere 4:5

Ejemba uumeleeŋ mende ama seleeŋgeŋ laligojuti ii mono momakooto qaganoŋ ama oŋoma laligowu. Uuwaa gawoŋ mewombaa kana moŋ koloowaati kambaŋ ii mono mende mesoqesooŋ tiwilaawuto, ejemba kooroŋgianoŋ kema bonjoŋ qambaŋmambaŋ koma oŋombu.

Tesalonaika Tere 1 4:12

Kaeŋ aŋgi uugia mende meleema seleeŋgeŋ nanjuti, iyoŋonoŋ nanamemeŋgia solaŋa iima yagoŋ goda qeŋ oŋoma laligowu. Injarere laŋ laligoŋ nene iwoiwaa welema mombaa qanoŋ mende laligowu. Kiaŋ.

Taituswaa Tere 3:3

Anana kaaŋagadeeŋ wala uunana mende tooro qaa qotogoŋ jinjauŋ laligoniŋ. Siiŋnana kombombaŋa bologa kania kania iikawaa moto siwayanoŋ kemeŋ osiŋ qagoniŋ galeŋ koma nonoŋgi sele busuwaa siiŋ korisoroya moŋgama laŋ laligoniŋ. Goroŋkiki qaga-noŋ kikekakasililiŋ ama iikanoŋ laaligonana tiwilaaŋ laligoniŋ. Tosianoŋ arokuukuu moma kazi ama nonoŋgi batunananoŋ kere jaa aima aoŋ laligoniŋ.

Jeimswaanoŋ Tere 3:16

Daeŋ yoŋoo uugianoŋ motoqoto kolooŋ uunoŋ junjuŋ ero iriŋsoŋsooŋ moma gemaqeqe ama aoŋkejuti, iyoŋoo laaligogianoŋ sisau iliŋwaliŋ ero sili aŋgonjorayawo kania kania otaaŋkeju.

Jeimswaanoŋ Tere 4:1

Naa iwoinoŋ manja ano aŋgowowo kondooro batugianoŋ kolooŋkeja? Oŋoaŋgiaa siiŋgia kombombaŋanoŋ mono waama sele busugia sokono awaa ano bologa iikanoŋ aworaŋgori manja ano aŋgowowo kolooŋkeja.

Piitowaanoŋ Tere 1 2:12

Uugia mende meleeŋgiti, iyoŋoo batugianoŋ nanamemeŋgia awaagadeeŋ ama meŋ laligowu. Tosianoŋ oŋo bologa meme ejemba kaaŋa qaanoŋ jeŋ boliŋ oŋomakejuti, iyoŋonoŋ nanamemeŋgia awaa iima kaniagia tororo moma asarigi roromoŋgogianoŋ utegowaa. Roromoŋgogianoŋ utegoro iyaŋgiaa siŋgisoŋgogia ano momasoosoogia iima kotoŋ uugia meleema Kraist asugiwaatiwaa kambaŋanoŋ oŋoojoŋ ama Anutu mepeseeŋ muŋkebu.